Ես շարունակելու եմ դատական պրոցեսն ընդդեմ ՄՄ-ին անդամակցելու Սերժ Սարգսյանի որոշման. Արթուր Սաքունց
12:06, January 8, 2014 | Այլ լրատվամիջոցներ, Նորություններ | Արդար դատաքննության իրավունք | Քաղբանտարկյալներ
«2014 թվականին շարունակելու եմ դատական պրոցեսն առ այն, որ Մաքսային միությանն անդամագրվելու Սերժ Սարգսյանի որոշումը ճանաչվի ոչ իրավաչափ»,- Newsbook-ի հետ զրույցում նշեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը: Իրավապաշտպանի հավաստմամբ` Շանթ Հարությունյանը և մնացած քաղաքացիական ակտիվիստները ցույց տվեցին, որ իրապես կա դժգոհություն և լուրջ հիմքեր կան ենթադրելու, որ ՄՄ անդամագրման դեմ բողոքի ակցիները շարունակվելու են:
«Ես կմիանամ այն բոլոր ակցիաներին, որոնք կլինեն ընդդեմ Մաքսային միությանն անդամագրվելուն և պայքարը կշարունակեմ նաև այդպես»,- ասաց Սաքունցը: Հիշեցնենք, որ ՀՔԱ Վանաձորի գրասենյակը ՀՀ վարչական դատարան էր ներկայացրել հայցադիմում՝ պահանջելով ոչ իրավաչափ ճանաչել ՀՀ նախագահ Սերժ Սարգասյանի գործողությունները` Մաքսային միությանը Հայաստանի անդամակցության որոշման վերաբերյալ:
ՀՀ վարչական դատարանը մերժել է ներկայացված հայցը` վկայակոչելով ՀՀ վարչական դատավարության օրենսգրքի 79-րդ հոդվածը, համաձայն որի` հայցը ենթակա չէ վարչական դատարանի քննությանը, ինչպես նաև վկայակոչելով ՀՀ Սահմանադրությամբ նախագահին տրված լիազորություններն ու իրավունքները: ՀՔԱ Վանաձորի գրասենյակը վճիռը բողոքարկել է ՀՀ վերաքննիչ դատարանում: