0 8000 12 11

Վանաձորում ընթացող ՏԻՄ ընտրությունները նախորդ ընտրությունների համեմատ բավական ակտիվ են: Tert.am-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:

Նա նշեց, որ այս ժամի դրությամբ իրենք ստացել են բազմաթիվ ահազանգեր՝ ընտրախախտումների վերաբերյալ, որոնց մի քանիսի կապակցությամբ հաղորդում են ներկայացրել ոստիկանություն:

«Հիմնական խախտումներն արձանագրված են զանգվածային կուտակումների տեսքով՝ մեքենաների, մարդկանց: Դրանք մշտական այսպես կոչված հերթապահ նշանակված մարդիկ են, ովքեր կարգավորում են քաղաքացիների հոսքը դեպի ընտրական տեղամաս»,- նշեց Սաքունցը:

Իրավապաշտպանի խոսքով՝ ահազանգեր են ստացվել որոշակի ընտրակաշառքների, խրախուսական միջոցների տրամադրման մասին: «Ես մարդ եմ տեսել, որ ձեռքին մի ամբողջ փաթեթով գումար է եղել, բայց որ հագուկապին նայում ես … Ես դիտորդ եմ, ոստիկանության աշխատակից չեմ, չեմ կարող հարցնել՝ ինչ գումար է, ինչ է, ահազանգում ենք ոստիկանությանը, ասում են՝ փաստեր ներկայացրեք: Կներեք, փաստերը՝ դուք պետք է ներկայացնեք»,- շեշտեց նա: