ՄԱԿ-ի հատուկ զեկուցողը իր դիտարկումներն է ներկայացրել ՀՀ առողջապահական համակարգի վերաբերյալ
16:59, October 9, 2017 | Նորություններ, Սեփական լրատվություն
ՄԱԿ-ի՝ հնարավոր լավագույն ստանդարտներին համապատասխան բոլորի համար ֆիզիկական և հոգեկան առողջության իրավունքի հարցերով հատուկ զեկուցող Դայնիուս Պուրասը 2017 թ. սեպտեմբերի 25-ից հոկտեմբերի 5-ը աշխատանաքային այցով եղել է Հայաստանում: Այցի ընթացքում եղել է ՀՀ առողջապահական մի շարք հաստատություններում, ՁԻԱՀ-ի կանխարգելման ազգային կենտրոնում, Նարկոլոգիական կենտրոնում, Տուբերկուլյոզի դեմ պայքարի ազգային կենտրոնում, քրեակատարողական հիմնարկներում, մի շարք դպրոցներում, այդ թվում և ներառական ուսումնական հաստատություններում:
ՄԱԿ-ի հատուկ զեկուցողը հանդիպումներ է ունեցել նաև ՀՀ Մարդու իրավունքների պաշտպանի աշխատակազմի, միջազգային կազմակերպությունների, դիվանագիտական կորպուսի ներկայացուցիչների և քաղաքացիական հասարակության ներկայացուցիչների, այդ թվում՝ առողջապահության ոլորտի մասնագետների հետ հանդիպումների հետ:
Այցի ավարտին Դայնիուս Պուրասը ներկայացրել է իր նախնական դիտարկումները ՀՀ առողջապահական համակարգի մասին: Նա արձանագրել է, որ Հայաստանում առողջության իրավունքի առաջադիմական իրացման հասնելու լավ հնարավորություններ կան, բայց պետական իշխանությունները պետք է ակտիվ քայլեր ձեռնարկեն՝ արձագանքելու կառուցվածքային և համակարգային մարտահրավերներին թե օրենսդրական, թե գործնական դաշտերում և ապահովելու միջազգային իրավունքի ներքո մարդու իրավունքների խթանման և պաշտպանության ուղղությամբ ստանձնած պարտավորությունների իրականացումը։
ՄԱԿ-ի հատուկ զեկուցողը հորդորել է հետևել մարդու իրավունքների հարցերով զբաղվող տարածաշրջանային և միջազգային մարմինների կողմից տրամադրված արժեքավոր առաջարկություններին:
Դիտարկումներն ամբողջությամբ՝ ԱՅՍՏԵՂ