«Զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով դասընթաց՝ Արմավիր քաղաքում
20:34, October 13, 2015 | Նորություններ, Սեփական լրատվություն
Շարունակվում է ԲՀՀ-Հայաստանի ֆինանսական աջակցությամբ իրականացվող «ՀՔԱ Վանաձորի գրասենյակի կայունությունը ՀՀ –ում՝ ժողովրդավարության և մարդու իրավունքների մարտահրավերների լույսի ներքո» ծրագրի շրջանակներում իրականացվող դասընթացների շարքը: 2015թ. հոկտեմբերի 8-ին Արմավիր քաղաքում կայացած «Զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով դասընթացը վարում էին ՀՔԱ Վանաձորի գրասենյակի իրավական վերլուծությունների և նախաձեռնությունների ծրագրերի համակարգող Անահիտ Չիլինգարյանը և իրավական վերլուծությունների մասնագետ Սուսաննա Դավթյանը: Վերջիններս ներկայացրին զորակոչիկների իրավունքներն ու պարտականությունները նախազորակոչային ժամանակահատվածում և զորակոչի ընթացքում, անդրադարձան զինվորական հաշվառմանը, կցագրմանը, զինվորական ծառայությանը զորակոչիկների պիտանիությանը վերաբերող հարցերին, ինչպես նաև նշված հարցերը կարգավորող օրենսդրությանն ու դրա կիրառման պրակտիկային: 
Մասնակիցների թվում կային ինչպես նախազորակոչային և զորակոչային տարիքի երիտասարդներ, զորակոչիկների և զինծառայողների հարազատներ, այնպես էլ տարբեր հասարակական կազմակերպությունների ներկայացուցիչներ, ովքեր իրենց հարցերն ուղղեցին դասընթացավարներին, քննարկեցին տարբեր իրավիճակներ:
Այդ ընթացքում նախապես գրանցված քաղաքացիներին ՀՔԱ Վանաձորի գրասենյակի իրավաբան Սյուզաննա Սողոմոնյանի կողմից տրամադրվեց իրավաբանական խորհրդատվություն:
ՀՔԱ Վանաձորի գրասենյակը շնորհակալություն է հայտնում Արմավիրի քաղաքացիական երիտասարդական կենտրոնին՝ աջակցության համար:
Լուսանկարները՝ Արմավիրի քաղաքացիական երիտասարդական կենտրոնի