Հելսինկյան Քաղաքացիական Ասամբլեայի Վանաձորի գրասենյակը՝ հայտնի իրավապաշտպան Միքայել Դանիելյանի մահվան կապակցությամբ
20:31, August 25, 2016 | Հայտարարություններ, Սեփական
Կյանքից անժամանակ հեռացավ հայտնի իրավապաշտպան, Հայաստանի Հելսինկյան Ասոցիացիայի հիմնադիր և նախագահ Միքայել (Միկա) Դանիելյանը:
Կյանքի մեծագույն մասը նվիրելով իրավապաշտպան գործունեությանը՝ Միքայել Դանիելյանը մշտապես հանդես է եկել խոցելի խմբերի շահերի պաշտպանության դիրքերից՝ հավատարիմ մնալով իր որդեգրած՝ հավասարության ու բազմազանության սկզբունքներին:
Անգնահատելի է նրա դերը՝ Հայաստանում մարդու իրավունքների պաշտպանության սկզբունքների և քաղաքացիական հասարակության ձևավորման գործում:
Հելսինկյան Քաղաքացիական Ասամբլեայի Վանաձորի գրասենյակը ցավակցում է Մ. Դանիելյանի ընտանիքի անդամներին, հարազատներին ու գործընկերներին:
