Կշարունակվի ՀՔԱ Վանաձորի գրասենյակի նախագահ Ա. Սաքունցի դիմում-բողոքի քննությունը
17:46, March 30, 2016 | Մամլո հաղորդագրություններ
Տեղեկացնում ենք, որ 2016 թ. մարտի 31-ին՝ ժամը 17:00-ին, ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում կշարունակվի Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցի դիմում-բողոքի քննությունը՝ ՀՀ Գլխավոր դատախազության քննչական վարչության դատախազ Հ. Ենոքյանի՝ քրեական գործ հարուցելու մասին որոշումը վերացնելու պահանջի մասին:
Հիշեցնենք, որ ՀՔԱ Վանաձորի գրասենյակի կողմից 2015 թվականի սեպտեմբերի 28-ին հանցագործության մասին հաղորդում է ներկայացվել ՀՀ Գլխավոր դատախազություն և ՀՀ Հատուկ քննչական ծառայություն 2015 թվականի սեպտեմբերի 18-ին hraparak.am ինտերնետային լրատվական կայքում հրապարակված <<Շուտ գնա ստեղից, թե չէ դու առանց արգանդի կմնաս. հերթական միջադեպը Սաշիկ Սարգսյանի մասնակցությամբ>> լրատվական նյութի հիման վրա:
Քրեական գործ էր հարուցվել ոչ թե հանցագործության մասին հաղորդման մեջ առկա տեղեկատվության հիման վրա, այլ ՀՀ Քրեական օրենսգրքի 333-րդ հոդվածի (Սուտ մատնության) հատկանիշներով: