Ցուցարար Վահրամ Պետրոսյանի գործով ապացույցները հետազոտելու անհրաժեշտություն կա. վճիռը չհրապարկվեց
18:33, October 30, 2017 | Նորություններ, Սեփական լրատվություն | Հավաքների և միավորումների ազատություն
Այսօր՝ 2017 թ. հոկտեմբերի 30-ին, ՀՀ Վարչական դատարանը պետք է հրապարակեր ցուցարար Վահրամ Պետրոսյանի գործով վճիռը:
Նախապես վճռի հրապարակման օր էր նշանակված 2017 թ. հոկտեմբերի 27-ը, սակայն դատավորի զբաղվածության պատճառով այն հետաձգվել էր:
Այսօր էլ դատարանը հայտարարեց գործի դատաքննությունը վերսկսելու մասին: Դրա շրջանակում ապացույցները հետազոտելու անհրաժեշտություն կա:
Հաջորդ դատական նիստը նշանակվեց 2017 թ. դեկտեմբերի 1-ին՝ ժամը 12:00-ին:
Հիշեցնենք՝ ՀՀ Ոստիկանությունը պահանջում է պատասխանատվության ենթարկել Վ. Պետրոսյանին ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները: