0 8000 12 11

2017 թ. մայիսի 30-ին ՀՀ Վարչական դատարանում վերսկսվեց զորակոչիկ Հովհաննես Մոսյանի առողջական վիճակի մասին ՀՀ Կենտրոնական բժշկական հանձնաժողովի որոշումը վերացնելու վերաբերյալ հայցադիմումի քննությունը:

Սրանով Հովհ. Մոսյանն ու նրա ներկայացուցիչ, ՀՔԱ Վանաձորի գրասենյակի Երևանի ներկյացուցչության իրավաբան Տ. Սիրադեղյանը պահանջում են կիրառել ՀՀ պաշտպանության նախարարի 2013 թվականի ապրիլի 8-ի թիվ 410-Ն հրամանի այլ դրույթ և տարկետում տրամադրել ոչ թե 10 ամիս, այլ 3 տարի ժամկետով:

Հիշեցնենք՝ 2017 թ. փետրվարի 23-ին դատարանը որոշել էր նշանակել դատաբժշկական փորձաքննություն և կասեցնել գործի վարույթը: Որից հետո հայցվոր կողմը միջնորդել էր վերսկսել գործի վարույթը՝ դատարան ներկայացնելով այնպիսի ապացույց, որը հնարավորություն է տալիս հայցը լուծել առանց փորձաքննության: Եվ 2017 թ. ապրիլի 4-ի որոշմամբ դատարանը վերսկսել էր գործի վարույթը:

2017 թ. մայիսի 30-ի դատական նիստին ներկա էին հայցվոր Հովհ. Մոսյանի ներկայացուցիչներ Գոհար Մոսյանը և ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը: 

Դատարանը, տեղեկանալով, որ ներկայացված ապացույցը պատասխանող  ՀՀ Կենտրոնական բժշկական հանձնաժողովին չի հանձնվել, հայցվորի ներկայացուցչին հանձնարարեց հանձնել այն պատասխանողին և դատական նիստը հետաձգեց:

Հայցի քննությունը կշարունակվի 2017 թ. հուլիսի 11-ին՝ ժամը 15:00-ին: