0 8000 12 11

ՀՀ Ոստիկանապետ

 Վլադիմիր Գասպարյանին

 ՀՀ Գլխավոր դատախազ

Աղվան Հովսեփյանին

 Նախաձեռնող խմբի պահանջը ՀՀ ոստիկանությանն ու ՀՀ Դատախազությանը

2013 թվականի հուլիսի 20-ից օգոստոսի 26-ը Երևան քաղաքում հանրային հետաքրքրություն ներկայացնող հարցերի վերաբերյալ խաղաղ հավաքների իրենց իրավունքի իրացման միջոցով դրսևորվեց հասրակական նախաձեռնություն, որը պահանջ առաջադրեց վերջ տալ անօրինականություններին:

Նշված ժամանակահատվածում ոստիկանությունը խաղաղ հավաքների մասնակիցների նկատմամբ ձեռնարկեց որոշակի միջոցառումներ և գործողություններ, որոնք հանգեցնում են խաղաղ հավաքների իրավունքի ոչ իրավաչափ և համարժեք միջամտությանն ու սահմանափակումներին:

Մասնավորապես,

1. 2013թ հուլիսի 20-օգոստոսի 26-ը առանց հիմնավորումների և բացատրությունների բերման են ենթարկվել տասնյակ քաղաքացիներ և պահվել ոստիկանության տարբեր բաժիններում 3 ժամ և ավել տևողությամբ:
2. Ոստիկանության կողմից խաղաղ հավաքի մասնակիցների նկատմամբ դրսևորվել են ֆիզիկական բռնություններ՝ առաջացնելով տարբեր ծանրության մարմնական վնասվածքներ:
3. Առանձին քաղաքացիների կողմից հավաքի մասնակիցների և այլ քաղաքացիների նկատմամբ դրսևորվել են սպառնալիքներ, բռնի գործողություններ, այլ անօրինական գործողություններ, որոնց կանխելու համար ոստիկանությունը համարժեք քայլեր չի ձեռնարկել:

Հաշվի առնելով վերը նշված փաստերը՝ Հասարակական Նախաձեռնությունը ՀՀ Ոստիկանությանն ու ՀՀ դատախազությանն առաջադրում է հետևյալ պահանջները և ակնկալում դրանց կապակցությամբ համապատասխան գործողությունների իրականացումը.

 ՀՀ Ոստիկանություն

1. Ապահովել ՀՀ քաղաքացիների խաղաղ հավաքի իրականացման իրավունքի  արդյունավետ և գործնական իրականացումը:
2. Հայտանաբերել և պատասխանատվության կանչել հավաքի մասնակիցների նկատմամբ քաղաքացիական սադրիչներին, ահաբեկիչներին:
3. Ապահովել արդյունավետ վերահսկողություն՝ խաղաղ հավաքի իրավունքի իրացման համար  զերծ մնալ հավաքի մասնակիցների նկատմամբ անօրինական գործողություններից:

ՀՀ Դատախազություն

1. Քրեկան գործ հարուցել վերը նշված փաստերի կապակցությամբ մինչ օրս քաղաքացիների, ինչպես նաև Զանգվածային Լրատվության Միջոցների հրապարակումների փաստի հիման վրա, և պատասխանատվության կանչել օրինախախտ ոստիկաններին:

Քաղաքացիական Նախաձեռնություն                                        27 օգոստոսի, 2013