Զինծառայողների/Զորակոչիկների իրավունքներ
Բողոքի ակցիա՝ ընդդեմ խաղաղ պայմաններում սպանված զինծառայողների դեպքերի
2011 թ. սեպտեմբերի 1-ին՝ ժամը 11:00-ին , ՀՀ կառավարության շենքի մոտ «Բանակն առանց մարդասպանների» խմբի նախաձեռնությամբ կազմակերպվում է բողոքի ակցիա:
Աղասի Աբրահամյանի գործով ձերբակալվածներ կան, հնարավոր է նոր ձերբակալություններ էլ լինեն
Օգոստոսի 26-ին Լեռնային Ղարաբաղի “Եղնիկներ” զորամասում մահացած ժամկետային զինծառայող, 1992թ ծնված Աղասի Աբրահամյանի գործով ձերբակալվածներ կան: Այս մասին Henaran.am-ին տեղեկացրեց պաշտպանության նախարարի մամլո քարտուղար Դավիթ Կարապետյանը։
Զինվորը այլանդակ ձեւով ծեծվել է. իրավապաշտպանը զինվորի մահը սպանություն է որակում
«Վնասվածքները խայտառակ են` գանգուղեղային վնասվածքներ, ծակող-կտրող գործիքով աջ կողմից, երիկամի, ներքին օրգանների վնասվածքներ, աջ ականջի, աչքի վնասվածք…այսինքն, այլանդակ ձեւով ծեծվել է:
Զինծառայողի մահվան գործով դատաքննությունը պետք է տեղափոխել Հայաստան
Փետրվարի 6-ին ԼՂՀ ՊԲ զորամասերից մեկում զինծառայողների ծեծից մահացած 19-ամյա զինծառայող Գևորգ Կոծինյանի գործով դատավարությունը Ստեփանակերտից պետք է տեղափոխել Հայաստանի Հանրապետության տարածքում գտնվող Սյունիքի մարզի կամ որևէ այլ մարզի ընդհանուր իրավասության դատարան:
«Այնտեղ ամենաթողության մթնոլորտ է»
Ցմահ ազատազրկման դատապարտված Մանվել Հազրոյանի փաստաբան Էդմոն Մարուքյանը մտավախություն ունի, որ իր պաշտպանյալի նկատմամբ ծեծը շարունակվել է նաեւ մեկուսարանում:
Մանվել Հազրոյանի փաստաբանները հաղորդում են ուղարկել ՀՀ գլխավոր դատախազին
2011 թ. օգոստոսի 4-ին Մանվել Հազրոյանի փաստաբաններ Էդմոն Մարուքյանը և Կարեն Թումանյանը հաղորդում են ուղարկել ՀՀ գլխավոր դատախազին՝ պահանջելով հաղորդման և մամուլում հրապարակված նյութերի հիման վրա քրեական գործ հարուցել Մանվել Հազրոյանին ծեծի ենթարկելու և նրա պաշտպան, ՀՀ փաստաբանների պալատի անդամ Էդմոն Մարուքյանի լիազորությունների իրականացմանը խոչընդոտելու, նրա նկատամամբ բռնություն գործադրելու փաստի առթիվ:
Շուշիում ապահովված չէ ցմահ ազատազրկված Հազրոյանի և պաշտպանի անվտանգությունը
Մանվել Հազրոյանը, ով մեղադրվում է 2010թ.-ի նոյեմբերի 19-ին Լեռնային Ղարաբաղի Ջաբրայիլ զորամասի պահպանության տակ գտնվող առաջնային բնագծում չորս ժամկետային զինծառայողների սպանության մեջ, երեկ` օգոստոսի 3-ին, Սյունիքի մարզի ընդհանուր իրավասության դատարանի կողմից (դատավոր Համլետ Դավթյան) դատապարտվեց ցմահ ազատազրկման:
Միջադեպ Սյունիքի մարզի ընդհանուր իրավասության դատարանում
Այսօր՝ 2011 թ. օգոստոսի 3-ին, միջադեպ է տեղի ունեցել Սյունիքի մարզի ընդհանուր իրավասության դատարանում դատավոր Հ.Դավթյանի կողմից Մանվել Հազրոյանի նկատմամբ վճռի հրապարակումից հետո:
Ողբերգությունից մեկ տարի անց
Հուլիսի 28-ին լրացավ Մարտունու զորամասերից մեկում տեղի ունեցած ողբերգության մեկ տարին: Հիշեցնենք, որ ժամկետային զինծառայող Կարո Այվազյանը հրազենով սպանել էր մեկ լեյտենանտի ու մեկ սերժանտի, այնուհետ նաեւ դեպքի վայրին մոտեցած եւս 3 զինծառայողների ու ինքնասպան եղել: Միջադեպին զոհ էր գնացել նաեւ վանաձորցի 19-ամյա Ռոբերտ Հովհաննիսյանը:
Արթուր Սաքունց. ՊՆ ի վիճակի չէ իր վերահսկողության տակ վերցնել բանակում հաստատված ոչ կանոնակարգային հարաբերությունները
Հայաստանի Պաշտպանության նախարությունն ի վիճակի չէ իր վերահսկողության տակ վերցնել բանակում հաստատված ոչ կանոնակարգային հարաբերությունները, այնինչ Պնախարարը պատասխանատու է բանակում խաղաղ պայմաններում զոհված յուրաքանչյուր զինվորի կյանքի համար։
Հայտարարություն ՀՀ պաշտպանության նախարարության հաղորդագրության վերաբերյալ
Հելսինկյան Քաղաքացիական Ասամբլեայի Վանաձորի գրասենյակը ՀՀ պաշտպանության նախարարության մամլո քարտուղարի 2011 թ. հուլիսի 19-ի հայտարարության վերաբերյալ հայտնում է.
ՀՀ պաշտպանության նախարարի մամուլի քարտուղար Դավիթ Կարապետյանի մեկնաբանությունը Հելսինկյան քաղաքացիական ասամբլեայի Վանաձորի գրասենյակի կողմից մամուլում տարածված հաղորդագրության կապակցությամբ
Հելսինկյան քաղաքացիական ասամբլեայի Վանաձորի գրասենյակի կողմից մամուլում տարածված հաղորդագրության կապակցությամբ, ըստ որի ՀՀ զինված ուժերի զորամասերից մեկում սպայի կողմից բռնության է ենթարկվել ժամկետային զինծառայող Ռաֆիկ Հովհաննիսյանը, ՊՆ համապատասխան ստորաբաժանումների կողմից իրականացվել են օպերատիվ աշխատանքներ, որոնց արդյունքում պարզվել է, որ այդ տեղեկությունը չի համապատասխանում իրականությանը: