Տեղեկատվության եւ խոսքի ազատություն
«Տեխնոլոգիական նոր լուծումների» արդյունքում «Դատալեքս» համակարգում որոշ քրեական գործեր անհասանելի են դարձել
Վերջին շրջանում «Դատալեքս» դատական տեղեկատվական համակարգում որոշ քրեական գործերի վերաբերյալ տեղեկատվությունն ընդհանրապես անհասանելի է: Որոնում կատարելու արդյունքում հայտնվում են գործի վերաբերյալ սահմանափակ տեղեկություններ՝ «Ինֆորմացիան սահմանափակված է» նշումով, իսկ երբ փորձում ենք բացել գործը, բացվում է պատուհան՝ «Դուք իրավասու չեք դիտելու տվյալ գործը» գրությամբ: Խնդիրն առկա է հատկապես զինվորական գործերի դեպքում:
Ցուցարարին պատասխանատվության ենթարկելու պահանջի հիմքում ոստիկանների բացատրություններն են
2017 թ. հուլիսի 7-ին ՀՀ Վարչական դատարանում սկսվեց ցուցարար Վահրամ Պետրոսյանի գործով դատաքննությունը:
Ոստիկանությունը պահանջում է պատասխանատվության ենթարկել ցուցարարին հավաքի բնականոն ընթացքը խոչընդոտելու համար, սակայն դրա վերաբերյալ արձանագրություն չի ներկայացնում
Տ. Սիրադեղյանը միջնորդել էր մասնակի կարճել գործի վարույթը, քանի որ կազմված արձանագրությունը վերաբերում է միայն ոստիկանության օրինական պահանջը չկատարելուն, իսկ հավաքի բնականոն ընթացքը խոչընդոտելու մասին արձանագրություն չկա:
Ցուցարար Վ. Պետրոսյանի ներակայացուցիչը պահանջում է կարճել գործի վարույթը
Տ. Սիրադեղյանը գործի վարույթը կարճելու միջնորդություն ներկայացրեց՝ նշելով, որ գործում առկա արձանագրությունը վերաբերում է միայն ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 15-րդ կետով նախատեսված իրավախախտմանը, իսկ դատարանը վարչական պատասխանատվության ենթարկելու հարցը կարող է քննարկել միայն համապատասխան արձանագրության առկայության դեպքում:
Զինծառայության ի՞նչ սահմանափակումներ կան առողջական խնդիրներով զորակոչվածների համար. Պաշտպանության նախարարությունը կպարզաբանի վարչական դատարանում
ՀՔԱ Վանաձորի գրասենյակը գտնում է, որ պահանջվող տեղեկատվությունը պետական գաղտնիք համարելը չի բխում իրավական պետության սկզբունքներից, քանի որ նրանով սահմանվում են զինծառայողների իրավունքներին վերաբերող դրույթներ, և այս առումով տեղեկատվության տրամադրման սահմանափակումը անհրաժեշտ չէ՝ ժողովրդավարական պետության անվտանգության նկատառումներից ելնելով:
Պետական կառույցների, տարածքային կառավարման և տեղական ինքնակառավարման մարմինների կողմից «Տեղեկատվության ազատության մասին» ՀՀ օրենքով սահմանված դրույթների պահպանումը՝ ըստ ՀՔԱ Վանաձորի գրասենյակի 2016 թվականի տվյալների
ՀՔԱ Վանաձորի գրասենյակը ներկայացնում է իր հերթական տեղեկանքը՝ պետական կառույցների, տարածքային կառավարման և տեղական ինքնակառավարման մարմինների կողմից «Տեղեկատվության ազատության մասին» ՀՀ օրենքով սահմանված դրույթների պահպանման վերաբերյալ:
ՀՔԱՎ-ը՝ ընդդեմ ՀՀ ԱԱԾ-ի. վերաքննիչ դատարանի որոշումը կհրապարակվի նոյեմբերի 15-ին
2016 թ. հոկտեմբերի 26-ին ՀՀ Վարչական վերաքննիչ դատարանում, նախագահությամբ՝ դատավոր Ա. Առաքելյանի, քննության առնվեց ՀՔԱ Վանաձորի գրասենյակի՝ ՀՀ Վարչական դատարանի 2016 թ. մարտի 22-ի վճռի դեմ ներկայացված վերաքննիչ բողոքը:
Դատարանը վճռեց. ՀՀ Հատուկ քննչական ծառայությունը կտրամադրի ՀՔԱ Վանաձորի գրասենյակի պահանջած տեղեկատվության մի մասը
2016 թ. հուլիսի 21-ին ՀՀ Վարչական դատարանում, նախագահությամբ՝ դատավոր Կ. Բաղդասարյանի, հրապարակվեց ՀՔԱ Վանաձորի գրասենյակը՝ ընդդեմ ՀՀ Հատուկ քննչական ծառայության գործով դատարանի վճիռը, որով մասնակիորեն բավարարվեց ՀՔԱ Վանաձորի գրասենյակի՝ տեղեկատվություն տրամադրելուն պարտավորեցնելու պահանջի մասին հայցը:
«ՀՔԱՎ-ը՝ ընդդեմ ՀՀ ՀՔԾ-ի գործով» վճռի հրապարակման օրը հայտնի է
2016 թ. հունիսի 29-ին ՀՀ Վարչական դատարանում, նախագահության դատավոր՝ Կ. Բաղդասարյանի, քննության առնվեց ՀՔԱ Վանաձորի գրասենյակի հայցը՝ ընդդեմ ՀՀ Հատուկ քննչական ծառայության՝ տեղեկատվություն տրամադրելուն պարտավորեցնելու պահանջի մասին:
ՀՀ Նախագահի կողմից զենքով պարգևատրված անձանց վերաբերյալ տեղեկատվություն ստանալու պահանջով ՀՔԱ Վանաձորի գրասենյակը դիմել է վերաքննիչ դատարան
ՀՀ Վարչական դատարանը 2016 թ. ապրիլի 20-ի վճռով մերժեց Հելսինկյան քաղաքացիական ասամբլեայի Վանաձորի գրասենյակի հայցը՝ ընդդեմ ՀՀ Նախագահի աշխատակազմի ղեկավար Վիգեն Սարգսյանի, որով ՀՔԱ Վանաձորի գրասենյակը պահանջել էր պարտավորեցնել Վ. Սարգսյանին՝ տրամադրել Կազմակերպության 2015թ. հունիսի 29-ի տեղեկատվության հարցմամբ պահանջված ամբողջական տեղեկատվությունը, մասնավորապես՝ տեղեկատվություն այն մասին, թե 1992-1998թթ. ընթացքում ՀՀ Նախագահի կողմից քանի անձ է պարգևատրվել զենքով և ըստ 1992-2015 թթ.՝ ՀՀ Նախագահի կողմից զենքով պարգևատրված անձանց տվյալները (անուն-ազգանունները):
ՀՔԱՎ-ը՝ ընդդեմ ՀՀ ՀՔԾ-ի
Տեղեկացնում ենք, որ 2016 թվականի մայիսի 24-ին՝ ժամը 11:30-ին, ՀՀ Վարչական դատարանում կշարունակվի ՀՔԱ Վանաձորի գրասենյակի հայցի քննությունը՝ ընդդեմ ՀՀ ՀՔԾ-ի՝ տեղեկատվություն տրամադրելուն պարտավորեցնելու պահանջի մասին: