Հայտարարություններ
Հայտարարություն-կոչ ԿԸՀ-ին
Ներքոստորագրյալ հասարակական կազմակերպությունները համարում են, որ այս անհստակությունը կարող է լայն հնարավորություններ բացել ընտրողներին վերահսկելու և քվեարկության գաղտնիությունը խախտելու համար: Մասնավորապես, հնարավորություն է առաջանում առավել խոցելի ընտրողներին պարտադրել, որ քվեարկության ծրարների մեջ դնեն իրենց անձը նույնականացնող գրառումներով թղթիկներ, որոնց միջոցով հաշվարկի ժամանակ կերևա, թե ինչպես քվեարկեցին այս ընտրողները:
Ընտրախախտու՞մ եք արձանագրել. ահազանգեք
2017 թ. ապրիլի 2-ին կայանալիք ՀՀ ԱԺ ընտրությունների նախընտրական քարոզարշավի ընթացքում խախտումներ արձանագրելու դեպքում կարող եք ահազանգել ՀՔԱ Վանաձորի գրասենյակ՝ լրացնելով հետևյալ ձևաթուղթը:
Հայաստանի քաղաքացիական հասարակության կազմակերպությունների կոչը սփյուռքին
Մենք կոչ ենք անում սփյուռքի բոլոր կազմակերպություններին, հաստատություններին ու ակտիվ անհատներին միանալ մեզ մեր ջանքերում և աջակցել՝ հանուն արդարության, մարդու իրավունքների պաշտպանության, ազատ ու արդար ընտրությունների, հաշվետու կառավարման, քաղաքացիական իրավունքների ու արժանապատվության: Կապ հաստատեք մեզ հետ, եկե՛ք մեզ մոտ` միասին անցնելու այս խրթին ճանապարհը:
«Հարցեր քաղաքական ուժերին 2017թ. խորհրդարանական ընտրություններին ընդառաջ». քննարկում Վանաձորում
«Գործընկերություն հանուն բաց հասարակության» նախաձեռնությունը (ԳՀԲՀ), որը ներկայացնում է քաղաքացիական հասարակության 60-ից ավել կազմակերպություն, հրավիրում է մասնակցելու «ՀԱՐՑԵՐ ՔԱՂԱՔԱԿԱՆ ՈՒԺԵՐԻՆ 2017Թ. ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐԻՆ ԸՆԴԱՌԱՋ» խորագրով հանրային քննարկմանը, որը տեղի կունենա ս.թ. փետրվարի 23-ին՝ ժամը՝ 16:00-ին, Կիրովական հյուրանոցում (ք.Վանաձոր, Մաշտոցի փողոց):
“Վելես” իրավապաշտպան ՀԿ նախագահ Մարինա Պողոսյանի դատական գործին առնչվող իրավախախտումների մասին Հյուման Ռայթս Հաուս Երևան իրավապաշտպան ՀԿ-ների ցանցի հայտարարությունը
Հաշվի առնելով, որ Մարինա Պողոսյանի գործով փետրվարի 17-ի առավոտյան նիստի մասին ծանուցումը նրան ուղարկվել էր հենց այդ օրը և հասել միայն հաջորդ օրը, իսկ նախորդ դատական նիստի մասին ծանուցագիրն ուղարկվել էր անգամ կայացած նիստից 1 օր անց՝ ՀՌՀ Երևանը սա գնահատում է իբրև իրավապաշտպանի հանդեպ դիտավորյալ ճնշման գործողություն։
Միջազգային հանրությունը պետք է հստակ և վճռականորեն արձագանքի Ղրիմում լրագրողների նկատմամբ ռուսաստանյան իշխանությունների բռնաճնշումներին
Ռուսաստանյան իշխանությունները հերթական անգամ պատրաստվում են քաղաքական հաշվեհարդար տեսնել 2014 թվականին միջազգային իրավունքի նորմերի կոպիտ խախտմամբ Ռուսաստանին միացված Ղրիմի թերակղզում իրենց գործողությունները քննադատող անձանց դեմ:
Բաց նամակ ԵԱՀԿ գլխավոր քարտուղարին
Հաշվի առնելով ԵԱՀԿ երևանյան գրասենյակի աշխատանքի կարևորությունը՝ մենք ցանկանում ենք շեշտել, որ նրա փակվելը մեծապես կվնասի երկրում ժողովրդավարական ինստիտուտների զարգացմանը: Հայաստանը ԵԱՀԿ գրասենյակի կարիքը ունի:
«Անկախ դիտորդ» հասարակական դաշինքի մամուլի հաղորդագրություն
«Անկախ դիտորդ» հասարակական դաշինքը 2017 թ. փետրվարի 12-ին 15 դիտորդներով դիտարկել է Գեղարքունիքի մարզի Սեմյոնովկա գյուղի ավագանու ընտրությունները, որի ընթացքում փորձարկվել են ընտրողների գրանցման էլեկտրոնային տեխնիկական սարքերը: «Անկախ դիտորդ» հասարակական դաշինքի դիտորդները և գործընկեր զանգվածային լրատվամիջոցների ներկայացուցիչները տեղամասում են գտնվել 10:30-13:30, որի ընթացքում ընտրողների գրանցման էլեկտրոնային սարքերի կիրառման տարբեր փորձարկումներ են եղել:
«Վանաձորի իրավաբանական կլինիկա-2017» ծրագրի ընդունելություն
Հելսինկյան Քաղաքացիական Ասամբլեայի Վանաձորի գրասենյակը Նորվեգիայի Հելսինկյան կոմիտեի աջակցությամբ սկսում է «Վանաձորի իրավաբանական կլինիկա-2017» ծրագիրը, որի նպատակն է բարելավել երիտասարդ իրավաբանների մասնագիտական կարողությունները իրավաբանական խորհրդատվությունների տրամադրման, մարդու իրավունքների բնագավառում:
Փաստաթղթերի ընդունման վերջնաժամկետն է 2017 թ. փետրվարի 20-ը:
ՀՔԱ Վանաձորի գրասենյակի ուղերձը՝ ՀՀ Զինված ուժերի կազմավորման 25-ամյակի կապակցությամբ
25 տարի առաջ հունվարի 28-ին հիմնադրվեց հայոց բանակը, Հայաստանի Հանրապետության՝ որպես ինքնիշխան պետության և նրա քաղաքացիների անվտանգության և պաշտպանության ու տարածքային ամբողջականության ապահովման երաշխավորը:
Ոչ պատշաճ բժշկական զննության հետեւանքով խախտվում են զորակոչիկների իրավունքները
Ինչպես նախորդ զորակոչերի ժամանակ, 2016 թ.-ի ձմեռային զորակոչի ընթացքում ևս շարունակվում են ոչ պատշաճ բժշկական զննության վերաբերյալ զորակոչիկների եւ նրանց ծնողների ահազանգերը:
«Անկախ դիտորդ» հասարակական դաշինքը հավաքագրում է դիտորդներ և իրավաբաններ
«Անկախ դիտորդ» հասարակական դաշինքը, ի դեմս Հելսինկյան Քաղաքացիական Ասամբլեայի Վանաձորի գրասենյակի, Իրազեկ քաղաքացիների միավորումի, Մարտունու կանանց համայնքային խորհրդի և Գորիսի մամուլի ակումբի, հավաքագրում է դիտորդներ՝ Հայաստանի Հանրապետության Ազգային ժողովի ընտրությունների ընթացքում երկարաժամկետ և կարճաժամկետ դիտորդություն իրականացնելու համար, ինչպես նաև իրավաբաններ՝ նույն ժամանակահատվածում իրավաբանական խորհրդատվություն տրամադրելու համար: