ԱՀԱԲԵԿՎԱ՞Ծ ԷՐ, ԹԵ՞ ԱՀԱԲԵԿՈՒՄ ԷՐ
00:00, February 17, 2008 | Ընտրական իրավունքՌոբերտ Քոչարյանն արհամարհեց Նախագահի 9 թեկնածուներից 7-ին: Այս եզրակացությանն է հանգել Հելսինկյան Քաղաքացիական Ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը Ռոբերտ Քոչարյանի` 4 հեռուստաընկերություններին տրված հարցազրույցը դիտելուց հետո:
Ըստ նրա` Ռոբերտ Քոչարյանը ուղղակիորեն քարոզչություն արեց Սերժ Սարգսյանի օգտին եւ հակաքարոզչություն Լեւոն Տեր-Պետրոսյանի դեմ:
Բացի այդ, «Ռոբերտ Քոչարյանի ելույթը հանդիսանում է վարչական ռեսուրսների օգտագործման գագաթնակետը եւ ամբողջությունը»:
«Պետական ապարատի ողջ ուժը կիրառելու մասին հայտարությունը ուղղակի ճնշման եւ վախի մթնոլորտի ամբողջացումն է արդեն Ռոբերտ Քոչարյանի կողմից»,- շարունակում է իրավապաշտպանը` համարելով, որ երեկվա Տեր-Պետրոսյանի հանրահավաքի բազմամարդությունից ահաբեկված Քոչարյանը ահաբեկում էր ընտրողներին, որպեսզի նրանք ընկրկեն:
Ինչ վերաբերվում է Քոչարյանի այն ձեւակերպմանը, թե դիտորդները միայն պիտի ֆիքսեն խախտումները, ապա Արթուր Սաքունցը այդ գնահատում է ընտրական նորմի չիմացությունը: Ըստ նրա` դիտորդները ոչ միայն պետք է ֆիքսեն այդ խախտումները, այլեւ օրենքով կարող են առաջարկություններ անել դրանք վերացնելու համար:
Արթուր Սաքունցը Ռոբերտ Քոչարյանի ելույթը համարում է նախընտրական քարոզչության խախտում. այն երկրի նախագահի` նախընտրական քարոզչությանն անօրինական մասնակցություն էր, եւ, ըստ նրա, միջազգային դիտորդները պետք է իրենց վերաբերմունքն արտահայտեն սրա վերաբերյալ:
ԱՂԲՅՈՒՐԸ՝
http://www.a1plus.am/en/?page=LatestNews#57696
ԻՐԱԶԵԿ ԵՂԵՔ ԸՆՏՐՈՒԹՅՈՒՆՆԵՐԻ ՄԱՍԻՆ ԱՎԵԼԻ ՄԱՆՐԱՄԱՍՆ
WWW.HRLORI.AM ՎԵԲ-ՊՈՐՏԱԼԻՑ