ԸՆՏՐՈՒԹՅՈՒՆԸ ՔՈՆՆ Է. ՏԵՍՆԵՍ ՈՒՄՆ Է
00:00, February 22, 2008 | Ընտրական իրավունքՓետրվարի 21-ին Երեւանում ասուլիս է տվել «Ընտրությունը քոնն է» հասարակական կազմակերպությունը, որը դիտորդական առաքելություն էր իրականացնում ընտրության ժամանակ:
Այս կազմակերպությունն ընտրություններն ընդհանուր առմամբ դրական է գնահատել` նշելով որոշակի թերություններ: Սակայն սա չէ հետաքրքիրը:
Օրերս Հելսինկյան Քաղաքացիական Ասամբլեայի Վանաձորի գրասենյակը ամփոփել է ընտրության դիտարկման արդյունքը:
Գրասենյակի տարածած հաղորդագրության մեջ հետաքրքիր փաստեր կան «Ընտրությունը քոնն է» կազմակերպության դիտորդների մասին:
Մասնավորապես, ՀՔԱ Վանաձորի գրասենյակի տվյալով, թիվ 29/08 ընտրատեղամասում «Ընտրությունը քոնն է» կազմակերպության դիտորդն աշխատել է Սերժ Սարգսյանի օգտին:
Թիվ 30/02 տեղամասում, որ տեղակայված էր թիվ 18 դպրոցում, «Ընտրությունը քոնն է» հ/կ դիտորդը այդ նույն դպրոցի ռազմագիտության ուսուցիչն էր, իսկ դպրոցի տնօրենը` հանձնաժողովի նախագահը: Կամ այսպիսի փաստ է նշում ՀՔԱ Վանաձորի գրասենյակը. թիվ 31/45 ընտրատարածքում դիտորդական առաքելություն է իրականացրել «Ընտրությունը քոնն է» հ/կ-ն ներկայացնող Գյուլնարա Ֆրունզիկի Ռամազյանը /դիտորդական վկայական Գ1762/, որը միաժամանակ հանդիսանում է ՀՀԿ-ի անդամ:
ՀՔԱ Վանաձորի գրասենյակը առաջարկել է դադարեցնել «Ընտրությունը քոնն է» հ/կ-ի դիտորդական առաքելությունը և նրանց անդամներին դուրս հրավիրել ընտրական տեղամասերից: Ահա այսպիսի բաներ:
ԱՂԲՅՈՒՐԸ՝
http://www.lragir.am/src/index.php#top
ԻՐԱԶԵԿ ԵՂԵՔ ԸՆՏՐՈՒԹՅՈՒՆՆԵՐԻ ՄԱՍԻՆ ԱՎԵԼԻ ՄԱՆՐԱՄԱՍՆ
WWW.HRLORI.AM ՎԵԲ-ՊՈՐՏԱԼԻՑ