0 8000 12 11

Կենտրոն եւ Նորք-Մարաշ վարչական շրջանների ընդհանուր իրավասության դատարանում այսօր նշանակվել էր Հատուկ քննչական ծառայության դեմ Հեղինե Պետրոսյանի բողոքի քննությունը: Նա Հատուկ քննչական ծառայությունից պահանջում էր, որպեսզի իրեն ճանաչեն տուժողի իրավահաջորդ:

Aravot.am-ը անդրադարձել է նրա որդու՝ Արցախի մեկուսարանում ինքնասպան եղած զինվոր Հայկ Մովսիսյանի պատմությանը: Այդ գործի վարույթը գտնվում է դատավոր Մխիթար Պապոյանի մոտ, սակայն դատական նիստը հետաձգվել է դատավորի՝ սեմինարի մասնակցելու կապակցությամբ: Այն նշանակվել է օգոստոսի 15-ին:

Հիշեցնենք, որ այդ զինվորը Սյունիքի մարզի ընդհանուր իրավասության դատարանի կողմից դատապարտվել էր 3 տարվա ազատազրկման, իբրեւ ինքնախեղման միջոցով զինվորական ծառայությունից խուսափելու համար, մինչդեռ վերաքննիչ դատարանում զինվորը ոչ միայն արդարացվել էր, այլ պարզվել է, որ մինչ դատապարտվելը պաշտպանության նախարարի հրամանով նա ազատված է եղել զինվորական ծառայությունից:

Աղբյուրը՝ http://www.aravot.am/2013/07/09/263529/