Փաստաբանները չեն կարողանում իրականացնել իրենց պաշտապանական գործողությունները
00:00, March 25, 2008 | Արդար դատաքննության իրավունք
2008թ. ՀՀ նախագահական ընտրություններից հետո Օպերայի Ազատության հրապարակում խաղաղ նստացույցի մասնակից Ռուբիկ Ոսկանյանը գտնվում է կալանքի տակ:
Ռուբիկ Ոսկանյանի փաստաբան Վարդան Զուռնաչյանն արդեն մեկ շաբաթ չի կարողանում հանդիպել Հատուկ Կարևորագույն գործերով քննիչ Ա.Կարապետյանի հետ, որպեսզի կարողանա իրականացնել իր պաշտպանական գործողությունները:
Ռուբիկ Ոսկանյանի կնոջ հաղորդմամբ՝ փաստաբանները մշտապես հայտնում են, թե քննիչը տեղում չէ, բացակայում է:
Նշենք, որ Ռուբիկ Ոսկանյանը մարտի 1-ի առավոտյան՝ մոտավորապես ժամը 6:30-ին, դաժան ծեծի է ենթարկվել խաղաղ նստացույցը ցրողների կողմից: Վիճակը ծանր լինելու պատճառով դիմել են շտապ օգնությանը:
Առավոտյան ժամը 8:30-ի սահմաններում ոստիկանները ձերբակալել են Ռ.Ոսկանյանին իր ավտոմեքենայում և առանց բժշկական օգնություն ցույց տալու նրան պահել Երևանի Կենտրոնի ոստիկանության ՁՊՎ-ում: