Ազատության և անձնական անձեռնմխելիության իրավունք
Հանցագործության կոծկման իրական պատճառները մնում են չբացահայտված
Հելսինկյան քաղաքացիական ասամբլեայի Վանաձորի գրասենյակն արդեն տեղեկացրել է, որ ահազանգի հետքերով «Վանաձոր» ՔԿՀ այցելած ՀՀ ԱՆ քրեակատարողական հիմնարկներում և մարմիններում վերահսկողություն իրականացնող հասարակական դիտորդական խումբը արձանագրել էր, որ դատապարտյալ Կ. Ս.-ը շարունակական ճնշումների է ենթարկվում ՔԿՀ աշխատակցի կողմից:
Գայանե Առուստամյանի գործով նշանակվեց ևս մեկ նախնական դատական նիստ
2016 թ. հունվարի 26-ին ՀՀ Վարչական դատարանում, նախագահությամբ՝ դատավոր Հ. Այվազյանի, ըստ հայցի ՀՀ ոստիկանության՝ ընդդեմ Գայանե Առուստամյանի՝ վերջինիս վարչական պատասխանատվության ենթարկելու պահանջի մասին և ըստ հակընդդեմ հայցի Գայանե Առուստամյանի՝ ընդդեմ ՀՀ ոստիկանության՝ ՀՀ ոստիկանության գործողությունները ոչ իրավաչափ ճանաչելու պահանջի մասին վարչական գործով տեղի ունեցավ հերթական նախնական դատական նիստը: Հիշեցնենք, որ սույն գործով նախորդ դատական նիստը հետաձգվել էր՝ պատասխանողի ներկայացուցչին հակընդդեմ հայց ներկայացնելու հնարավորություն տալու նպատակով:
Կարեն Քյուփելյանի գործով բողոքի քննությունը չկայացավ
2016թ. հունվարի 22-ին ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում, նախագահությամբ` դատավոր Ա. Խաչատրյանի, պետք է շարունակվեր տուժող Կարեն Քյուփելյանի ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի կողմից ներկայացված բողոքի քննությունը: Հիշեցնենք, որ նշված բողոքով Տ. Սիրադեղյանը պահանջել է վերացնել՝ ՀՀ ՀՔԾ ՀԿԳ ավագ քննիչ Ա. Օհանյանի՝ քրեական հետապնդում չիրականացնելու մասին 2015 թ. հոկտեմբերի 19-ի որոշումը:
Հովհաննես Մոսյանի գործով բողոքի քննությունը հետաձգվեց
2015թ. դեկտեմբերի 16-ին ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում, նախագահությամբ դատավոր՝ Լ. Ավետիսյանի, շարունակվեց Գոհար և Հովհաննես Մոսյանների կողմից ներկայացված բողոքի քննությունը: Մասնավորապես, վերջիններս բողոք են ներկայացրել դատարան ՀՀ Հատուկ քննչական ծառայության ընդհանուր բնույթի հանցագործությունների քննության վարչության ՀԿԳ քննիչ Ս. Առաքելյանի՝ 2015 թվականի հուլիսի 31-ի՝ քրեական գործ հարուցելը մերժելու մասին որոշման դեմ՝ խնդրելով վերացնել այն և գործն ուղարկել նախաքննության:
Կարեն Քյուփելյանի գործով բողոքի քննությունը հետաձգվեց
2015թ. դեկտեմբերի 16-ին ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում, նախագահությամբ՝ դատավոր Ա. Խաչատրյանի, սկսվեց տուժող Կարեն Քյուփելյանի ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի կողմից ներկայացված բողոքի քննությունը: Սույն բողոքով Տ. Սիրադեղյանը պահանջել է վերացնել ՀՀ ՀՔԾ ՀԿԳ ավագ քննիչ Ա. Օհանյանի՝ քրեական հետապնդում չիրականացնելու մասին 2015թ. հոկտեմբերի 19-ի որոշումը:
Արդարադատության նախարարության անհետևողական վարքի և անգործության արդյունքում հանցագործություն է կոծկվում
Ինչպես ավելի վաղ տեղեկացրել էինք, ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդական խումբը ահազանգի հետքերով պարզել էր, որ ՀՀ ԱՆ Վանաձոր ՔԿՀ-ի աշխատակիցը ճնշումներ է գործադրում նույն ՔԿՀ-ի դատապարտյալ Կ. Ս.-ի նկատմամբ՝ սպառնալով «գործ սարքել» գլխին: Վերջինս հայտնել էր նաև այլ ճնշումների մասին, ինչը, դատապարտյալի պնդմամբ, պայմանավորված է ՔԿՀ-ի աշխատակցի՝ նոր պաշտոն ձեռք բերելու հավակնությամբ:
Տարոն Սիրադեղյանի գործով դատաքննությունն ավարտված է
2015թ. դեկտեմբերի 4-ին ՀՀ Վարչական դատարանում, նախագահությամբ՝ Հ. Այվազյանի, շարունակվեց ըստ հայցի ՀՀ ոստիկանության ընդդեմ Տարոն Սիրադեղյանի՝ ՀՀ վարչական իրավախախտումների վերաբերյալ օրենսգրքի 182-րդ հոդվածի հիմքով վարչական պատասխանատվության ենթարկելու պահանջի մասին և ըստ հակընդդեմ հայցի Տարոն Սիրադեղյանի՝ ընդդեմ ՀՀ ոստիկանության՝ ՀՀ ոստիկանության գործողությունները ոչ իրավաչափ ճանաչելու պահանջի մասին վարչական գործով դատաքննությունը: Սույն գործով նախորդ դատական նիստին դատաքննությունն ավարտվել էր, և դատարանն անցել էր դատական վիճաբանությունների փուլին՝ հետաձգելով դատական նիստը:
Խուդոյանների գործով Վարչական վերաքննիչ դատարանի որոշումը կբողոքարկվի ՀՀ Վճռաբեկ դատարան
2015թ. նոյեմբերի 25-ին ՀՀ Վարչական վերաքննիչ դատարանում, նախագահությամբ՝ դատավոր Ա. Աբովյանի, հրապարակվեց 2013թ. դեկտեմբերի 2-ին ՀՀ նախագահական նստավայրից ոստիկանության մի խումբ աշխատակիցների կողմից հեռացված ամուսիններ Աշոտ Խուդոյանի և Հեղինե Մակարյանի կողմից ներկայացված վերաքննիչ բողոքի վերաբերյալ կայացված որոշումը:
Խուդոյանների գործով վերաքննիչ բողոքի քննությունը ավարտված է
2015թ. նոյեմբերի 5-ին ՀՀ Վարչական վերաքննիչ դատարանում, նախագահությամբ՝ դատավոր Ա. Աբովյանի, քննության առնվեց 2013 թ. դեկտեմբերի 2-ին ՀՀ նախագահական նստավայրից ոստիկանության մի խումբ աշխատակիցների կողմից հեռացված ամուսիններ Աշոտ Խուդոյանի և Հեղինե Մակարյանի ներկայացուցիչներ Տաթևիկ Սիրադեղյանի կողմից ներկայացված վերաքննիչ բողոքը: Հիշեցնենք, որ Ա. Խուդոյանը և Հ. Մակարյանն իրենց բնակարանի շուրջ ծագած խնդրի պատճառով դեռևս 2013թ. նոյեմբերի 28-ից նստացույց էին սկսել ՀՀ նախագահական նստվայրի դիմաց, որտեղից 2015 թ. դեկտեմբերի 2-ի լուսաբացին հեռացվել էին ՌԴ նախագահ Վ. Պուտինի՝ ՀՀ կատարած պաշտոնական այցի պատճառով:
«Վանաձոր» ՔԿՀ-ի աշխատակցի կողմից պաշտոնեական լիազորություններն անցնելու փաստի առթիվ հարուցվել է քրեական գործ
Վերջինս սպառնացել էր «գործ սարքել» դատապարտյալի գլխին
Ինչպես արդեն հայտնել ենք, ՀՀ ԱՆ քրեակատարողական հիմնարկներում և մարմիններում վերահսկողություն իրականացնող հասարակական դիտորդական խումբը տեղեկացել էր «Վանաձոր» ՔԿՀ դատապարտյալ Կ. Ս.-ի նկատմամբ նույն ՔԿՀ-ի աշխատակցի կողմից շարունակական սպառնալիքների մասին, մասնավորապես, վերջինս սպառնացել էր, դատապարտյալի խոսքերով, «գործ սարքել» գլխին»:
ՀՀ Վերաքննիչ քրեական դատարանը մերժեց Բոշյանների գործով ներկայացված բողոքը
2015թ. հոկտեմբերի 26-ին ՀՀ Վերաքննիչ քրեական դատարանում, նախագահությամբ՝ դատավոր Ա. Խաչատրյանի, շարունակվեց Անի և Հակոբ Բոշյանների ներկայացուցիչներ ՀՔԱ Վանաձորի գրասենյակի ղեկավար Արթուր Սաքունցի և նույն գրասենյակի իրավաբան Արայիկ Զալյանի կողմից ներկայացված վերաքննիչ բողոքի քննությունը:
Գայանե Առուստամյանի գործով հակընդդեմ հայց կներկայացվի
2015թ. հոկտեմբերի 19-ին ՀՀ Վարչական դատարանում, նախագահությամբ՝ դատավոր Հ. Այվազյանի, ՀՀ Ոստիկանության կողմից Գայանե Առուստամյանին վարչական պատասխանատվության ենթարկելու պահանջով ներկայացված հայցադիմումի քննության շրջանակներում տեղի ունեցավ ևս մեկ նախնական դատական նիստ: