Պացիենտների իրավունքներ
Երկու երեխայի մահվան մեջ մեղադրվող բժշկուհի Անահիտ Պետրոսյանը դատապարտվեց երեք տարվա ազատազրկման
2016 թ. հունիսի 2-ին Արմավիրի մարզի ընդհանուր իրավասության դատարանում հրապարակվեց մանկահասակ Կարինե Հովհաննիսյանի և Էրիկ Ամիրխանյանի մահվան մեջ մեղադրվող Արմավիր ԲԿ ինֆեկցիոն բաժանմունքի վարիչ Անահիտ Պետրոսյանի գործով դատավճիռը, որով դատարանը մեղավոր ճանաչեց վերջինիս ՀՀ Քրեական օրենսգրքի 130-րդ հոդվածի 2-րդ մասով (բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ) նախատեսված արարք կատարելու մեջ և յուրաքանչյուր երեխայի մասով պատիժ նշանակեց 2 տարի ազատազրկում, ապա մասնակիորեն գումարելով դրանք՝ վերջնական պատիժ նշանակեց 3 տարի ժամկետով ազատազրկում, և զրկեց Ա. Պետրոսյանին մասնագիտական գործունեություն իրականացնելու իրավունքից 1 տարի 6 ամիս ժամկետով:
Մանկահասակ Կարինե Հովհաննիսյանի և Էրիկ Ամիրխանյանի մահվան մեջ մեղադրվող բժշկուհու գործով ևս մեկ դատական նիստ նշանակվեց
2016 թ. մայիսի 25-ին Արմավիրի մարզի ընդհանուր իրավասության դատարանում կայացավ մանկահասակ Կարինե Հովհաննիսյանի և Էրիկ Ամիրխանյանի մահվան մեջ մեղադրվող բժշկուհի Անահիտ Պետրոսյանի գործով հերթական դատական նիստը, որի ընթացքում դատական ճառով հանդես եկավ տուժող Էրիկ Ամիրխանյանի իրավահաջորդի ներկայացուցիչը:
Երկու երեխայի մահվան մեջ մեղադրվող բժշկուհու գործով դատաքննությունը շարունակվում է
2016 թ. մայիսի 18-ին Արմավիրի մարզի ընդհանուր իրավասության դատարանում, նախագահությամբ՝ Վահե Խալաթյանի, շարունակվեց մանկահասակ Կարինե Հովհաննիսյանի և Էրիկ Ամիրխանյանի մահվան մեջ մեղադրվող, Արմավիրի ԲԿ ինֆեկցիոն բաժանմունքի վարիչ Անահիտ Պետրոսյանի գործով դատաքննությունը:
Երկու երեխայի մահվան մեջ մեղադրվող բժիշկը շարունակում է չընդունել մեղքը
2016 թ. մայիսի 4-ին Արմավիրի մարզի ընդհանուր իրավասության դատարանում, նախագահությամբ՝ Վահե Խալաթյանի, շարունակվեց մանկահասակ Կարինե Հովհաննիսյանի և Էրիկ Ամիրխանյանի մահվան մեջ մեղադրվող, Արմավիրի ԲԿ ինֆեկցիոն բաժանմունքի վարիչ Անահիտ Պետրոսյանի գործով դատաքննությունը:
Մանկահասակ Կարինե Հովհաննիսյանի մահվան գործով ևս երեք վկա կհարցաքննվի
2016 թ. ապրիլի 29-ին Արմավիրի մարզի ընդհանուր իրավասության դատարանում, նախագահությամբ՝ դատավոր Վահե Խալաթյանի, կայացավ Արմավիր ԲԿ բժշկուհի Ա. Պետրոսյանի գործով հերթական դատական նիստը:
ՀՀ Վճռաբեկ դատարանը վարույթ չի ընդունել բժշկի ապօրինություններից տուժած Հովհաննես Կաթրջյանի գործով ներկայացված վճռաբեկ բողոքը
ՀՔԱ Վանաձորի գրասենյակն արդեն տեղեկացրել է, որ զբաղվում է բժշկի ապօրինություններից տուժած Հովհ. Կաթրջյանի իրավունքների պաշտպանությամբ:
Վերջինս 1985 թ.-ից ապրում է սրտի խթանիչ սարքով, երկու անգամ՝ 2004 և 2008 թվականներին վիրահատվել է «Հայաստանի առիթմոլոգիական սրտաբանական կենտրոնում», վերջին դեպքում 8-10 տարի գործարանային երաշխիքային ծառայության ժամկետ ունեցող սարքի տեղադրման համար վճարել է գնացուցակով նախատեսված գումարը, մինչդեռ հետագայում պարզվել է, որ տեղադրվել է 5 տարի 5 ամիս ժամկետ ունեցող սարք, ընդ որում՝ 2004թ.-ին տեղադրվել է արդեն իսկ օգտագործված սարք՝ չնայած սարքն արտադրող ընկերությունը չի նախատեսում դրա կրկնակի օգտագործումը: Կենտրոնի տնօրեն և վիրաբույժ Սմբատ Ջամալյանի նկատմամբ հարուցվել է քրեական գործ, որը հետագայում կարճվել է Երևան քաղաքի դատախազության դատախազ Գ. Մարգարյանի կողմից:
Դատարանը վճռել է՝ վերականգնել Ռուստամ Ղազարյանի խախտված իրավունքները
Ինչպես արդեն տեղեկացրել ենք, 2015 թվականի դեկտեմբերի 23-ին Ավան և Նոր-Նորք վարչական շրջանների ընդհանուր իրավասության դատարանը բավարարեց Ռուստամ Ղազարյանի և նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի ներկայացրած հայցը՝ ընդդեմ «Նարկոլոգիական հանրապետական կենտրոն» ՓԲ Ընկերության` Ռուստամ Ղազարյանի վերաբերյալ կազմված բժշկական փաստաթղթերում որպես թմրամոլ առկա գրառումներն ու հաշվառումը վերացնելու պահանջով:
Դատարանը բավարարեց Ռուստամ Ղազարյանի գործով ներկայացված հայցը
2015 թվականի դեկտեմբերի 23-ին հրապարակվեց Ռուստամ Ղազարյանի գործով՝ Ավան և Նոր-Նորք վարչական շրջանների ընդհանուր իրավասության դատարանի վճիռը, որով Դատարանը բավարարեց Ռուստամ Ղազարյանի և նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի ներկայացրած հայցը:
Ռուստամ Ղազարյանի գործով դատաքննությունն ավարտված է
2015թ. դեկտեմբերի 8-ին ՀՀ Ավան և Նոր-Նորք վարչական շրջանների ընդհանուր իրավասության առաջին ատյանի դատարանում, նախագահությամբ՝ Ա. Պետրոսյանի, շարունակվեց «Ռուստամ Ղազարյանը՝ ընդդեմ ՀՀ ԱՆ «Նարկոլոգիական հանրապետական կենտրոն» ՓԲԸ-ի» գործով դատաքննությունը:
Ռուստամ Ղազարյանի գործով դատաքննությունը վերսկսվեց
2015թ. նոյեմբերի 23-ին ՀՀ Ավան և Նոր-Նորք վարչական շրջանների ընդհանուր իրավասության առաջին ատյանի դատարանում նշանակված էր Ռուստամ Ղազարյանի կողմից ՀՀ ԱՆ «Նարկոլոգիական հանրապետական կենտրոն» ՓԲԸ-ի դեմ ներկայացված հայցով վճռի հրապարակումը:
Դատարանը մերժեց Հովհ. Կաթրջյանի գործով ներկայացված բողոքը
2015 թվականի նոյեմբերի 16-ին ՀՀ Վերաքննիչ քրեական դատարանում, նախագահությամբ՝ դատավոր Մ. Արղամանյանի, շարունակվեց Հովհաննես Կաթրջյանի և նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի կողմից ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2015թ. սեպտեմբերի 29-ի որոշման դեմ ներկայացված վերաքննիչ բողոքի քննությունը: