Զեկույց
Սահմանադրական հանրաքվե 6 դեկտեմբերի 2015 թ. ԵԱՀԿ/ ԺՀՄԻԳ հանրաքվեի փորձագիտական խմբի վերջնական զեկույց
Հայաստանի Հանրապետության կառավարության հրավերի հիման վրա, 2015թ. դեկտեմբերի 6-ին Եվրոպայում անվտանգության և համագործակցության կազմակերպության ժողովրդավարական հաստատությունների և մարդու գրասենյակը (ԵԱՀԿ/ԺՀՄԻԳ) տեղակայել է Հանրաքվեի փորձագիտական խումբ (ՀՓԽ) Սահմանադրական հանրաքվեն դիտարկելու նպատակով: ԵԱՀԿ / ԺՀՄԻԳ ՀՓԽ-ի ուշադրության կենտրոնում են գտնվել իրավական դաշտը, հանրաքվեի կառավարումը, քարոզարշավը և լրատվամիջոցները: ԵԱՀԿ / ԺՀՄԻԳ ՀՓԽ չի գնահատել սահմանադրական փոփոխությունների բովանդակությունը կամ հանրաքվեի օրը համակարգված ձևով չի դիտարկել հանրաքվեի ընթացքը:
Քաղաքացի դիտորդ. 2015 թ. դեկտեմբերի 6-ին Հայաստանի Հանրապետության Սահմանադրության փոփոխությունների հանրաքվեի դիտորդական առաքելության ամփոփիչ զեկույց
2015 թվականի դեկտեմբերի 6-ին տեղի ունեցած սահմանադրական փոփոխությունների հանրաքվեի ընթացքում դիտորդական առաքելությամբ հանդես է եկել «Քաղաքացի դիտորդ» նախաձեռնությունը, որը ստեղծվել է 2013թ. «Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ), «Իրավունքի Եվրոպա միավորում» (ԻԵՄ), «Ժուռնալիստների «Ասպարեզ» ակումբ» (ԺԱԱ) և «Հելսինկյան քաղաքացիական ասամբլեայի Վանաձորի գրասենյակ» (ՀՔԱՎ) հասարակական կազմակերպությունների (ՀԿ) կողմից՝ Հայաստանի Հանրապետությունում համապետական և տեղական ընտրությունները և ներպետական օրենսդրությանն ու միջազգային ժողովրդավարական չափանիշներին դրանց համապատասխանությունը վերահսկելու նպատակով:
Հոգեկան առողջության խնդիրներ ունեցող անձանց նկատմամբ վերաբերմունքը՝ ըստ զանգվածային լրատվության միջոցներով և պետական մարմինների ինտերնետային էջերով 2015 թ. հրապարակված նյութերի
Հելսինկյան Քաղաքացիական Ասամբլեայի Վանաձորի գրասենյակը, 2011 թվականից սկսած, դիտարկում է զանգվածային լրատվության միջոցներով և պետական մարմինների ինտերնետային էջերով հոգեկան առողջության բնագավառի վերաբերյալ հրապարակված նյութերը՝ նշված ոլորտի նկատմամբ պետության և հասարակության վերաբերմունքի, առկա միտումների, հոգեկան առողջության խնդիրներ ունեցող (այսուհետ՝ ՀԱԽՈւ) անձանց իրավունքների պաշտպանության վիճակը բացահայտելու նպատակով:
Սույն տեղեկանքում Կազմակերպությունը ներկայացնում է հերթական ուսումնասիրության արդյունքները 2015 թ. հրապարակված նյութերի հիման վրա։
HUMAN RIGHTS WATCH. WORLD REPORT 2016: Հայաստան. իրադարձությունները 2015 թ.
Հայաստանում իրավունքների վիճակը մնացել է անհարթ` առկա են լուրջ մտահոգություններ իշխանությունների կողմից հավաքների ազատությանը միջամտելու կապակցությամբ: Այլ մտահոգությունների շարքում են ԶԼՄ-ների ազատությունը, բանտային վատ պայմանները` ներառյալ գերբեռնվածությունը և վատ վերաբերմունքը, ինչպես նաև խտրականությունն ընդդեմ լեսբուհի, գեյ, բիսեքսուալ, տրանսգենդեր (ԼԳԲՏ) անձանց:
2015 թվականի դեկտեմբերին, Հայաստանում անցկացվեց սահմանադրական փոփոխությունների հանրաքվեն, որն առաջարկվել էր իշխող կուսակցության կողմից` նախագահականից խորհրդարանական կառավարման համակարգին անցնելու նպատակով: Ըստ որոշ քննադատների, փոփոխությունների նպատակը կուսակցության համար իշխանությունը պահպանելու հնարավորություն ստեղծելն է, չնայած այն հանգամանքին, որ Եվրոպայի խորհրդի Վենետիկի հանձնաժողովը հայտարարել էր, որ Սահմանադրության նախագիծը «համապատասխանում է միջազգային չափանիշներին»: Հանրաքվեից հետո, որոշ տեղական դիտորդներ մեղադրանքներ հնչեցրեցին լայնածավալ ընտրակաշառքների, լցոնումների, ինչպես նաև դիտորդների նկատմամբ սպառնալիքների և բռնությունների դեպքերի վերաբերյալ:
ՀՔԱ Վանաձորի գրասենյակի զեկույցը՝ պարտադրված սահմանադրական փոփոխությունների ընդունման գործընթացի վերաբերյալ
Սույն զեկույցում ի մի են բերված սահմանադրության փոփոխությունների ողջ գործընթացի վերաբերյալ ՀՔԱ Վանաձորի գրասենյակի դիտարկումները և հանրաքվեի նախապատրաստման և անցկացման ընթացքում արձանագրված խախտումները:
ՀՔԱ Վանաձորի գրասենյակի գնահատականը ՀՀ Սահմանադրական բարեփոխումների վերաբերյալ
ՀՔԱ Վանաձորի գրասենյակը հրապարակել է զեկույց. ՙՀՔԱ Վանաձորի գրասենյակի գնահատականը ՀՀ Սահմանադրական բարեփոխումների վերաբերյալ՚
2014 թ. ձմեռային եւ 2015 թ. ամառային զորակոչերի ընթացքում զորակոչիկների իրավունքների վիճակի մասին
ՀՔԱ Վանաձորի գրասենյակը հրապարակել է զեկույց՝ 2014 թ. ձմեռային եւ 2015 թ. ամառային զորակոչերի ընթացքում զորակոչիկների իրավունքների վիճակի մասին:
Էլեկտրաէներգիայի սակագնի թանկացման դեմ ուղղված խաղաղ ցույցի մասնակիցների մարդու իրավունքների խախտումները
ՀՔԱ Վանաձորի գրասենյակը հրապարակել է զեկույց՝ 2015 թ. հունիսի 23-ին և հուլիսի 6-ին տեղի ունեցած Էլեկտրաէներգիայի սակագնի թանկացման դեմ ուղղված խաղաղ ցույցի մասնակիցների մարդու իրավունքների խախտումների վերաբերյալ:
Մարդու իրավունքների պաշտպանության ազգային ռազմավարությունից բխող միջոցառումների ծրագրի իրականացման վերաբերյալ տեղեկանք (ժամանակահատված` 2014 թ. հունվար-դեկտեմբեր)
2003-2013 թթ ընտրությունների միջազգային դիտորդական առաքելությունների հանձնարարականների իրականացումը Հայաստանում
Ընտրությունների միջազգային դիտորդական առաքելությունները (ԸՄԴԱ) Հայաստանյան ընտրությունները դիտարկում են 1996 թվականից ի վեր, և այս առաքելությունների աջակցությամբ ընտրական օրենսդրությունը և ընտրությունների կազմակերպումը էականորեն բարելավվել են: Իրականացված ուսումնասիրությունը գնահատել է 2003 թվականից ի վեր միջազգային դիտորդական առաքելությունների՝ մասնավորապես ԵԱՀԿ/ԺՀՄԻԳ-ի, ԵԽԽՎ-ի, Եվրոպական խորհրդարան-ի և այլ կառույցների հանձնարարականները վերլուծելով նրանց դերը ընտրական բարեփոխումներում և այդ փոփոխությունների ազդեցությունը ապագա ընտրությունների վրա:
Հոգեկան առողջության ոլորտում մարդու իրավունքների վիճակը՝ ըստ պետական մարմինների կայքէջերով և զանգվածային լրատվության միջոցներով 2014 թ. տարածված նյութերի
Հելսինկյան Քաղաքացիական Ասամբլեայի Վանաձորի գրասենյակը 2011 թվականից իրականացնում է զանգվածային լրատվության միջոցներով և պետական պարմինների ինտերնետային էջերով հոգեկան առողջության բնագավառի վերաբերյալ տարածված նյութերի մշտադիտարկում՝ նպատակ ունենալով բացահայտել պետական քաղաքականության բնույթը, ինչպես նաև հասարակության վերաբերմունքը հոգեկան առողջության բնագավառի խնդիրների, այդ թվում՝ հոգեկան առողջության խնդիրներ ունեցող անձանց իրավունքների նկատմամբ:
«Ուր անցյալը ցավալի է: Ուր ապագան վիճահարույց է»
Ամերիկայի Միացյալ Նահանգներից ժամանած Արմեն Գրիգորյանը ՀՔԱ Վանաձորի գրասենյակում «Դեպի Հայք» ծրագրի շրջանակներում կամավորություն իրականացնելու ընթացքում պատրաստել է հոդված՝ «Ուր անցյալը ցավալի է: Ուր ապագան վիճահարույց է» թեմայով: