ԱԿՆԿԱԼՈՒՄ ԵՆ, ՈՐ ԱՅՍ ԱՆԳԱՄ ՀԱՆՁՆԱԺՈՂՈՎՆ ԱՆԱՉԱՌ ՈՒ ԱՆԿԱԽ ԿԳՏՆՎԻ
00:00, December 1, 2007 | Հայտարարություններ
«Ժամանակ Երեւան» թերթի գլխավոր խմբագիր Արման Բաբաջանյանը շուրջ մեկուկես տարի գտնվում է կալանքի տակ: Մենք երբեք չենք կասկածել, որ նա հետապնդվում է իր մասնագիտական գործունեության համար: Մի շարք միջազգային հեղինակավոր կազմակերպություններ նրան ճանաչել են քաղբանտարկյալ եւ ՀՀ իշխանություններից պահանջել են դադարեցնել նրա նկատմամբ ծավալված քրեական հետապնդումն ու հալածանքը:
Դատապարտյալների պայմանական վաղաժամկետ ազատման անկախ հանձնաժողովը մեկ անգամ արդեն լսել է եւ առանց որեւէ հիմնավորման մերժել է Ա.Բաբաջանյանին պայմանական վաղաժամկետ ազատ արձակելու միջնորդությունը: Մենք տեղեկացանք, որ օրերս կալանավայրի ղեկավարությունը Ա.Բաբաջանյանի վերաբերյալ կրկին պայմանական վաղաժամկետ ազատման միջնորդություն է ներկայացրել:
Ակնկալում ենք, որ այս անգամ հանձնաժողովն անաչառ ու անկախ կգտնվի եւ կբավարարի քրեակատարողական հիմնարկի միջնորդությունը:
Վարդան Հարությունյան, Իրավունքի եւ ազատության կենտրոն
Գայանե Մարկոսյան, Քաղաքացիական նախաձեռնությունների ազատ ամբիոն
Էդիկ Բաղդասարյան, Հետաքննող լրագրողների ընկերակցություն
Ավետիք Իշխանյան, Հայաստանի հելսինկյան կոմիտե
Սաքունց Արթուր, Հելսինկյան Քաղաքացիական ասամբլեայի Վանաձորի գրասենյակ
Լեւոն Բարսեղյան, Ժուռնալիստների «Ասպարեզ» ակումբ
ԱՂԲՅՈՒՐԸ՝
http://www.lragir.am/src/index.php?id=2&l_id=47433