0 8000 12 11

Այսօր՝ հունվարի 21-ին, Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանում ջրծաղիկով հիվանդ զինվորի մահվան գործի քննությունը, դատական նիստը սկսելուն պես, ընդմիջվեց մեղադրողներ Մանվել Գրիգորյանի և Անահիտ Եղիազարյանի դատարան չներկայանալու համար:

Դատական նիստին ներկայացել էին ամբաստանյալներ Մինաս Մկրտչյանը, Միքայել Միքայելյանը, վերջիններիս պաշտպաններ Վարդուհի Էլբակյանն ու Լևոն Պողոսյանը, վկաներ ՀՀ ՊՆ Կենտրոնական կլինիկական զինվորական հոսպիտալի նյադաբանության բաժանմունքի բույժքույրեր Վիկտորյա Աճեմյանը, Հրանուշ Պետրոսյանը, Արևիկ Մարգարյանը, Անգին Սարգսյանը:

Ավելի ուշ պարզվեց, որ տուժողի իրավահաջորդի ներկայացուցիչ Մուշեղ Շուշանյանը զանգահարել և հայտնել է իր հիվանդ լինելու հանգամանքի մասին՝ միաժամանակ տեղյակ պահելով տուժողի իրավահաջորդ Մովսես Խաչատրյանին դատարան չներկայանալու համար: Դատախազների դատարան չներկայանալու պատճառը հայտնի չէ:

Գործով հաջորդ նիստը տեղի կունենա փետրվարի 4-ին, ժամը 14:00-ին:

Արդեն մի քանի նիստի ընթացքում ներկայացած, սակայն չհարցաքննված վկաները դատարան կներկայանան ևս մեկ անգամ:

Աղբյուրը՝ http://iravaban.net/2013/01/21/վկաներն-այս-անգամ-էլ-չհարցաքննվեցին-ջ