0 8000 12 11

2013 թ. փետրվարի 27-ին ՀՀ արդարադատության նախարարությունում տեղի է ունեցել հանրային քննարկում Մարդու իրավունքների պաշտպանության ազգային ռազմավարությունից բխող միջոցառումների ծրագրի նախագծի առնչությամբ:

Քննարկմանը մասնակցել են ներկայացուցիչներ միջազգային և տեղական հասարակական կազմակերպություններից:

Հելսինկյան Քաղաքացիական Ասամբլեայի Վանաձորի գրասենյակից հանդիպմանը մասնակցել է նախագահ Արթուր Սաքունցը և քաղաքացիական նախաձեռնությունների և շահերի պաշտպանության բաժնի համակարգող Անահիտ Չիլինգարյանը:

ՀՔԱ Վանաձորի գրասենյակի կողմից առաջարկություններ են ներկայացվել կյանքի, հաշմանդամություն ունեցող անձանց, ընտրական, արդար դատաքննության, անձնական անձեռնմխելիության և ազատության, զինծառայողների և զորակոչիկների իրավունքների, ինչպես նաև իրավապաշտպանական գործունեությամբ զբաղվող անձանց և կազմակերպությունների իրավունքների վերաբերյալ:

Անդրադարձ է կատարվել նաև Մարդու իրավունքների պաշտպանության ազգային ռազմավարության միջոցառումների ծրագրի իրականացման թափանցիկությանը և հաշվետվողականությանը: Մասնավորապես, առաջարկվել է միջոցառումների ցանկում ավելացնել ծրագրի իրականացման մոնիթորինգի և գնահատման բաժին:

Կից ներկայացվում է ՀՔԱ Վանաձորի գրասենյակի առաջարկությունները: