0 8000 12 11

2013 թ. ապրիլի 23-ին ՀՀ վճռաբեկ դատարանը որոշում է կայացրել բավարարել Սուսաննա Անտոնյանի կողմից ներկայացված բողոքը` ՀՀ վերաքննիչ քրեական դատարանի որոշումը բեկանելու և գործը նոր քննության ուղարկելու պահանջով:

Դատարանը որոշել է բեկանել Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշումը և այն օրինական ուժի մեջ թողնելու մասին ՀՀ վերաքննիչ դատարանի որոշումը և գործն ուղարկել Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան՝ նոր քննության:

Սուսաննա Անտոնյանի որդին՝ Արման Անտոնյանը, մահացել է 2010 թ. ապրիլի 5-ին սուր լյարդային անբավարարությունից՝ կապված վիրուսային հեպատիտ B-ի ֆուլմինատիվ ընթացքով, /կայծակնային չարորակ/ ինչպես նաև վիրուսային հեպատիտ B-ից:

Մինչև մահը Արման Անտոնյանը չբերության գանգատով բուժման կուրս է անցել Սեքսապաթոլոգիայի վերականգնողական քաղաքային կենտրոնում:

2010 թ. հունիսի 23-ին բժշկական օգնություն, սպասարկում իրականացնողների կողմից մասնագիտական պարտականությունները ոչ պատշաճ կատարելու դեպքի առթիվ հարուցվել է քրեական գործ:

Սակայն 2012 թ. մարտի 30-ին ՀՀ ոստիկանության քննչական գլխավոր վարչության Երեւան քաղաքի քննչական վարչության Կենտրոնական քննչական բաժնի քննիչի կողմից կայացվել է քրեական գործի վարույթը կարճելու և քրեական հետապնդում չիրականացնելու մասին:

Քննիչի կողմից կայացրած որոշումը բողոքարկվել է վերադասության, այնուհետև դատական կարգով:

ՀՀ վճռաբեկ դատարանը փաստում է, որ մինչդատական վարույթն իրականացնող մարմինը որևէ իրավական գնահատական չի տվել Ա. Անտոնյանին առաջին բուժօգնություն ցուցաբերած շտապ օգնության աշխատակիցների կողմից իրենց մասնագիտական պարտականությունների կատարման ընթացքում ցուցաբերած թերացումներին:

Դատարանը գտնում է, որ Ա. Անտոնյանի մահվան փաստի առթիվ արդյունավետ քրեադատավարական քննություն չի իրականացվել:

Հիշեցնենք, որ Հելսինկյան Քաղաքացիական Ասամբլեայի Վանաձորի գրասենյակի նախագահ Արթուր Սաքունցը հանդիսանում է Սուսաննա Անտոնյանի ներկայացուցիչը:

Կից ներկայացվում է ՀՀ վճռաբեկ դատարանի որոշումը: