0 8000 12 11

Փաստաբան Էդմոն Մարուքյանից տեղեկացանք, որ Լոռու մարզի դատախազությունը պատրաստվում է բողոքարկել Նորիկ Պողոսյանի գործով Լոռու մարզի ընդհանուր իրավասության դատարանի վճիռը: Այդ մասին տեղական Լոռի հեռուստաալիքի եթերում հայտարարել է մարզի դատախազ Կարեն Շահբազյանը:

Հիշեցնենք, որ Նորիկ Պողոսյանը նախկինում հանիրավի դատապարտվել էր թմրամիջոցների ապօրինի շրջանառության համար եւ 18 ամիս անցկացրել կալանավայրում: Սակայն հոկտեմբերի 5–ին Լոռու մարզի առաջին ատյանի դատարանը նրա նկատմամբ արդարացման դատավճիռ կայացրեց:

Նորիկ Պողոսյանի դատապաշտպանները պատրաստվում են ապօրինի կրած ազատազրկման փոխհատուցման հարցը լուծել դատական կարգով, իսկ դատախազությունը, փաստորեն, չի հաշտվել հանիրավի ազատազրկում կրած 27-ամյա երիտասարդի արդարացման դատավճռի հետ եւ պատրաստվում է բողոքարկել այն:

Աղբյուրը` http://www.lragir.am/armsrc/right40088.html