ՁԵՐԲԱԿԱԼՎԵԼ Է ՏՈՒՆԴԱՐՁԻՆ
00:00, June 22, 2007 | Հայտարարություններ | Տեղաշարժի ազատությունՀունիսի 20-ին, ժամը 12-ի սահմաններում, Վանաձորի Բանակի փողոցի 1-ին նրբանցքի 3 տան բնակիչ Ռոբերտ Էլիզբարյանը դիմել է իրավապաշտպաններին, հայտնելով, որ երեկոյան իրենց բնակարան է զանգահարել ազգությամբ վրացի փաստաբան եւ հայտնել, որ իր եղբորը՝ Վանաձոր քաղաքի բնակիչ Հովիկ Էլիզբարյանին ձերբակալել են Վրաստանի իրավապահ մարմինները եւ նա կասկածվում է Ռուսաստանի եւ Վրաստանի սահմանը խախտելու մեջ:
Երեկ ՀՀ արտգործնախարար Վ. Օսկանյանին է դիմել Հելսինկյան քաղաքացիական ասամբլեայի Վանաձորի գրասենյակը, հայտնելով, որ Հովիկ Էլիզբարյանը Մոսկվայից Հայաստան վերադառնալիս ինքնաթիռի տոմսի համար գումար չունենալու պատճառով ընտրել է տունդարձի ցամաքային ճանապարհը: Իրավապաշտպան կառույցը խնդրել էր Էլիզբարյանի ձերբակալման վերաբերյալ կատարել ուսումնասիրություն, պարզել, թե որտեղ է նա գտնվում եւ ինչ եղանակով է իրականացվում նրա իրավունքների պաշտպանությունը:
Ռ. Մ.
Leave a Reply