0 8000 12 11

Հելսինկյան Քաղաքացիական ասամբլեայի Վանաձորի գրասենյակի հայցն ընդդեմ Պաշտպանության նախարարության այսօր Վարչական դատարանում մտավ դատաքննության փուլ:

ՀՔԱ Վանաձորի գրասենյակը պահանջում է տրամադրել 2009 թ. ՀՀ զինված ուժերում մահացած ժամկետային եւ պայմանագրային զինծառայողների թիվը, նրանց անուն-ազգանունները եւ հասցեները:

ՊՆ մերժել էր տեղեկատվության տրամադրումը`պատճառաբանելով, որ պահանջվող տեղեկատվությունը «ՀՀ ՊՆ-ի գաղտնագրման ենթակա ընդլայնված գերատեսչական ցանկի մասին» հրամանի համաձայն համարվում է գաղտնիք:
Ինչպես «Ա1+»-ի հետ զրույցում նշեց հայցվորի ներկայացուցիչ Արայիկ Զալյանը, իրենք միջնորդություն են ներկայացրել, արդյոք նախարարի հրամանը գրանցված է Արդարադատության նախարարությունում, թե` ոչ: Սակայն դատավորը միջնորդությունը մերժել է:

Դատական հաջորդ նիստի մասին կտեղեկացվի լրացուցիչ:

Աղբյուրը` http://www.a1plus.am/am/politics/2010/10/4/saqunc