Ավետիսյանների ընտանիքի սպանության գործով տեղի կունենա հերթական դատական նիստը
17:00, May 5, 2016 | Մամլո հաղորդագրություններ | Ավետիսյանների ընտանիք
Տեղեկացնում ենք, որ 2016 թվականի մայիսի 6-ին՝ ժամը 12:00-ին, կկայանա Շիրակի մարզի ընդհանուր իրավասության դատարանի հերթական արտագնա դատական նիստը՝ Ավետիսյանների ընտանիքի սպանության գործով:
Դատական նիստը տեղի կունենա ռուսական 102-րդ ռազմաբազայի տարածքում:
Վ. Պերմյակովին մեղադրանք է առաջադրվել ՀՀ Քրեական օրենսգրքի 104 հոդվածի 2-րդ մասի 1-ին, 5-րդ, 8-րդ կետերով, 175 հոդվածի 2-րդ մասի 3-րդ, 4-րդ կետերով և ՀՀ Քրեական օրենսգրքի 34-329 հոդվածի 1-ին մասով:
Ամբաստանյալ Վ. Պերմյակովի նախաքննական ցուցմունքների հրապարակումն ավարտված է: Կհրապարակվեն ռուսական կողմի իրականացրած քննչական փորձարարության արդյունքները: