Մեղադրողը Շանթի և ընկերների գործով պահանջեց 4 – 8.5 տարվա ազատազրկում
18:17, September 9, 2014 | Նորություններ, Սեփական լրատվություն | Արդար դատաքննության իրավունք | Շանթ Հարությունյան, Քաղբանտարկյալներ
2014 թ. սեպտեմբերի 8-ին ՀՀ Կենտրոն և Նորք-Մարաշ վարչական շրջանների ընդհանուր իրավասության առաջին ատյանիդատարանում շարունակվեց Շանթ Հարությունյանի և մյուսների գործով դատաքննությունը: Հիշեցնենք, որ սույն գործով նախորդ դատական նիստին ավարտվեց գործի դատաքննությունը, և դատարանն անցավ դատական վիճաբանությունների փուլին:
2014 թ. սեպտեմբերի 9-ի դատական նիստին գործով մեղադրող Գևորգ Գևորգյանը հանդես եկավ մեղադրական ճառով: Սակայն, մինչ մեղադրական ճառի հրապարակումը, գործով ամբաստանյալ Մկրտիչ Հովհաննիսյանը հանդես եկավ հայտարարությումբ և իրեն մեղավոր ճանաչեց կատարված արարքում:
Այնուհետև, մեղադրող Գ. Գևորգյանը հրապարակեց մեղադրական ճառը: Վերջինս գտավ, որ ամբաստանյալներին մեղսագրվող արարքները լիովին ապացուցված են և ստացել են ճիշտ քրեաիրավական գնահատական, իսկ ամբաստանյալները, թեև իրենց մեղավոր չեն ճանաչել, սակայն իրենց ցուցմունքներում հաստատել են հանցագործության օբյեկտիվ կողմի կատարումը: Այդպիսով, մեղադրողը, հաշվի առնելով պատիժը և պատասխանատվությունը ծանրացնող և մեղմացնող հանգամանքների առկայությունը, միջնորդեց՝
Շանթ Հարությունյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 7 տարի ժամկետով ազատազրկման,
Վարդան Վարդանյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 6 տարի 6 ամիս ժամկետով ազատազրկման,
Ավետիս Ավետիսյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 6 տարի 6 ամիս ժամկետով ազատազրկման,
Լիպարիտ Պետրոսյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 6 տարի 6 ամիս ժամկետով ազատազրկման,
Ալեք Պողոսյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 6 տարի ժամկետով ազատազրկման,
Շահեն Հարությունյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և դատապարտել 5 տարի ժամկետով ազատազրկման,
Վահե Մկրտչյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով ու 316-րդ հոդվածի 2-րդ մասով և պատիժները գումարելու եղանակով վերջնական պատիժ սահմանել 8 տարի 6 ամիս ժամկետով ազատազրկում,
Ալբերտ Մարգարյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով ու 316-րդ հոդվածի 2-րդ մասով և պատիժները գումարելու եղանակով վերջնական պատիժ սահմանել 8 տարի ազատազրկում,
Մկրտիչ Հովհաննիսյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով ու 316-րդ հոդվածի 2-րդ մասով և պատիժները գումարելու եղանակով վերջնական պատիժ սահմանել 5 տարի 6 ամիս ժամկետով ազատազրկում,
Հայկ Հարությունյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով ու 268-րդ հոդվածի 1-ին մասով և պատիժները գումարելու եղանակով վերջնական պատիժ սահմանել 6 տարի ժամկետով ազատազրկում,
Սևակ Մնացականյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին, 2-րդ կետերով և դատապարտել 4 տարի ժամկետով ազատազրկման,
Տիգրան Պետրոսյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին, 2-րդ կետերով և դատապարտել 4 տարի ժամկետով ազատազրկման,
Արմեն Հովհաննիսյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին, 2-րդ կետերով և դատապարտել 4 տարի ժամկետով ազատազրկման,
Միսաք Առաքելյանին մեղավոր ճանաչել ՀՀ քրեական օրենսգրքի 258-րդ հոդվածի 1-ին մասով և որպես պատիժ կիրառել տուգանք՝ նվազագույն աշխատավարձի 50-ապատակի չափով:
Մեղադրող Գ. Գևորգյանի ճառի հրապարակումից հետո դատական նիստն ավարտվեց, սույն գործով հաջորդ դատական նիստին պաշտպանական ճառով հանդես կգան գործով ներգրավված պաշտպանները: Հաջորդ դատական նիստը տեղի կունենա 2014 թ. սեպտեմբերի 22-ին, ժամը 12:00-ին: