0 8000 12 11

Կոտայքի մարզի դատարանում Վահան Խալաֆյանի մահվան գործով դատավարությանն այսօր ճառով հանդես եկավ մեղադրող կողմը:
Նա հաստատված համարեց Վահան Խալաֆյանի ինքնասպանության վարկածը եւ նաեւ ոստիիկանության Չարենցավանի քրեական բաժնի պետ Աշոտ Հարությունյանի մեղքը եւ նրա համար պահանջեց 8 տարի ազատազրկում:

Չարենցավանի բաժնի աշխատակիցներ Մորիս հայրապետյանի համար մեղադրող կողմը պահանջեց 2 տարի, Գարիկ Ղազարյանի եւ Գագիկ Դավթյանի համար` մեկական տարի պայմանական ազատազրկում:

Հիշեցնենք, որ այս աշխատակիցները մեղադրվում են Վահան Խալաֆյանին ինքնասպանության հասցնելու մեջ:

Ելույթ ունենալով դատարանում, տուժածի իրավահաջորդ Հմայակ Խալաֆյանն ասել է, թե դատարանում չի ապացուցվել ինքնասպանության վարկածը:

Հիշեցնենք, որ Աշոտ Հարությունյանը հերքել է ինքնասպանության վարկածը եւ հայտարարել, թե Վահանին Չարենցավանի բաժնում պարզապես սպանել են, սակայն չնայած ծնողների ու դատապաշտպանի հորդորներին` այդպես էլ չի տվել մարդասպանի անունը:

Աղբյուրը՝   http://lragir.am/armsrc/right-lrahos39999.html