Wikileaks-ի հրապարակած տվյալների հիման վրա hարուցվել է քրեական գործ, թե ոչ
00:00, September 13, 2011 | Նորություններ | Տեղեկատվության եւ խոսքի ազատություն
2011 թ. օգոստոսի 13-ին Հելսինկյան Քաղաքացիական Ասամբլեայի Վանաձորի գրասենյակը, անդրադառնալով «WikiLeaks»-ում հրապարակված «Տեր-Պետրոսյանի հայցի լսումից առաջ ՀՀ Սահմանադրական դատարանի անդամները ճնշման են ենթարկվել» վերնագրով հոդվածին, տեղեկատվության հարցում է ուղարկել ՀՀ հատուկ քննչական ծառայություն, իսկ պատճենը՝ ՀՀ գլխավոր դատախազություն:
Հոդվածում նշվում է. «….Մարտի 6-ի ուշ երեկոյան ՀՀ Սահմանադրական դատարանի անդամ Վալերի Պողոսյանը գաղտնի կապ է հաստատել դեսպանատան հետ` հանդիպում խնդրելով իր տանը: Դատավորն ասել է, որ ՀՀ նախագահ Ռոբերտ Քոչարյանը նախապես որոշել է մարտի 8-ին ՀՀ նախագահի թեկնածու Լևոն Տեր-Պետրոսյանի հայցով դատական վճռի ճակատագիրը: Պողոսյանն ասել է, որ իրեն անձամբ են ճնշել նախագահական նստավայրից, և որ իր գործընկերները նույնպես ենթարկվել են ճնշումների:…»
Կազմակերպությունը տեղեկատվության հարցման մեջ նշել է, որ ՀՀ քրեական դատավարության օրենսգրքի համաձայն` քրեական գործ հարուցելու առիթներ են հանդիսանում նաև հանցագործությունների մասին լրատվության միջոցների հաղորդումները, որի հիման վրա խնդրել է տրամադրել տեղեկատվություն այն մասին, թե
• Wikileaks-ի հրապարակած տվյալների հիման վրա հարուցվել է արդյոք քրեական գործ
• եթե այո, ապա ՀՀ քրեական օրենսգրքի որ հոդվածի հատկանիշներով
• ինչ քննչական գործողություններ են կատարվել
• եթե չի հարուցվել քրեական գործ, ապա ինչ պատճառով և իրավական հիմնավորմամբ:
Կից ներկայացվում է ՀՀ հատուկ քննչական ծառայությանն ուղղված տեղեկատվության հարցումը:
Հարցում