Գեորգի Վանյան. «Թողեք մենք ինքներս մեր այսօրը եւ վաղը կերտենք».
10:47, April 6, 2012 | ՆորություններԱպրիլի 4-5-ը «Ստոպ» կինոփառատոնի շրջանակներում, Խաղաղարար նախաձեռնությունների Կովկասյան կենտրոնի նախաձեռնությամբ «ՀՔԱ» Վանաձորի գրասենյակում վանաձորցիները հնարավորություն ունեցան դիտելու վրացի ռեժիսորներ Լեվան Թութբերիձեի եւ Գիորգի Խարաբաձեի «Ճանապարհորդություն դեպի Ղարաբաղ» եւ «Ճանապարհորդություն դեպի Ղարաբաղ 2» ֆիլմերը:
Ֆիլմերը 90-ական թթ Վրաստանում տեղի ունեցող զարգացումների մասին են, երբ Վրաստանում քաղաքացիական պատերազմ էր, երբ երկիրը ներքաշված էր վրաց-օսական եւ վրաց-աբխազական հակամարտության մեջ:
Որպես կովկասյան եռանկյունու մի մաս` հայն ու հայկականն էլ է տեղ գտել այստեղ: «Միմինոյից» հետո, թերեւս, առաջին անգամ այս ֆիլմով հայը հնարավորություն ունեցավ իրեն տեսնելու հարեւանի` վրացու աչքերով:
«Թեեւ 90-ական թվականներին Վրաստանը մեզնից շատ ավելի ծանր վիճակում էր, այնուամենայնիվ,մեր հարեւանը ինքնամաքրման խնդիր դրեց ու կարողացավ հաղթահարել դժվարությունները: Այսֆիլմերով նրանք մերժեցին հրացանավոր մարդկանց դիկտատուրան, հրացանավոր մարդկանցկամայականությունները, եւ այսօր Վրաստանը մեր տարածաշրջանում հենց ինքնամաքրման շնորհիվէականորեն տարբերվում է իր արժեհամակարգով», -ասում է Խաղարարար նախաձեռնությունների Կովկասյան կենտրոնի նախագահ
ը, որը նաեւ «Ստոպ» կինոփառատոնի տնօրենն է:
Ֆիլմերի ցուցադրության նպատակը Հայաստանում հասարակության երկխոսության ստեղծումն է, օտարված քաղաքացիների ձայնը լսելի դարձնելը:
«Օտարված, որովհետեւ քաղաքացիների անունից հիմնականում հանդես ես գալիս քաղաքական, պետական գործիչները, լրատվամիջոցները, Հկ-ները, սակայն բուն քաղաքացիների ձայնը երբեք չի լսվում»: Գեորգի Վանյանը հույս է հայտնում, որ իրենից հետո կգա այնպիսի սերունդ, որ իրեն, իրենից մեծերին, իր ուսուցիչներին կասի` մնացեք պատմության մեջ, թողեք մենք ինքներս մեր այսօրը եւ վաղը կերտենք:
Բացի Վանաձորից` ֆիլմերը ցուցադրվել են Երեւանում, Գյումրիում, Իջեւանում, հաջորդը Ճամբարակն է:
Աղբյուրը՝ http://www.aravot.am/2012/04/05/56264/
Տեղեկացնենք, որ կազմակերպիչները փորձել են ֆառատոնի մասին իրազեկել Վանաձորում գործող «Լոռի», «Միգ» և «Ֆորտունա» հեռուստաընկերությունների միջոցով, սակայն վերջիններս հրաժարվել են այն հեռարձակել:
Չնայած նրան, որ հրավիրվել են հասարակական կազմակերպությունների ներկայացուցիչներ, ակտիվ քաղաքացիներ, ֆիլմը դիտվել է սակավաթիվ մարդկանց կողմից: Այնուամենայնիվ ֆիլմերը դիտելուց հետո ծավալվել են հետաքրքիր և բովանդակալից քննարկումներ: