Դատական նիստը պետք է տեղի ունենա 2007թ-ի սեպտեմբերի 25-ին
00:00, August 13, 2007 | Տեղական ժողովրդավարություն, Քաղաքացիական նախաձեռնությունների աջակցություն
ՀՀ Սահմանադրական դատարանը 2007 թվականի հուլիսի 12-ին քննության առնելով Արթուր Սաքունցի և մյուսների ներկայացրած դիմումը՝ «Տեղական հանրաքվեի մասին» ՀՀ օրենքի 5-րդ հոդվածի 2-րդ մասի սահմանադրականությունը վիճարկելու մասին, որոշել է դիմումն ընդունել քննության և կազմել գործ՝ պատասխանող կողմ ճանաչելով ՀՀ Ազգային Ժողովին:
Դատական նիստը պետք է տեղի ունենա 2007թ-ի սեպտեմբերի 25-ին, ժամը 11.00-ին Սահմանադրական դատարանի նիստերի սրահում:
Գործով զեկուցող է նշանակվել Սահմանադրական դատարանի անդամ Հ. Նազարյանը:
Հիշեցնենք, որ Վանաձորի 5 քաղաքացիներ դեռևս 2007թ-ի մարտ ամսին նախաձեռնել էին ձևավորել խումբ՝ տեղական հանրաքվե անցկացնելու նպատակով՝ Վանաձորի քաղաքապետին անվստահություն հայտնելու հարցով:
Խմբի գրանցումը մերժվել էր թիվ 30 ընտրատարածքային ընտրական հանձնաժողովի և Լոռու մարզի առաջին ատյանի դատարանի կողմից, որից հետո խումբը դիմել էր ՀՀ Սահմանադրական դատարան: