0 8000 12 11

Լոռու մարզի ընդհանուր իրավասության դատարանը` նախագահությամբ դատավոր Մուշեղ Հարությունյանի, որոշում է կայացրել պարտավորեցնելու Լոռու մարզի քննչական բաժնին  վերացնել Հանրային պաշտպանի գրասենյակի փաստաբան Գուրգեն Հարությունյանի նկատմամբ հարուցված քրեական գործը եւ այն վարույթ ընդունելու մասին որոշումը` այդկերպ  պարտավորեցնելով  քննչական մարմնին  վերացնել փաստաբանի իրավունքների եւ ազատությունների կոպիտ խախտումները:

Լոռու մարզի քննչական բաժնում փաստաբան Գուրգեն Հարությունյանի նկատմամբ տուժողին եւ վկային սուտ ցուցմունք տալուն դրդելու համար քրեական գործ էր հարուցվել:

Գուրգեն հարությունյանը այն կարծիքն է հայտնում, որ իրենք ոչ թե հաղթել են, այլ դատարանի որոշմամբ վերականգնվել է արդարությունը:

«Քրեական գործի հարուցման եւ միջնորդությունը մերժելու որոշումները անհիմն ու անօրինական էին, մեղադրանքի կողմը փորձում էր ապացուցել, որ քրգործը հարուցվել է փաստի առթիվ, եւ դրանով տեղի չի ունեցել իրավունքների խախտում: Սակայն մենք ապացուցեցինք, որ նշված որոշումներով թուլ է տրվել իմ իրավունքների եւ ազատությունների կոպիտ խախտում»,- «Առավոտի» հետ  զրույցում նշեց Գուրգեն Հարությունյանը:

Աղբյուրը՝ http://www.aravot.am/2012/05/18/72107/