0 8000 12 11

Վերջին շրջանում  մայրաքաղաքի և մարզերի որոշ փողոցներից իրավապահ մարմինները հայտնաբերում են  ինչ-որ քանակությամբ զենք- զինամթերք: Հետաքրքրիր է` մեր քաղաքացիները  նո՞ր են հիշել ապօրինի զինամթերքից ազատվելու մասին: Իրավապաշտպան Արթուր Սաքունցը mardik.am-ի հետ զրույցում   անդրադառնալով  վերոնշյալ երևույթին ասաց` ոստիկանությունը լավ գիտի` որտեղ ինչ կա, երկրորդ` զենք-զինամթերքի հավաքումը  նման է 1988 թ և 2008 թ-ի  իրավիճակին, երբ  քաղաքացիներից  հավաքում էին  որսորդական հրացանները. «Սա խոսում է իշխանության վախի ու խուճապի մասին: Նրանք  չեն կարողանում իրավիճակը վերահսկել, իսկ իշխանության տարբեր մարմինների հայտարարություններն էլ հաճախ իրար հակասում են»:

Իրավապաշտպանին խնդրեցինք անդրադառնալ մեկ այլ երևույթի`  մամուլում հրապարակվում են հոկտեմբերի 27-ի գործով տարբեր անձանց  ցուցմունքները: Ըստ Սաքունցի` նման հրապարակումները  զուտ քաղաքական բնույթ ունեն: Հոկտեմբերի 27-ն առնչվում է Ռոբերտ Քոչարյանի  հետ, ով  ունի իրավիճակը պահելու, վերահսկելու և ազդելու հնարավորություն:

Արթուր Սաքունցի   իրավական գործունեությունը  մշտապես  քննադատվել է, ավելին` զինծառայող Լյուքս Ստեփանյանի մահվանից հետո ֆեյսբուք սոցիալական ցանցում  պահանջում էին ձերբազատվել   գրանտակեր իրավապաշտպաններից`  առաջին հերթին հենց Սաքունցից: «Երբ խախտվում են մարդու իրավունքները, իսկ խնդրով զբաղվողները  պատասխանատվությունից  խուսափելու, խնդիրները լուծելու  փոխարեն  բացասական իմիջ են ձևավորում հարցը բարձրացնողների նկատմամբ, սա ես դիտարկում եմ դավաճանություն: Զինուժում գոյություն ունեցող խնդիրները, տնտեսական , քաղաքական ու սոցիալական  հարցերը  չլուծելու անկարողությունն է  կործանում  մեր պետությունը, ոչ թե խնդիրները բարձրաձայնողները»,- մանրամասնեց զրուցակիցս` հավելելով, որ ինքը  մանրամասը կխոսի դրա մասին։

Հետաքրքրիր է` եթե մի օր Սաքունցը չլինի ՀՔԱ Վանաձորի գրասենյակի նախագահ արդյոք նման  ջանասիրությամբ նա  կբարձրաձայնի գոյություն ունեցող խնդիրները: Արթուր Սաքունցի խոսքով` ինքը  միշտ էլ բարձրաձայնել է  հասարակությանը հուզող խնդիրները, պարզապես  ՀՔԱ-ն ավելի կազմակերպված   է դա անում: «Կցանկանայի` որ մեր կառույցի նման աշխատեին  պետական շատ կառույցներ»,- եզրափակեց իրավապաշտպանը:

Աղբյուրը՝ http://mardik.am/am/