0 8000 12 11

2011 թ. օգոստոսի 31-ին Լոռու մարզի ընդհանուր իրավասության դատարանը, հետևելով Շիրակի մարզի ընդհանուր իրավասության դատարանի օրինակին, մերժեց իրավապահների կողմից վրացական պետհամարանիշներով մեքենաների երթն արգելելու վերաբերյալ քննիչի՝ քրեական գործ չհարուցելու որոշումը վերացնելու պահանջը:

Ոստիկանության աշխատակիցները, խոչընդոտելով վրացական պետհամարանիշներով մեքենաների տերերի՝ գյումրեցի ու վանաձորցի վարորդների մուտքը քաղաք, նրանց զրկել են ազատ տեղաշարժի ու խաղաղ հավաքներին, ցույցերին, երթերին մասնակցելու սահմանադրական իրավունքից:

Ի դեպ ՀՔԱ Վանաձորի գրասենյակն իրավապահների գործողությունների դեմ քրեական գործ չհարուցելու որոշումը վերացնելու պահանջով դիմել էր նաև Շիրակի մարզի ընդհանուր իրավասության դատարան, որը նույնպես մերժել էր պահանջը: Շիրակի մարզի ընդհանուր իրավասության դատարանի որոշումը բողոքարկվել է ՀՀ վերաքննիչ քրեական դատարան, որը օրինական ուժի մեջ է թողել ընդհանուր իրավասության դատարանի որոշումը:

Կից ներկայացվում է Լոռու մարզի ընդհանուր իրավասության դատարանի որոշումը:

Որոշում (13,228 KB)