Ոստիկանության աշխատակիցը ծեծել է քաղաքացուն պարտքի համար
00:00, February 26, 2011 | Նորություններ | Արդար դատաքննության իրավունք, Խոշտանգումներից և անմարդկային կամ արժանապատվությունը նվաստացնող վերաբերմունքից զերծ մնալու իրավունք | Ոստիկանություն2010 թ. հոկտեմբերի 17-ին` ժամը 17:00-ի սահմաններում, ՀՔԱ Վանաձորի գրասենյակը ահազանգ է ստացել, որ Տաշիրի տարածաշրջանի Մեդովկա գյուղի բնակիչ Գ.Մ.-ն ոստիկանության Տաշիրի բաժանմունքի աշխատակցի կողմից ենթարկվել է ծեծի:
Քաղաքացին կազմակերպության անդամների ուղեկցությամբ գնացել է ոստիկանության բաժանմունք, որտեղ հանցագործության մասին հայտարարություն է տրվել: Քննիչի կողմից կայացվել է որոշում` քաղաքացու դատաբժշկական փորձաքննության նշանակման մասին:
2010 թ. դեկտեմբերի 25-ին ՀՀ հատուկ քննչական ծառայությունը մերժել է քրեական գործի հարուցումը՝ ոստիկանության Տաշիրի բաժնի աշխատակիցների արարքում հանցակազմի բացակայության պատճառով:
Գ.Մ.-ի ներկայացուցիչ Էդմոն Մարուքյանը բողոք է ներկայացրել ՀՀ գլխավոր դատախազություն՝ ՀՀ հատուկ քննչական ծառայության կողմից քրեական գործի հարուցումը մերժելու մասին որոշման դեմ, որից հետո ՀՀ գլխավոր դատախազությունը մերժել է քրեական գործի հարուցումը մերժելու մասին որոշման դեմ բողոքը՝ այն համարելով անհիմն:
Գ. Մ.-ի ներկայացուցիչ Էդմոն Մարուքյանը դիմել է ՀՀ Երեւանի եւ Նորք Մարաշ համայնքների ընդհանուր իրավասության դատարան ՀՀ ՀՔԾ հկգ քննիչ` Գ. Հովակիմյանի 25.12.2010 թվականի քրեական գործի հարուցումը մերժելու մասին որոշումն ամբողջությամբ վերացնելու պահանջով:
Կից ներկայացվում է բողոքը:
Հոդվածին կցագրված ֆայլեր
Բողոք (87 KB)