ՀՔԱ Վանաձորի գրասենյակ իրավապաշտպան կազմակերպությունը հայտարարում է մրցույթ Իրավական վերլուծությունների և նախաձեռնությունների ծրագրերի համակարգողի թափուր հաստիքի համար:
16:13, May 3, 2017 | Թափուր աշխատատեղեր, վերապատրաստում, Հայտարարություններ
Աշխատանքային պարտականություններ․
- Իրականացնել ծրագրային առաջարկների մշակում
- Կատարել ՀՀ օրենքների, օրենքների նախագծերի, ինչպես նաև միջազգային փորձի ուսումնասիրություն, վերլուծություն և մշակել առաջարկություններ
- Իրականացնել մարդու իրավունքներին առնչվող ռազմավարական փաստաթղթերի, ազգային ծրագրերի մշտադիտարկում, և տվյալների վերլուծության արդյունքների հիման վրա զեկույցների կազմում, ինչպես նաև դրանց նախագծերի վերաբերյալ առաջարկությունների մշակում
- Իրականացնել վերոնշյալ գործողությունների շրջանակներում մշակված առաջարկությունների ընդունմանն ուղղված ջատագովություն
- Ուսումնասիրել Մարդու իրավունքների եվրոպական դատարանի վճիռները և վերահսկել դրանց կատարման ընթացքը
- Կատարել ՀՀ Ազգային ժողովի և ՀՀ Կառավարության նիստերի օրակարգերի մշտադիտարկում՝ մարդու իրավունքներին առնչվող իրավական ակտերի նախագծերի վերաբերյալ` ըստ սահմանված ժամանակացույցի` համապատասխան առաջարկությունների ներկայացման նպատակով
- Պատրաստել զեկույցներ, տեղեկանքներ, դիմումներ, հարցումներ և այլ իրավական փաստաթղթեր
- Կատարել Կազմակերպության նախագահի կողմից տրված հանձնարարություններ
Անհրաժեշտ որակավորում․
- Բարձրագույն իրավաբանական կրթություն
- Աշխատանքային փորձ իրավաբանության ոլորտում
- Վերլուծական հմտություններ
- Հայերեն, անգլերեն լեզուների իմացություն (այլ լեզուների իմացությունը խրախուսվում է)
- Մարդու իրավունքների մասին գիտելիքների տիրապետում և արժևորում
- Հաղորդակցվելու հմտություններ, թիմում աշխատելու կարողություն
- Պատրաստակամություն՝ մասնակցելու մասնագիտական վերապատրաստումների
- Արտաժամյա աշխատանք կատարելու պատրաստակամություն
- Պատրաստակամություն՝ պաշտպանելու խոցելի խմբերի (հոգեկան առողջության խնդիներ ունեցող, ազատազրկված ու կալանավորված, թմրամիջոց գործածող անձանց, զինծառայողների, զորակոչիկների և այլն):
- Համակարգչային հմտություններ
Աշխատանքի վայրը ՝ ՀՀ, ք․Երևան կամ ք․Վանաձոր
Խնդրում ենք ինքնակենսագրական և հետաքրքրվածության նամակ ուղարկել հետևյալ էլեկտրոնային հասցեին՝ ssukiasyan@hcav.am
Հայտերի ներկայացման վերջնաժամկետ՝ 2017 թ․ մայիսի 20։