Ցուցարար Հասմիկ Էվոյանի ներկայացուցիչը պահանջում է ոչ իրավաչափ ճանաչել Ոստիկանության գործողությունները
15:42, February 14, 2017 | Նորություններ, Սեփական լրատվություն | Հավաքների և միավորումների ազատություն | Ոստիկանություն
Այսօր՝ 2017 թ. փետրվարի 14-ին, ՀՀ Վարչական դատարանում, նախագահությամբ՝ Ա. Թովմասյանի, Գևորգ Սաֆարյանի կալանքի ժակետը երկարաձգելու վերաբերյալ միջնորդության քննարկմանն ընդառաջ՝ 2016 թ. մարտին տեղի ունեցած հավաքի մասնակից Հասմիկ Էվոյանի դեմ ՀՀ Ոստիկանության հայցի քննության շրջանակներում նշանակված էր հերթական դատական նիստը:
Հիշեցնենք՝ Ոստիկանությունը պահանջել է Հ. Էվոյանին վարչական պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով:
Ավելի վաղ Հ. Էվոյանի ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը Ոստիկանության գործողությունները ոչ իրավաչափ ճանաչելու վերաբերյալ հակընդդեմ հայց էր ներկայացրել, որը դատարանը վարույթ է ընդունել: ՀՀ Ոստիկանության ներկայացուցչին հակընդդեմ հայցն ուսումնասիրելու և դրա վերաբերյալ դիրքորոշում հայտնելու հնարավորություն տալու նպատակով դատական նիստը հետաձգվեց և նշանակվեց 2017 թ. մարտի 27-ին՝ ժամը 12:40-ին:
Տես նաև՝ aravot.am