0 8000 12 11

«Մեդիա կենտրոն», նոյեմբեր 24, 2014թ.: 2013 թվականի ձմեռային և 2014 թվականի ամառային զորակոչերի ժամանակ արձանագրված խախտումները թույլ են տալիս փորձագետներին պնդել, որ զինակոչիկները չունեն իրավական հնարավորություններ իրենց ոտնահարված իրավունքների վերականգնման համար:

«ՀՀ պաշտպանության նախարարության 410 հրամանը պետք է դառնա ՀՀ Զինապարտության մասին օրենքի բաղկացուցիչ մասը, որ գոնե որևիցե մեկը համարձակվի բողոքարկել այդ իրավական փաստաթուղթը դատական ատյաններում», – ասաց ՀՔԱ Վանաձորի գրասենյակի նախագահ Արթուր Սաքունցն այսօր «Մեդիա կենտրոնում» տեղի ունեցած մամլո ասուլիսի ժամանակ:

Բանախոսի համոզմամբ` զինակոչի ժամանակ դատաբժշկական հանձնաժողովի որոշումների բողոքարկման աստիճանը շատ ցածր է, և եթե լիներ գոնե մեկ նախադեպ, որ անձը համաձայներ անգամ զորակոչվելուց հետո բողոքարկել, կարձանագրվեր առաջընթաց: Ասուլիսի բանախոսներն էին ՀՔԱ Վանաձորի գրասենյակի նախագահ Արթուր Սաքունցը, նույն գրասենյակի խաղաղասիրական ծրագրերի համակարգող Արմինե Սադիկյանն ու բժիշկ-փորձագետ Վարդան Համբարձումյանը:

Ասուլիսի ամբողջական տեսագրությունը

«Զորակոչի ժամանակ արձանագրված խախտումները միայն օրենսդրական բացի արդյունքում չեն առաջացել, այլ դրանք իրավակիրառ պրակտիկայի խախտումներ են: Եթե անգամ գոյություն ունի որևէ իրավական ակտ, դա չի կիրառվում», – նշեց Արմինե Սադիկյանը: Վարդան Համբարձումյանի դիտարկմամբ` ՀՀ պաշտպանության նախարարության 410 հրամանը չունի դրույթներ, որոնք կսահմանեն մի շարք հիվանդությունների ծանրության աստիճանների չափանիշները:

«Կա ֆունկցիայի խանգարման որոշման չափանիշի սուբյեկտիվություն», քանի որ բժիշկն ինքն է որոշում, թե զորակոչիկի որևէ ֆունկցիա ինչքան է խախտված: Արմինե Սադիկյանը հավելեց, որ 2013 թվականի ձմեռային եւ 2014 թվականի ամառային զորակոչերի ընթացքում զինակոչիկների իրավունքների վիճակի մասին զեկույցում ներկայացրել են դեպքեր, երբ զորակոչիկին 3-րդ անգամ տարկետում տալով հանդերձ` ծառայությունից ազատելու փոխարեն 4-րդ անգամ են տալիս տարկետում, ինչն օրենքի խախտում է:

Բանախոսը նշեց, որ իրենց դիմած 26 անձանցից 11-ը ստացել են բանավոր խորհրդակցություն, իսկ 15-ին տրվել է հանգամանալից իրավական աջակցություն, ինչի արդյունքում այս պահի դրությամբ մեկ զորակոչիկ ազատվել է պարտադիր զինվորական ծառայությունից, իսկ մյուս վեցը ստացել են տարկետում:

ՀՔԱ Վանաձորի գրասենյակի ներկայացուցիչների համոզմամբ` զորակոչերի ժամանակ ոչ թե գանգատների, այլ համալիր բժշկական զննության հիման վրա պետք է տրվի եզրակացություն, քանի որ սխալ է առաջնորդվել միայն տվյալ պահի առողջական վիճակի գնահատմամբ: Իսկ զորակոչը պետք է կանոնակարգվի ոչ թե իրավական ակտով` ՀՀ ՊՆ 410 հրամանով, այլ համապատասխան օրենքով:

Աղբյուրը՝ www.aravot.am

Այս մասին նաև՝ Սաքունց. Զորակոչիկները պետք է ապահովվեն համալիր բժշկական զննությամբ,

«Զորակոչի ընթացքում տեղի են ունենում մարդու իրավունքների խախտումներ». Սաքունց

Զորակոչի ընթացքում մարդու իրավունքների համակարգային խախտումներ են լինում. Արթուր Սաքունց

Հոմոսեքսուալ զորակոչիկների հարցը դեռևս կարգավորված չէ. բժիշկ-փորձագետ

Զինվորների բուժզննումը անցնում է խախտումներով

Զորակոչի ընթացքում տեղի են ունենում մարդու իրավունքների համակարգային խախտումներ. իրավապաշտպաններ 

Զորակոչի ընթացքում տեղի են ունենում մարդու իրավունքների համակարգային խախտումներ. Արթուր Սաքունց