0 8000 12 11

2016 թվականի հունվարի 25-ին Լոռու մարզի ընդհանուր իրավասության դատարանում նշանակված էր «Ավան հոգեկան առողջության կենտրոն» ՓԲԸ-ը՝ ընդդեմ ՀՔԱ Վանաձորի գրասենյակի և Ժ. Ամարիկյանի» գործով հերթական դատական նիստը, որի ընթացքում հարցաքննվելու էին գործով ներգրավված վկաները:

Դատական նիստին ներկա էին պատասխանող կողմի ներկայացուցիչներ, ՀՔԱ Վանաձորի գրասենյակի ղեկավար Ա. Սաքունցը և Կազմակերպության իրավաբանական բաժնի համակարգող Ա. Զալյանը:

Հայցվոր կողմը, պատշաճ կարգով ծանուցված լինելով դատական նիստի օրվա և ժամի մասին, չէր ներկայացել դատական նիստին:

Նախագահող դատավոր Վ. Հովնանյանը հայտնեց, որ հայցվոր կողմը միջնորդություն է ներկայացրել դատարան՝ դատական նիստը հետաձգելու հարցով: Ըստ ներկայացված միջնորդության՝ հայցվոր կողմի ներկայացուցիչ, փաստաբան Է. Բադեմյանը և գործով ներգրավված վկաները առողջական խնդիրների և Երևան-Վանաձոր ավտոճանապարհի անանցանելիության պատճառով չեն կարող մասնակցել դատական նիստին:

Պատասխանող կողմը չառարկեց ներկայացված միջնորդությանը:

Դատական նիստը հետաձգվեց:

Հաջորդ դատական նիստը նշանակված է 2016 թվականի մարտի 2-ին՝ ժամը 10:00-ին:

Տես նաև՝ hcav.am