0 8000 12 11

Այսօր՝ 2017 թ. հոկտեմբերի 27-ին, ՀՀ Վարչական դատարանում շարունակվեց զորակոչիկ Տ. Մ.-ի վերաբերյալ ՀՀ Կենտրոնական բժշկական հանձնաժողովի՝ 2017 թ. հունվարի 30-ի որոշման դեմ հայցի քննությունը:

Հիշեցնենք՝ նախկինում նույն առողջական խնդիրների պատճառով տարկետում ստացած զորակոչիկին 2017 թ. հունվարին ԿԲՀ-ը զինծառայությանը պիտանի է ճանաչել: Վերջինս, համաձայն չլինելով որոշմանը, հրաժարվել է զինծառայության մեկնելուց:

Տ. Մ.-ը և նրա ներկայացուցիչ, ՀՔԱ Վանաձորի փաստաբան Ս. Սողոմոնյանը պահանջում են անվավեր ճանաչել ԿԲՀ որոշումը:

Այսօր կայացած դատական նիստի ընթացքում Ս. Սողոմոնյանը միջնորդեց փոփոխել հայցի հիմքերն ու առարկան՝ Տ.Մ.-ին զինծառայությանը պիտանի ճանաչելու ԿԲՀ 2016 թ. հուլիսի 28-ի որոշման մասով:

Դատարանը բավարարեց միջնորդությունը և հետաձգեց դատական նիստը՝ պատասխանող կողմին, որն այսօր դատարան չէր ներկայացել, միջնորդության վերաբերյալ դիրքորոշում հայտնելու հնարավորություն տալու նպատակով: