«Այսքան խեղված, այս աստիճան ամեն ինչ գլխի վայր խառնած ու խառնված վիճակ նույնիսկ 90-ական թվականներին չի եղել»
10:51, August 3, 2017 | Այլ լրատվամիջոցներ, Նորություններ
Այսքան խեղված, այս աստիճան ամեն ինչ գլխի վայր խառնած ու խառնված վիճակ նույնիսկ 90-ական թվականներին չի եղել, պատերազմական գործողությունների ժամանակ:
Պատերազմ և խաղաղություն, ժողովրդավարություն և բռնապետություն, իրավունք, օրենք ու քրեական, գողական, բարություն ու չարություն, ազնվություն, անկեղծություն, մարդասիրություն ու տմարդություն, քաղաքակրթություն ու բարբարոսություն, կյանքի արժեք, անբարոյականություն և բարոյականություն՝ ամբողջը խառնվել է, կրողները խառնվել են, շունը տիրոջը չի ճանաչում…
Այս քաոսը անընդհատ մաշում է: Այս ամենը պետք է տեղավորել, կարգավորել, տեսքի բերել…
Ամեն մեկն իր շահն է դիտարկում: Բացի իրենից ոչ մարդ է տեսնում, ոչ կյանք, միմիայն սեփական ամբիցիաների բավարարմամբ են զբաղված, մտահոգված, ու գլուխները մի կերպ պահելով են զբաղված: