0 8000 12 11

Հելսինկյան Քաղաքացիական Ասամբլեայի Վանաձորի գրասենյակը «ՀՀ Քրեական օրենսգրքի 327.1 հոդվածի (Այլընտրանքային աշխատանքային ծառայողի կողմից ծառայության վայրն ինքնակամ թողնելը) 1-ին մասում փոփոխություն կատարելու մասին» ՀՀ օրենքի նախագծի վերաբերյալ 2018 թ. փետրվարի 13-ին առաջարկներ է ներկայացրել ՀՀ Արդարադատության նախարարություն:

Օրենքի նախագծով առաջարկվում է քրեականացնել նաև երեք ամսվա ընթացքում երեք և ավելի անգամ մեկ ժամից մինչև երեք օր տևողությամբ այլընտրանքային աշխատանքային ծառայողի կողմից ծառայության վայրն ինքնակամ թողնելը կամ առանց հարգելի պատճառների ժամանակին ծառայության չներկայանալը:

Մինչդեռ ներկա օրենսդրությամբ քրեական պատասխանատվություն է սահմանված երեք ամսվա ընթացքում երեք և ավելի անգամ մեկից երեք oր տևողությամբ ծառայության վայրն ինքնակամ թողնելու կամ առանց հարգելի պատճառների ժամանակին ծառայության չներկայանալու համար:

Ստացվում է, որ ներկայացված նախագիծը ուղղված է ոչ թե արդեն իսկ գործող նորմի որոշակիությունն ապահովելուն, այլ դրանով  քրեականացվում է լրիվ նոր արարք: Չկա որևէ հիմք` կարծելու, որ նկարագրված արարքը ունի հանրորեն վտանգավորության այնպիսի աստիճան, որը թույլ կտա այն քրեականացնել:

ՀՔԱ Վանաձորի գրասենյակն առաջարկել է.

1. նախագծի այդ հոդվածը շրջանառությունից հանել ամբողջությամբ,
2. ստեղծել մեխանիզմներ` ուսումնասիրելու և վեր հանելու այլընտրանքային աշխատանքային ծառայողի կողից անհարգելի պատճառներով ծառայության չներկայանալու պատճառները,
3. ձևավորել աշխատանքային խումբ` քննարկելու այլընտրանքային աշխատանքային ծառայողի կողից անհարգելի պատճառներով ծառայության չներկայանալու արարքի ապաքրեականացման հարցի հնարավորությունը:

Առաջարկներն ամբողջությամբ՝ ԱՅՍՏԵՂ