0 8000 12 11

Սպանության մեջ մեղադրվող զինծարայողներ Ռազմիկ Սարգսյանի, Մուսա Սերոբյանի եւ Արայիկ Զալյանի գործով դիմումը 2006 թ. հունիսի 9-ից ՀՀ Վճռաբեկ դատարանում է:

Դատարանը մինչ օրս այս գործով վերջնական որոշում չի ընդունել, ինչը, ըստ նրանց փաստաբանների, հակասում է մարդու իրավունքների Եվրոպական կոնվենցիային, ՀՀ Քրեական օրենսգրքին եւ Սահմանադրությանը:

Փաստաբանները դիմում են ներկայացրել Վճռաբեկ դատարանին գործին ` գործը սահմանված ժամկետներում քննելու պահանջով: Վճռաբեկ դատարանին բաց նամակով դիմել են նաեւ ՀՀ քաղաքացիներ, հասարակական-քաղաքական գործիչներ, հասարակական կազմակերպություններ` պահանջելով արդար վճիռ կայացնել եւ գործն ուղարկել հետքննության:

Ներկայումս Ռազմիկ Սարգսյանը տուբերկուլյոզ ախտորոշմամբ գտնվում է Նուբարաշենի քրեակատարողական հիմնարկի բուժմասում, ուր նա տեղափոխվել է հասարակական կազմակերպությունների, լրատվամիջոցների եւ փաստաբանների համատեղ ջանքերի շնորհիվ:

Ռազմիկին բուժող բժշկի հավաստմամբ նրա առողջական վիճակը վտանգավոր չէ: Միջազգային Կարմիր Խաչը հետեւում է գործընթացին:

«Ա1+, օն-լայն», 18.10.2006