Տեղեկացնում ենք, որ այսօր՝ 2018 թ. սեպտեմբերի 6-ին՝ ժամը 16:30-ին, Երևան քաղաքի ընդհանուր իրավասության դատարանի Շենգավիթի նստավայրում Արաբկիր ԲԿ-ում 2013 թ. հունվարին մահացած 2 տարեկան, 3 ամսական Լիա Միսակյանի մահվան մեջ մեղադրված բժիշկ Զ. Այվազյանի պաշտպանները հանդես կգան ամփոփիչ ճառով:

Նախորդ դատական նիստին նրանք չէին ներկայացել, պաշտպան Երեմ Սարգսյանի բացակայությունը դատարանը հարգելի էր համարել, քանի որ նախապես տեղեկացրել էր, որ զբաղվածության պատճառով չի կարող ներկայանալ, իսկ Կարեն Մեժլումյանի բացակայությունը անհարգելի էր համարել:

Հիշեցնենք՝ բժշկական կենտրոնի բժիշկներ Զարինե Այվազյանն ու Լիլիթ Վարդանյանը մասնագիտական պարտականությունները պատշաճ չկատարելու համար 2015 թ. դեկտեմբերի 22-ին ազատազրկման էին դատապարտվել՝ առանց լրացուցիչ պատժի նշանակման:

Լիա Միսակյանի իրավահաջորդի ներկայացուցիչներ, ՀՔԱ Վանաձորի գրասենյակի նախագահ Ա. Սաքունցի և Կազմակերպության Երևանի ներկայացուցչության իրավաբան Տ. Սիրադեղյանի բողոքի հիման վրա ՀՀ Վճռաբեկ դատարանը 2016 թ. հունիսի 24-ին լրացուցիչ պատժի նշանակման մասով գործն ուղարկել էր առաջին ատյանի դատարան՝ նոր քննության:

Լիա Միսակյանի մահվան մեջ մեղադրված մյուս բժիշկը՝ Լ. Վարդանյանը, նախորդ դատական նիստում հայտարարեց, որ իրեն մեղավոր չի ճանաչում:

pjimage (32)Տեղեկացնում ենք, որ 2018 թ. օգոստոսի 1-ին՝ ժամը 15:00-ին, Երևանի Կենտրոն և Նորք Մարաշ վարչական շրջանների ընդհանուր իրավասության դատարանում կշարունակվի 2013 թ. հունվարի 2-ին «Արաբկիր» ԲԿ-ում մահացած 2 տարեկան, 3 ամսական Լիա Միսակյանի իրավահաջորդի՝ նյութական և բարոյական վնասի փոխհատուցման պահանջով հայցի քննությունը:

Դրանով Լ. Միսակյանի իրավահաջորդ Գ. Միսակյանը և նրա ներկայացուցիչներ, ՀՔԱ Վանաձորի գրասենյակի փաստաբաններ Արայիկ Զալյանն ու Անի Չատինյանը պահանջում են Հայաստանի Հանրապետությունից, ի դեմ՝ ՀՀ Ֆինանսների նախարարության, «Արաբկիր բժշկական համալիր-երեխաների և դեռահասների առողջության ինստիտուտ» ՍՊԸ-ից և Արաբկիր ԲԿ-ի բժիշկներ Լ. Վարդանյանից ու Զ. Այվազյանից բռնագանձել 15.000.000 ՀՀ դրամ որպես բարոյական վնասի և 1.690.000 ՀՀ դրամ՝ որպես նյութական վնասի փոխհատուցում:

1000dramՏեղեկացնում ենք, որ 2018 թ. հուլիսի 26-ին՝ ժամը 11:40-ին, ՀՀ Վերաքննիչ քաղաքացիական դատարանը կքննի «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ՀՀ օրենքով սահմանված վճարումների դեմ ՀՔԱ Վանաձորի գրասենյակի աշխատակիցների վերաքննիչ բողոքը:

Հիշեցնենք՝ 2017 թ. հոկտեմբերի 27-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը մերժեց ՀՔԱՎ աշխատակիցների հայցը:

Վերաքննիչ բողոքում  հիմնավորումներ են ներկայացվել այն մասին, որ դատարանը օբյեկտիվ քննություն չի իրականացրել և որ վիճարկվող դրույթի սահմանադրականության հարցը չստուգելով կայացրած վճիռը օրինական չի կարող լինել: Դատարանի այդ վճռով խախտվել են հայցվորների իրավունքներն ու ազատությունները:

Տեղեկացնում ենք, որ 2018 թ. հուլիսի 25-ին՝ ժամը 16:00-ին, Երևան քաղաքի ընդհանուր իրավասության դատարանը Շենգավիթի նստավայրում կշարունակի Մարինա Պողոսյանի նկատմամբ ապօրինի «Ներքին դիտում» օպերատիվ-հետախուզական միջոցառում իրականացնելու և դրա վերաբերյալ հարցմանը կեղծ պատասխան տրամադրելու մասին հաղորդման հիման վրա քրեական գործ հարուցելը մերժելու ՀՀ ՀՔԾ՝ 2017 թ. սեպտեմբերի 19-ի որոշման դեմ բողոքի քննությունը:

Նախորդ դատական նիստին Ա. Սաքունցը դատարանում ներկայացրեց բողոքի հիմքերն ու հիմնավորումները և միջնորդեց ստանալու քննիչի որոշմամբ վկայակոչված նախապատրաստված նյութերը՝ հասկանալու համար, թե որքանով է վարույթն իրականացնող մարմինը ջանքեր գործադրել նյութերի նախապատրաստման փուլում:

Միջնորդությունը բավարարվեց:

 Տեղեկացնում ենք, որ վաղը՝ 2018 թ. հուլիսի 20-ին՝ ժամը 10:30-ին, ՀՀ Վճռաբեկ դատարանը կքննի Ուկրաինայի քաղաքացի Բոգդան Կալիուսսկիի պաշտպաններ, ՀՔԱ Վանաձորի գրասենյակի փաստաբաններ Արայիկ Զալյանի և Անի Չատինյանի վճռաբեկ բողոքը:

Վճռաբեկ բողոքը ներկայացվել է ՀՀ Վերաքննիչ քրեական դատարանի՝ 2018 թ. ապրիլի 23-ի որոշման դեմ, որով վերաքննիչ դատարանը մերժել է պաշտպանների բողոքն ու անփոփոխ թողել՝ Բ. Կալիուսսկիին կալանավորելու որոշումը:

Նշենք, որ ավելի ուշ՝ 2018 թ. մայիսի 24-ին Երևան քաղաքի ընդհանուր իրավասության դատարանը բավարարել է Բոգդան Կալիուսսկիի պաշտպան, ՀՔԱ Վանաձորի գրասենյակի փաստաբան Արայիկ Զալյանի միջնորդությունը՝ 1.000.000 ՀՀ դրամի չափով խափանման այլընտրանքային միջոց գրավ կիրառելու վերաբերյալ:

10145-300x209Տեղեկացնում ենք, որ այսօր՝ 2018 թ. հուլիսի 12-ին՝ ժամը 17:00-ին, ՀՀ Վարչական դատարանը կհրապարակի Պաշտպանության նախարարության դեմ ՀՔԱ Վանաձորի գրասենյակի հայցի քննության արդյունքում կայացրած վճիռը:

Հիշեցնենք՝ ՀՔԱ Վանաձորի գրասենյակը պահանջել է զինվորական ծառայության սահմանափակումների բնութագրի, թույլատրվող ֆիզիկական վարժությունների և զինծառայողների պաշտոնների նշանակման սահմանափակումների վերաբերյալ ՀՀ Զինված ուժերի գլխավոր շտաբի պետի 2014 թ. հունվարի 15-ի հրամանով հաստատված ձեռնարկի պատճենը:

Պաշտպանության նախարարությունն ավելի վաղ մերժել էր տրամադրել տեղեկատվությունը՝ այն համարելով պետական գաղտնիք:

2017 թ. հուլիսի 20-ին կայացած դատական նիստի ընթացքում ՊՆ ներկայացուցիչը հայտարարեց, որ ձեռնարկը ՀՀ ՊՆ 04.08.2013թ. 410-Ն հրամանի հավելվածի տեսքով հասանելի կլինի նաև arlis.am համակարգում, սակայն հետագայում պարզ դարձավ, որ ՀՀ Պաշտպանության նախարարությունը ձեռնարկը arlis.am համակարգում չի հրապարակել:

ՈստիկանությունՏեղեկացնում ենք, որ այսօր՝ 2018 թ. հուլիսի 12-ին՝ ժամը 17:01-ին, ՀՀ Վարչական դատարանը կհրապարակի ցուցարար Տարոն Սիրադեղյանի՝ ՀՀ Ոստիկանությունից պատճառված վնասի փոխհատուցման պահանջով հայցի քննության արդյունքում կայացրած վճիռը:

Վերջինս 2014 թ․ հունիսի 23-ին մասնակցել է ՀՀ Հանրային ծառայությունները կարգավորող հանձնաժողովի վարչական շենքի մոտ կազմակերպված հավաքին և ենթարկվել վարչական ձերբակալման:

ՀՀ Վարչական դատարանի վճռով վարչական պատասխանատվության ենթարկվելուց հետո 2017 թ. փետրվարի 24-ին ՀՀ Վերաքննիչ վարչական դատարանը ոչ իրավաչափ ճանաչեց ցույցի ընթացքում Տարոն Սիրադեղյանի նկատմամբ ոստիկանության իրականացրած գործողությունները և մերժեց վերջինիս պատասխանատվության ենթարկելու՝ ՀՀ Ոստիկանության հայցը:

Ցուցարարն ու նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը ՀՀ Ոստիկանությունից պահանջում են ոչ իրավաչափ վարչարարության արդյունքում հասցված ոչ գույքային վնասի փոխհատուցում 465.000 ՀՀ դրամի չափով:

Ավելի վաղ 500.000 ՀՀ դրամ փոխհատուցում տրամադրելու հայցը ՀՀ ոստիկանապետը բավարարել էր մասնակի՝ 35.000 ՀՀ դրամի չափով:

 Տեղեկացնում ենք, որ 2018թ. հուլիսի 11-ին՝ ժամը 14:00-ին, Լոռու մարզի ընդհանուր իրավասության դատարանում կշարունակվի  2016 թ. հոկտեմբերին Վանաձորի բժշկական կենտրոնում մահացած ծննդկան Հռիփսիմե Նազլուխանյանի գործի քննությունը:

Ծննդկանի մահվան մեջ  մեղադրվում է Վանաձորի բժշկական կենտրոնի ավագ մանկաբարձ-գինեկոլոգ Դավիթ Շահվերդյանը: Նրան մեղադրանք է առաջադրվել ՀՀ Քրեական օրենսգրքի 130-րդ հոդվածի 2-րդ մասով՝ մասնագիտական պարտականությունները չկատարելու/ոչ պատշաճ կատարելու համար, որն առաջացրել է բուժվող հիվանդի մահ:

Նախորդ դատական նիստը հետաձգվեց պաշտպան Ա. Ոսկանյանի միջնորդությամբ:

original (1)Տեղեկացնում ենք, որ 2018 թ. հուլիսի 11-ին՝ ժամը 15:00-ին, Երևան քաղաքի ընդհանուր իրավասության դատարանի Շենգավիթի նստավայրում կշարունակվի իրավապաշտպան Մարինա Պողոսյանի ներկայացուցիչ, ՀՔԱ Վանաձորի գրասենյակի նախագահ Ա. Սաքունցի բողոքի քննությունը:

Հիշեցնենք՝ Մարինա Պողոսյանի նկատմամբ ապօրինի «Ներքին դիտում» օպերատիվ-հետախուզական գործողություն իրականացնելու մասին ՀՔԱ Վանաձորի գրասենյակի հաղորդման հիման վրա ՀՀ ՀՔԾ ՀԿԳ քննիչի պաշտոնակատար Գ. Մարգարյանը 2017 թ. սեպտեմբերի 19-ի որոշմամբ մերժել էր քրեական գործ հարուցվել:

Որոշման դեմ ՀՔԱ Վանաձորի գրասենյակի բողոքը մերժել էր նաև ՀՀ Գլխավոր դատախազությունը:

Տեղեկացնում ենք, որ 2018 թ. հուլիսի 4-ին՝ ժամը 15:30-ին, Երևան քաղաքի ընդհանուր իրավասության դատարանը Ավանի նստավայրում կքննի ՀՀ Գլխավոր դատախազության ու ՀՀ Ազգային անվտանգության ծառայության դեմ ՀՔԱ Վանաձորի գրասենյակի նախագահ Արթուր Սաքունցի բողոքը:

ՀՀ Գլխավոր Դատախազությունն ու ՀՀ ԱԱԾ-ն Արթուր Սաքունցի՝ 2018 թ. ապրիլի 9-ի՝ Սերժ Սարգսյանի դեմ ներկայացրած հանցագործության մասին հաղորդմանը պատասխանել էին գրությամբ՝ դրսևորելով անգործություն:

Դատարան ներկայացրած բողոքով Ա. Սաքունցը պահանջել է պարտավորեցնել վերոնշյալ կառույցներին ՀՀ Քրեական դատավարության օրենսգրքի դրույթներին համապատասխան որոշում կայացնել և այն տրամադրել հաղորդում ներկայացրած անձին:

hq720Տեղեկացնում ենք, որ 2018 թ. հուլիսի 4-ին՝ ժամը 12:00-ին, ՀՀ Վերաքննիչ վարչական դատարանը կքննի «Հայ կանանց ճակատի» անդամ Սուսաննա Սիմոնյանի և նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանի բողոքը՝ ՀՀ Վարչական դատարանի 2017 թ. ապրիլի 6-ի որոշման դեմ:

ՀՀ Վարչական դատարան ներկայացված հայցով ՀՀ Ոստիկանությունը պահանջել էր պատասխանտվության ենթարկել Ժ. Սեֆիլյանի նկատմամբ կալանքը որպես խափանման միջոց ընտրելու միջնորդության քննարկման ժամանակ 2016 թ. հունիսի 22-ին տեղի ունեցած հավաքի մասնակից Սուսաննա Սիմոնյանին:

Վերջինիս ներկայացուցիչ Տ. Սիրադեղյանն էլ հակընդդեմ հայցով պահանջել էր ոչ իրավաչափ ճանաչել հավաքի վայրից Ս. Սիմոնյանին ուժի գործադրմամբ ոստիկանության բաժին տեղափոխած ոստիկանների գործողությունները:

2017 թ. ապրիլի 6-ին ՀՀ Վարչական դատարանը որոշեց բավարարել ոստիկանության հայցը և Ս. Սիմոնյանին ենթարկել 30.000 ՀՀ դրամի տուգանքի, իսկ հակընդդեմ հայցը բավարարել էր մասնակի:

Հանրային քննարկումների կազմակերպման և անցկացման կարգը սահմանելու մասին կառավարության նոր նախագիծը արդեն դրվել է հանրային քննարկման e-draft.am կայքում: Նախագծին կողմ է քվեարկել 62 տոկոսը, դեմ 38 տոկոսը:

Նախագծի խնդրահարույց դրույթներին հուլիսի 2-ին Մեդիա կենտրոնում անդրադարձանԹրանսփարենսի ինթերնեյշնլ հակակոռուպցիոն կենտրոնի իրավախորհրդատու Հերիքնազ Տիգրանյանն ու Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը:

«Այո կամ ոչ պատասխանները e-draft.am կայքում որևէ էական ազդեցություն նախագծի հետագա ճակատագրի վրա չեն ունենա, քանի որ դա, ընդամենը վերաբերմունք է,  և եթե անգամ այնտեղ կտեսնենք 100 տոկոսով դեմ քվեարկություն, դա, ամենևին, չի նշանակում, որ նախագծի հեղինակները կարող են այդ բացասական քվեարկությունը հասցնել մինչև վերջ»,-ասաց Հերիքնազ Տիգրանյանը:

Տիգրանյանը ընդգծում է, որ հանրայի ընկալման մեջ որևէ գործընթացի մասնակցայնությունը ենթադրում է  ոլորտային մասնագիտացված համայնքի կամ շահագրգիռ անձանց ու խմբերի  հետ հանդիպումների, բաց լսումների ու քննարկումների կազմակերպում։

«Սակայն նախագծի կարգավորումները բխում են բոլորովին այլ տրամաբանությունից, ըստ որի հանրային քննարկումը կարող է կազմակերպվել բացառապես առցանց եղանակով։ Ի տարբերություն նախորդէ 2010 թ.-ի կարգի, այստեղ կա լուրջ հետընթաց»,-ասաց Տիգրանյանը:

Նախագծի 10-րդ կետի համաձայն՝ հանրային քննարկումներ իրականացնելու նպատակով հանրային քննարկում իրականացնող մարմինը իր պաշտոնական ինտերնետային կայքում և իրավական ակտերի նախագծերի հրապարակման միասնական կայքում հրապարակում է նորմատիվ իրավական ակտի նախագիծը, իրավական ակտի ընդունման հիմնավորումը և  իր հայեցողությամբ այլ նյութեր։ Իսկ  նախագծի 20-րդ հոդվածը սահմանում է, որ հանրային քննարկումներ կարող են իրականացվել տվյալ ոլորտում մասնագիտացված կամ շահագրգիռ անձանց հետ հանդիպումների, բաց լսումների, քննարկումների, հասարակական հարցումների, ինչպես նաև հեռահաղորդակցության հնարավոր միջոցներով հանրային քննարկում իրականացնող մարմնի նախաձեռնությամբ։

«Սա նշանակում է, որ իրավական ակտի  նախագիծը մշակով կամ ընդունող մարմինը  որևէ պարտավորություն չունի կազմակերպելու հանրային բաց քննարկումներ, ինչ արդյուքնում ստացվում է, որ իրավական ակտի նախագիծը միայն կայքերում հրապարակելը բավարար պայման է հանրային քննարկում անցկացնելու օրենսդրական պահանջի կատարումն ապահովելու համար»,-ասում է Տիգրանյանը, որ պետք է պարտադիր լինի ինտերնետ տիրույթից դուրս բաց հանրային քննարկումներ անցկացնելը։

Ըստ իրավապաշտպանի` նախագծի 20 և 21-րդ կետերում առկա է տրամաբանական հակասություն․ եթե հանրային քննարկում իրականացնող մարմինը 20-րդ կետի համաձայն նախաձեռնել է անցկացնել բաց հանրային քննարկում, ապա դրա անցկացման վայրի, ժամի և ժամկետների մասին պետք է հրապարակի հայտարարություն իր պաշտոնական ինտերնետային կայքում և միասնական կայքում:

«Միչնչդեռ 21-րդ կետը «կարող է հրապարակել հայտարարություն» ձևակերպմամբ այն դարձրել է հայեցողական լիազորություն։ Իսկ օրենքի 4-րդ հոդվածի համաձայն՝ հանրային քննարկումների անցկացման արդյունքները և դրանց հիման վրա լրամշակված նորմատիվ իրավական ակտի նախագիծը նույնպես հրապարակվում են: Սակայն կառավարության որոշման նախագծով որևէ անդրադարձ չկա այն հարցին, թե հանրային քննարկման դրված նախագծերի վերաբերյալ առաջարկություններն ինչ ընթացք են ստանում կամ ինչպես են դրանք ազդում նախագծի հետագա ընթացքի վրա։ Մասնավորապես, եթե ընդհանրական բացասական կարծիք է ստացվել նախագծի վերաբերյալ, ապա արդյունքում նախագիծը պետք է արմատապես վերանայվի կամ շրջանառությունից հանվի։ Ինչպես նաև առաջարկությունները չընդունվելու դեպքում պետք է հստակ հիմնավորվեն, ներկայացվեն մերժման պարզաբանումները  և արտացոլվեն ամփոփաթերթում»,-ասում է Տիգրանյանը։

Արթուր Սաքունցն ասում է, որ հանրային քննարկումների նոր կարգի հետ կապված շատ հարցեր պայմանավորված են «Իրավական ակտերի մասին» օրենքում  ամրագրված որոշ դրույթներով. «Բնականաբար, կարգի հետ կապված քննարկումների ընթացքում պետք է որոշակի առաջարկներ ներկայացվեն օրենքում փոփոխություն կատարելու ուղղությամբ։ Չենք կարող կարգի մեջ այնպիսի փոփոխություններ կատարել, որոնք կհակասեն օրենքին։ Այսինքն՝ ունենք 2 խնդիր՝ կարգի եւ իրավական ակտերի մասին օրենքում փոփոխություն կատարելու առնչությամբ»:

Նրա կարծիքով, հանրային մասնակցության այն ինստիտուտներին՝ ինչպիսիք են՝ հանրային խորհուրդին, նախարարներին կից հասարակական խորհուրդներին եւս պետք է անդրադարձ կատարվի. «Քանի որ սրանք էլ են հանդիսանում հանրային քննարկումների ինստիտուտներ: Պետք է նշվի, որ դրանցով չի սահմանափակվում հանրային քննարկումների այլ ձեւաչափերը: Նախարարը կարող է իր հասարակական խորհրդում քննարկում իրականացնել եւ ասի՝ ես հանրային քննարկում անցկացրել եմ։ Անհրաժեշտ է հանրային քննարկման ձեւաչափի հետ կապված հստակություն մտցնել»:

Իրավապաշտպանը մտահոգություն հայտնեց նաև հանրային քննարկումների ժամանակ ներկայացված առաջարկների ազդեցության մասով. «Այսինքն՝ չլինի ձեւական քննարկում։ Քննարկում հանուն քննարկման մենք արդեն անցել ենք։ Առաջարկները մերժելիս պետք է հիմնավորել մերժման պատճառը եւ ընդունելու դեպքում պետք է համապատասխան լրացումներ կատարվեն։ Այսինքն՝ ապահովվի բովանդակային մասնակցություն, ոչ թե գլխաքանակ»:

Ասուլիսի շարունակությունը դիտեք այստեղ:

MC Armenia

Իրադարձությունների արխիվ
Հրապարակումների արխիվ
Միջոցառումների արխիվ
April 2019
M T W T F S S
« Sep    
1234567
891011121314
15161718192021
22232425262728
2930