«Շանթ  Հարությունյանը դատապարտվել է քաղաքական հայացքների  համար և նրա մեղադրանքը հիմնավորվել է, դատավճիռը կայացվել է բացառապես ոստիկանության աշխատակիցների ցուցմունքներով: Իրավիճակը փոխվել է, Հայաստանում թավշյա հեղափոխություն է տեղի ունեցել: Նրան անազատության մեջ պահելու անհրաժեշտություն չկա: Նրա ազատազրկման խնդիրը քաղաքական իշխանության կողմից կարևոր է»,- ասաց Հելսինկյան քաղաքացիական ասամբլեայի Վանաձորի գրասենյակի նախագահ, իրավապաշտպան Արթուր Սաքունցը:

Իրավապաշտպանի  կարծիքով՝ Շանթ Հարությունյանին ազատ արձակելու և արդարացնելու ընթացակարգը հետևյալն է՝ դատախազը մտնում է դատարան՝ քաղաքական իրավիճակի փոփոխման հիմքով քրեական հետապնդումը դադարեցնելու միջնորդությամբ: Այդ  հարցը, իրավապաշտպանի համոզմամբ, կարող էր լուծված լինել դեռ երկու ամիս առաջ:

«Շանթ Հարությունյանի ազատ արձակումը ոչ թե քաղաքական, այլ դատաիրավական ոլորտում է»,- նշեց իրավապաշտպանը:

Հիշեցնենք՝ Հարությունյանը 2014 թվականին դատապարտվել է 6 տարվա ազատազրկման, երբ 2013 թվականին ցուցարարների ու ոստիկանների միջև բախումներ եղան:

shantnews.am

Ընտրական խախտումների համար պատիժների խստացումը կարող է էապես բարելավել ընտրական գործընթացների որակը, քանի որ պատիժների թույլ լինելը նպաստում էր ընտրախախտումների ծավալմանը: Եվ այսօր իշխանությունը քաղաքական կամք ունի՝ բարեփոխելու ընտրական գործընթացը, Lragir.am-ի հետ զրույցում նման դիտարկում է անում իրավապաշտպան Արթուր Սաքունցը:

Ազգային ժողովն այսօր առաջին ընթերցմամբ ընդունել է Քրեական օրենսգրքում փոփոխություններ և լրացումներ կատարելու մասին, Քրեական դատավարության օրենսգրքում լրացում կատարելու մասին, Վարչական իրավախախտումների վերաբերյալ օրենսգրքում փոփոխություններ և լրացումներ կատարելու մասին օրենսդրական նախագծերի փաթեթը: Այս փոփոխություններով առաջին հերթին առաջարկվում է Վարչական իրավախախտումների օրենսգրքի 40-10-րդ հոդվածով նախատեսված արարքը քրեականացնել: Հոդվածը վերաբերում է հետևյալին՝ նախնական քարոզչության ժամանակ, ինչպես նաև քվեարկության նախորդ և քվեարկության օրը թեկնածուների, կուսակցությունների, դաշինքների կողմից բարեգործության անվան տակ ընտրողներին, ինչպես նաև հանրաքվեի մասնակիցներին անհատույց կամ արտոնյալ պայմաններով դրամ, սննդամթերք կամ արժեթղթեր, ապրանքներ տալը կամ խոստանալը, կամ բարեգործության հետ միաժամանակ նախընտրական քարոզչություն իրականացնելը:

Այդ արարքն այսօր էլ համարվում է անօրինական, պարզապես դրա համար նախատեսված է վարչական պատասխանատվություն՝ առավելագունը 2.5 մլն դրամ: Բայց կառավարությունը գտնում է, որ այս արարքն իր բնույթով գրեթե նման է ընտրակաշառք տալուն կամ ընտրակաշառք առաջարկելուն: Օրենսդրական նոր նախաձեռնությամբ այս արարքի համար նախատեսվում է 3-6 տարի ազատազրկում:

Փոփոխություններով առաջարկվում է քրեականացնել ոչ միայն ընտրակաշառք ստանալը կամ պահանջելը, այլ նաև այդ կաշառքի առաջարկը կամ խոստումն ընդունելը: Ընտրակաշառք ստանալու համար սահմանվում է 500.000-700.000 դրամ տուգանք կամ 1-3 տարի ազատազրկում, իսկ ընտրակաշառք տալու համար՝ 2.000.000-4.000.000 դրամ կամ 2-6 տարի ազատազրկում:

Այս փոփոխությունների հեղինակը կառավարությունն է, դրանցով նախատեսված կարգավորումները կառավարությունը մտադիր է կյանքի կոչել մինչև սեպտմբերի 23-ը՝ Երևանի ավագանու արտահերթ ընտրությունները:

Իրավապաշտպան Արթուր Սաքունցի խոսքով՝ այս փոփոխություններն իրականացվում են՝ ելնելով մեր պրակտիկայից, որն ունեցել ենք ընտրությունների ժամանակահատվածում:

«Եվ բոլոր այն մոտեցումները, թե իբր պատիժները խստացնելով՝ հնարավոր չէ պայքարել, տեղին չեն, որովհետև, ընդհակառակը, հենց պատիժների թույլ լինելն էր նպաստում ընտրախախտումների ծավալմանը: Ինչի՞ համար են այդ պատիժները խստացվում, որպեսզի ընտրությունների կազմակերպման, իրականացման հետ կապված որոշակի գործողություններ համարվեն ծանր հանցագործություն, հատկապես կաշառքների մասով, որպեսզի իրավապահ մարմինները հնարավորություն ունենան իրականացնելու օպերատիվ հետախուզական միջոցառումներ: Դրանից զրկված էին, երբ այդ հանցագործությունները չէին համարվում ծանր հանցագործություններ: Ընտրակաշառքը, որը բավական դժվար հայտնաբերվող հանցագործություն է, այդ ուղղությամբ իրավապահ մարմինները պետք է ունենան օրինական լծակներ, օպերատիվ հետախուզական միջոցառումների իրականացման հնարավորություն՝ կանխելու համար այդ հանցագործությունները», ասաց նա:

Սաքունցի խոսքով՝ պատժի խստացումը նախ և առաջ ունի կանխարգելիչ նշանակություն: «Մենք չենք հավակնում, որ ընտրությունների հետ կապված կաշառք հասկացությունը կվերանա, բայց խստացումն անպայման կունենա կանխարգելիչ նշանակություն: Եվ այն խայտառակ զանգվածային բնույթի ընտրակաշառքը, որն արձանագրվում էր նախկին ընտրությունների ժամանակ, այլևս չի լինի»,- հավելեց նա:

Բայց այս հարցում, ըստ իրավապաշտպանի, շատ կարևոր է, որ առկա է իշխանության քաղաքական կամքը: Կարող էին ընդունվել շատ լավ օրենքներ, սակայն դրանք չէին գործի, եթե չլիներ իշխանության քաղաքական կամքը:

lragir.am

Մենք չենք կարող անպատրաստ և անպատասխանատու լինել արտահերթ խորհրդարանական ընտրություններին, այս մասին այսօր Politik.am-ի հետ զրույցում ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, խոսելով ՀՀ վարչապետի հայտարարությունից , ըստ որի արտահերթ խորհրդարանական ընտրությունները տեղի կունենան մինչև 2019թ.-ի մայիս հունիս ամիսները, գնահետելով դրա ռիսկերն ու անհրաժեշտությունը:

Սաքունցը նշեց, որ չենք կարող գնալ ընտրությունների առանց անհրաժեշտ փոփոխությունների` պետք է փոփոխվի ընտրական օրենսգիրքը, պառլամենտի ձևավորման մեխանիզմը, կայուն քաղաքական մեծամասնություն եզրույթը, բոնուսային համակարգը պետք է հանվի, կլինեն սահմանադրական փոփոխությունների , ինչից հետո կլինեն ընտրություններ:

«Կարևոր է հանրության և իշխանության տրամադրությունների համընկնումը, ինչը այսօր այդպես է: Չեմ կարծում, որ ամիսներ հետո հանրությունը դեմ կլինի վերոնշված փոփոխությունների իրականացմանը:

Սրանք գործընթացներ են, որոնք անպայման պետք է տեղի ունենան, թե որքան ժամանակ այն կտևի չենք կարող ասել, չէ որ իրական մարդկանց հետ գործ ունենք , անկախ նրանց նկատմամբ վերաբերմունքից, կարող են դիմադրել և նմանատիպ տարբեր այլ հարցեր»,-ասաց Սաքունցը, շեշտելով որ հանրությունը անկախ նրանից, թե որ քաղաքական ուժը կհաղթի, չի ցանկանա որ նախկին ընտրական մեխանիզմներով գան իշխանության և դրա համար է պետք ժամանակ, որի ընթացքում կլինեն փոփոխություններ ապա ընտրություններ:

«Մենք չենք սպասելու, գործելու ենք, սա միայն իշխանության անելիքը չէ, հասարակությունը, քաղհասարակությունը, փորձագիտական շրջանակները, հակված լինելով այդ փոփոխությունների, պետք է աշխատեն այդ ուղղությամբ»,-եզրափակեց Արթուր Սաքունցը, հավելելով որ իշխանությունը միայնակ չի կարող կատարել այդ փոփոխությունները օբյեկտիվ պատճառներով, որոնցից առաջինը խորհրդարանաում ձայների 7 տոկոսին տիրապետելն է:

politik.am

Արթուր Սաքունց․ Քոչարյանին աջակցողները Õ¡Õ¾Õ¥Õ¬Õ« Õ·Õ¡Õ¿ կորուստներ կունենան վերաբերմունքի, կարծիքի, Õ«Õ´Õ«Õ»Õ« առումներով, քան՝ ձեռքբերումներScannews-ի զրուցակիցը Հելսինկյան քաղաքացիական ասամբլեայի վանաձորյան գրասենյակի ղեկավար Արթուր Սաքունցն է։

Օրերս ՄԻԵԴ քարտուղարությունը ծանուցեց, որ Սաղաթելյանն ընդդեմ Հայաստանի գործով վճիռը/որոշումը հրապարակվելու է այս ամսվա 20-ին։ Դրան զուգահեռ՝ Ռոբերտ Քոչարյանի գրասենյակի ղեկավար Վիկտոր Սողոմոնյանը լրատվամիջոցներից մեկի հետ զրույցում հայտնեց, որ Քոչարյանը մի քանի օրով մեկնում է Հայաստանից։ Դուք այս երկու իրողությունների մեջ կապ տեսնո՞ւմ եք։

Ճիշտն ասած՝ չէ, չեմ տեսնում։

Վճռի հրապարակման հետ կապված՝ հասկանալի է, որ դժվար է կանխատեսել, թե ինչ վճիռ կլինի, բայց, այնուամենայնիվ, ինչպիսի՞ վճիռ եք ակնկալում։

Ես դժվար թե կարողանամ ենթադրել, թե Եվրոպական դատարանը ինչ վճիռ կկայացնի, բայց իմ համոզմունքն ունեմ, որ Մարտի 1-ի գործով բոլոր քաղաքական հետապնդման զոհերի վերաբերյալ, որոնց գործով գանգատ է ներկայացվել Եվրոպական դատարան, առնվազն մի քանի հոդվածներով իրավունքի խախտում անպայման կարձանագրվի․ թե՛ խոսքի, կարծիքի արտահայտման ազատության, թե՛ 5-րդ հոդվածով՝ անձեռնմխելիության իրավունքի խախտման, թե՛ 6-րդ հոդվածով՝ արդարադատության իրավունքի, և թե՛ հավաքների ազատության․․․ այսինքն՝ կան մի ամբողջ շարք իրավունքներ, կան կոնվենցիայով մի շարք իրավունքներ, որոնք խախտվել են Մարտի 1-ի իրադարձությունների հետ կապված բոլոր քաղբանտարկյալների և քաղաքացիների մասով, որոնց նկատմամբ կիրառվել են ոչ միայն ոստիկանական բռնություններ, ապօրինի ձերբակալություններ, ապօրինի քրեական հետապնդումներ, ազատազրկումներ, այլ նաև, ըստ էության, խոչընդոտվել է նրանց քաղաքական և քաղաքացիական իրավունքների իրականացումը։

Իսկ Ռ․ Քոչարյանի հնարավոր վերադարձը, ըստ Ձեզ, քարոզչությո՞ւն է, թե՞ իրական սպառալիք կա դրանում։

Քոչարյանը որևէ սպառնալիք չի կարող ներկայացնել քաղաքական տեսակետից, իսկ կրիմինալ ինչ-որ գործիքներով, կրիմինալ ռեսուրսների ներգրավմամբ խժդժություններ կամ ապակայունացնող գործողություններ կատարելու առումով դատապարտված է ձախողման։

Արդյոք կա՞ ձեզ մոտ տպավորություն, որ մի շարք լրատվամիջոցներ, կարծեք թե ուղղորդված համապատասխան քարոզչությամբ են զբաղվում Քոչարյանի ուղղությամբ։

Կան, ակնհայտ կան։ Ես հիմա չեմ հիշում կոնկրետ անուններ, բայց դրանցում Ռ․ Քոչարյանի վերաբերյալ բոլոր կասկածները, օրինակ՝ հարստության վերաբերյալ, նրա կողմից կատարված հանցագործությունների վերաբերյալ, կամ նրա կողմից կատարված «բարեգործությունների»՝ որպես լավ քաղաքական գործիչ ներկայացնելու ուղղությամբ ակնհայտ ուղղորդված տեղեկատվություն տարածում են։

Ունի՞ արդյոք համակիրներ Ռ․ Քոչարյանը, ինչպես ինքն է հայտարարում ու կարծում։

Իր նմանների կողմից համակիրներ կունենա։ Չգիտեմ՝ քաղաքական դաշտից, թե կրիմինալ դաշտից, թե որ դաշտից, բայց իր արժեքային համակարգը կրողների կողմից կունենա։ Սակայն ոչ հրապարակային, որովհետև այնուամենայնիվ, Քոչարյանը չունի հանրային ընկալման այն համբավը, որ նրան աջակցողն իրեն ընդունված զգա հանրության կողմից։ Քոչարյանին աջակցողները ավելի շատ կորուստներ կունենան վերաբերմունքի, կարծիքի, իմիջի առումներով, քան ձեռքբերումներ։

scannews.am

«Մարտիկ» հիմնադրամի գործով որպես մեղադրյալ պետք Õ§ ներգրավվել Սերժ Սարգսյանին․ Սաքունց «Մարտիկ» հիմնադրամի գործով պետք է հարցաքննվեն զինծառայողներն ու սպաները, իսկ որպես մեղադրյալ պետք է ներգրավել ՀՀ նախկին նախագահ Սերժ Սարգսյանին։ Armdaily.am-ի հետ զրույցում Հելսինկյան քաղաքացիական ասամբլիայի Վանաձորի գրասենյակի ղեկավար, իրավապաշտպան Արթուր Սաքունցն ասաց, որ տեղին ու հիմնավոր է համարում քրեական գործի հարուցումը։ Նրա խոսքով՝ մտահոգիչ է, ոչ թե պաշտոնական անձանց կողմից հիմնադրամի ստեղծման փաստը, այլ կան հստակ տեղեկություններ, որ այդ անձիք չարաշահելով իրենց դիրքը՝ համալրել են հիմնադրամի եկամուտները։ Այս պատճառով պետք է ուշադրություն դարձնել երկու հանգամանքի վրա։ Առաջինը՝ հավաքված միջոցներն ի՞նչ նպատակների համար են օգտագործվել, և երկրորդը՝ ոչ պակաս կարևոր՝ ինչպե՞ս են այդ գումարները հավաքվել։ «Եթե նայենք այդ գումարների աղբյուրներին, ապա կտեսնենք, որ հիմնականում դրանք տրամադրվել են զիծառայողների կողմից։ Վերջիններս ՊՆ և նրա գլխավոր գերագույն հրամանատարի՝այս դեպքում Սերժ Սարժսյանի, ուղիղ ենթակայության տակ են գտնվել»,- ընդգծեց իրավապաշտպանը՝ ուշադրություն հրավիրելով նախ պաշտոնական դիրքի չարաշահման, ապա այդ միջոցների նպատակին օգտագործման հետ կապված հարցերի վրա։ «Հավաքագրումը կամավորականության հիմունքներով չի եղել՝ մարդիկ վճարել են պարտադրված»,- նշեց նա։

Սաքունցի կարծիքով՝ «Մարտիկ»-ի նախագահի դեմ քրեական գործ պետք է հարուցվեր դեռևս 2016 թվականի ապրիլյան պատերազմից հետո։ Հիմնադրամի կանոնադրության մեջ նշված էին կարևոր խնդիրներ՝ զինծառայողների սոցիալական, առողջապահական աջակցություն, ինչպես նաև վիրավորվածներին ու մահացածների ընտանիքներին օգնության տրամադրում։ Եթե կա հիմնադրամ, ինչու՞ պատերազմի մասնակիցները, զիվորական ծառայության ընթացում տարբեր խնդիրներ ունեցածները կամ ժամկետից շուտ զորացրվածները պատշաճ օգնություն չեն ստացել։ «Թավշյա հեղափոխությունից հետո, երբ գործադիր իշխանությունը սկսեց հակակոռուպցիոն միջոցառումների քաղքականությունը՝ կարևոր օղակներից մեկը «Մարտիկ» հիմնադրամն էր»,- ասաց նա։

Սաքունցը նշեց նաև՝ երբ 2011 թվականին Հելսինկյան ասամբլեայի Վանաձորի գրասենյակը դատի էր տվել «Մարտիկ»-ին և Արդարադատության նախարարությանը, նշելով տեղեկատվություն ստանալու ՀՀ քաղաքացիների իրավունքի խախտումներ ու պահանջելով, որ նախարարությունը պատասխանի, թե ի՞նչ գործունեություն է իրականացրել հիմնադրամը՝ նախարարությունը պատասխանել էր, որ չունի նման տեղեկություններ՝ չնայած պարտավոր էր։ Իրավապաշտպանի խոսքով՝ առաջին ատյանի, վերաքննիչ ու վճռաբեկ դատարանները ևս չեն բավարարել իրենց՝ լրիվ օրինակ պահանջը։ Իսկ ֆինանսական հաշվետվությունների վերաբերյալ տեղեկություն պահանջել էին, քանի որ հիմնադրամի հիմնադիրներն այդ տարիների ՊՆ նախարար Սերժ Սարգսյանն ու նրա առաջին տեղակալը՝ Արթուր Աղաբեկյանն էր, ինչը հիմք էր մտածելու և պնդելու, որ դա կոռուպցիոն ռիսկեր է պարունակում։

«Մինչ այդ, երբ այս հարցը բարձրացնում էինք, քչերն էին ուշադրություն դարձնում՝ մեկ-երկու լրատվամիջոց, իսկ 2016 թվականի ապրիլից հետո, երբ Արթուր Աղաբեկյանը հայտարարեց, որ այնտեղ 1 միլոն 200 հազար դոլարի չափ գումար կա և հիմնադրամն ունի ութ հոգի անձնակազմ, որոնք վարձատրվում էին «Մարտիկի» միջոցներով՝ շատ ավելի մեծ աղմուկ բարձրացավ»,-ավելացրեց իրավապաշտպանը։

Սաքունցը տարօրինակ է համարում նաև Արցախի նախկին վարչապետ Արայիկ Հարությունյանի այն հայտարարությունը, որ իրենք պատրաստ են վճարել այն գումարը, որի մասին խոսվում է, ինչը ուղղակի վկայություն է, որ իրոք ինչ-որ գումարներ մսխվել են, և հիմա փորձում են փոխհատուցման միջոցով քրեական հետապնդումից ազատել Արթուր Աղաբեկյանին։

Նշենք, որ օգոստոսի 29-ին մինչդատական վարույթում ձեռք բերված ապացույցների հիման վրա՝ Արթուր Աղաբեկյանին մեղադրանք է առաջադրվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ առանձնապես խոշոր չափերով վատնում։ Նրա նկատմամբ որպես խափանման միջոց է ընտրվել ստորագրություն՝ չհեռանալու մասին։ Առերևույթ չարաշահումներն արձանագրվել են 2012-2016թթ. ընթացքում, որոնց հետևանքով՝ վատնման եղանակով հիմնադրամին պատկանող միջոցներից հափշտակվել է, նախնական գնահատականով, 54.083.860 մլն ՀՀ դրամ։ Քրեական գործով պարզվել է, որ նշված ժամանակահատվածում հիմնադրամի հոգաբարձուների խորհրդի նախագահ է հանդիսացել Արթուր Աղաբեկյանը, ով ունեցել է հիմնադրամի աշխատակազմի գործունեությունն անմիջականորեն ղեկավարելու իրավասություն և փաստացի միանձնյա տնօրինել հիմնադրամի գույքը։ Բավարար տվյալներ են ձեռք բերվել նաև առ այն, որ հիմնադրամի միջոցների մի մասը ծախսվել են այն հանգստյան գոտու ռեստորանում, հյուրասիրությունների կազմակերպման համար, որի բաժնետոմսերի 40 տոկոսը պատկանել է Արթուր Աղաբեկյանին։

Նշենք, որ «Մարտիկ» հիմնադրամում առերևույթ չարաշահումների դեպքի առթիվ քրեական գործը հարուցվել է՝ Երևանի ավագանու «Ելք» խմբակցության անդամ Անահիտ Բախշյանի դիմումի հիման վրա, 2018 թվականի հուլիս ամսին։ Արթուր Աղաբեկյանը նույն օրն արձագանքել է իրեն առաջադրված մեղադրանքի վերաբերյալ՝ նշելով, չընդունելով մեղադրանքը կշարունակի համագործակցել քննչական մարմինների հետ։ Նախաքննությունը շարունակվում է։

armdaily.am

Մեր զրուցակիցն է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը

 Պարոն Սաքունց, վերջին մեկ շաբաթվա զարգացումները ինչպե՞ս եք գնահատում։ Մասնավորապես Ռոբերտ Քոչարյանը հայտարարել է, որ մասնակցելու է խորհրդարանական ընտրություններին։ Դրան հաջորդեց Պուտինի շնորհավորանքը Քոչարյանին։ Ռուսաստանն արդեն ուղղակիորեն աջակցությո՞ւն է հայտնում Քոչարյանին։

Չնայած հանրության շրջանում նոր կառավարության դիրքորոշումների վերաբերյալ բազմաթիվ դժգոհություններին, հատկապես Ռուսաստանի հետ հարաբերությունների առումով, երբ քննադատում են, որ Նիկոլ Փաշինյանը շատ ավելի փորձում է կառուցողական կամ բարեկամական մոտեցումներ ցուցաբերել ՌԴ իշխանությունների նկատմամբ, գոնե ես մշտապես ասել եմ, որ այն քաղաքականությունը, որն իրականացվում է Հայաստանի ներսում՝ կոռուպցիայի դեմ պայքար, անպատժելիության վերացում, մարդու իրավունքների պաշտպանություն, օրենքի առջև բոլորի հավասարության ապահովում, ընդհանրապես ժողովրդավարական և իրավական այն գործընթացները, որոնք հիմա իրականացվում են, դա չէր կարող գոհացնել կամ չէր կարող ողջունվել Կրեմլի կողմից։ Իհարկե, Հայաստանի նոր իշխանությունները ևս  գիտակցում են, որ իրենց գործողությունների բովանդակությունը, բնույթը և Կրեմլի քաղաքականության բնույթը իրար հետ ոչ մի ընդհանրություն չունեն։ Հետևաբար, նրանք փորձում են, որ որևէ առիթ չտան, որ Կրեմլը որևէ կոշտ միջամտություն թույլ տա Հայաստանի ներքաղաքական զարգացումների վրա։

Այս տեսակետից, կարծես թե առաջին առիթը, որը ստացավ Կրեմլը, «Մարտի 1»-ի փաստով քրեական գործի հարուցումն էր՝ սահմանադրական կարգը զինված ուժերի ներգրավմամբ տապալելու հիմքով։ Դրա շրջանակներում մեղադրանքներ առաջադրվեցին այդ ժամանակվա նախագահի պաշտոնը զբաղեցրած Ռոբերտ Քոչարյանին, 0038 գաղտնի հրամանով զինված ստորաբաժանման ղեկավար Յուրի Խաչատուրովին և պաշտպանության նախարար Միքայել Հարությունյանին և, կարծում եմ մեղադրանքներ կառաջադրվեն նաև գլխավոր շտաբի այդ ժամանակվա պետ Սեյրան Օհանյանին և շատ այլ պաշտոնատար անձանց։ Հիմա այդ քրեական գործից, որը մեծ քաղաքական նշանակություն ունի Հայաստանի համար, անհանգստացավ ՌԴ իշխանությունը և առաջին քայլը, որ նրանք արտահայտեցին, եղավ Յուրի Խաչատուրովը, քանի որ նա ՀԱՊԿ գլխավոր քարտուղարն է։ Ես կարծում եմ, որ, այնուամենայնիվ, Ռուսաստանը չի համարձակվի Ռոբերտ Քոչարյանին որպես միջամտության գործիք օգտագործի Հայաստանի ներքաղաքական իրադարձությունները, զարգացումները կասեցնելու կամ խոչընդոտելու համար։ Որովհետև «Մարտի 1»-ի հանցագործության մեջ, ես վստահեցնում եմ՝ եթե նախաքննությունն ընթանա օրինականության սահմաններում, բոլոր հանգամանքները վեր հանելով, ապա մենք կունենանք բավարար հիմքեր պնդելու ՌԴ ներկայացուցիչների, հատուկ ծառայությունների անմիջական մասնակցության մասին։ Ես սա ասում եմ ոչ թե որպես ենթադրություն, այլ ասում եմ ականատեսների հաղորդած տվյալներ։ Օգտվելով առիթից, ես հորդորում եմ, որ այն մարդը կամ այն մարդիկ, որոնք «Մարտի 1»-ի իրադարձությունների ժամանակ գտնվել են ՀՀԿ շտաբում և անվտանգության ապահովման գործառույթներ են իրականացրել, և դրանք եղել են ռազմական ոստիկանության աշխատակիցներ, բարի լինեն և սեփական կամքով հանդես գան համապատասխան ցուցմունքներով։

Այնպես որ ես կարծում եմ, որ Ռուսաստանը, չնայած իր մեծ ցանկությանը, ներկա պայմաններում որևէ միջամտություն կատարելու հիմքեր չունի, բայց հիմքեր կարող են դրվել միայն մի դեպքում, եթե տեսնի, որ ներկա իշխանությունը առաջին հերթին թույլ է տալիս այնպիսի ձախողումներ կամ սխալներ, որն առաջ է բերում հանրության դժգոհությունը։ Այսինքն երբ ներկա կառավարությունը կորցնի իր վստահությունը Հայաստանի ժողովրդի մոտ, ապա ինքն էլ ավելի կփորձի խորացնել այդ անվստահությունը տարբեր գործիքներով՝ քարոզչական գործիքներով, ագենտուրայի միջոցով տարբեր թեմաների բարձրացմամբ և այլն։ Դեռ որ Կրեմլը գիտակցում է, որ այնպիսի անվերապահ  աջակցություն ունի նոր կառավարությունը, որ Քոչարյան չէ, ով էլ լինի, ուղղակի հրապարակավ դեմ առ դեմ դուրս է գալու Հայաստանի հասարակության դեմ։ Ռուսաստանը չէր ուզենա կորցնել առանց այն էլ 2016 թվականի ապրիլյան պատերազմի ժամանակ սասանված իր պատկերը։ Բայց այն, որ նա կփորձի հենման կետեր ստեղծել Հայաստանում և հիմա այդ հենման կետերի փնտրտուքի մեջ է, ես դրանում չեմ կասկածում։

Ովքե՞ր կարող են նրա հենման կետերը լինել. իհարկե, նախկին կոռումպացված իշխանության ներկայացուցիչները, որոնք գույք պարտքի դիմաց, կամ միասնական հայ-ռուսական զորամիավորման, կամ Հայաստանում ռուսական ռազմակայանի գտնվելու ժամկետի երկարացման վերաբերյալ որոշումներ են կայացրել։ Այսինքն, իրենց բովանդակությամբ կոռուպցիոն, քրեական շրջանակներից կարող են լինել իր հենման կետերը։ Այդպիսի շրջանակներից դուրս այլ հենման կետ ունենալու պոտենցիալ հնարավորություն Ռուսաստանը չունի։

Ռոբերտ Քոչարյանը հայտարարել է, որ մասնակցելու է խորհրդարանական ընտրություններին։ Որքանո՞վ նա կարող է հաջողել՝ հաշվի առնելով, որ Հայաստանում քիչ չեն այդ քրեաօլիգարխիկ, քրեական տարրերը, որոնք ընտրություններին շատ մեծ դերակատարություն են ունեցել, ամեն մեկն իր թաղում, համայնքում։

Ռոբերտ Քոչարյանի հայտարարությունը, թե ինքը կարող է լինել քաղաքական կոնսոլիդացնող կենտրոն, ցույց է տալիս, որ իրենք ընդունել են իրենց կարգավիճակը, որ իրենք արդեն ընդդիմություն են, քանի որ նա չի ասում իշխանության կենտրոն։ Զուտ իրավական տեսակետից դա հիմնավոր է, որովհետև այդ իրավունքն ունի, քանի դեռ նրա նկատմամբ դատարանի ուժի մեջ մտած որոշում չկա։ Բայց բովանդակային տեսակետից դա որևէ հիմք չունի, որովհետև ակնհայտ է, որ նոր իշխանության հակակոռուպցիոն գործողությունները որևէ հնարավորություն չեն տալու կոռումպացված, կրիմինալ արժեքային համակարգով և ռեսուրսներով քաղաքական շղարշով որևէ մեկը դերակատարում ունենա Հայաստանի ներքաղաքական կյանքում։ Այն բոլոր քաղաքական ուժերը, որոնք իրենց գոյությամբ վերացրել ու ոչնչացրել են քաղաքական համակարգը, որևէ անելիք չեն կարող ունենալ նոր քաղաքական համակարգում։ Դա հակասում է ցանկացած ողջամիտ տրամաբանությանը։ Դու չես կարող որպես քաղաքական համակարգը ոչնչացնող ուժ հանդես գալ նոր ձևավորվող քաղաքական համակարգում։ Գուցե նպատակը նոր ձևավորվելիք քաղաքական համակարգի ոչնչացո՞ւմն է։ Ես սա ահամարում եմ որպես դիմադրություն հանուն գոյության, հանուն կոռուպցիայի, հանուն հին համակարգի գոյության։ Բայց Հայաստանում այլևս կրիմինալը քաղաքական նշանակություն չի ունենալու, որի հետ խոսակցությունը լինելու է միայն օրենսդրական նորմերի կատարման շուրջ։ Քաղաքական երկխոսություն կրիմինալի հետ այլևս չի լինելու։ Պետական ահաբեկչություն իրականացրածների հետ, որոնք որպես պատանդ վերցրին ամբողջ ժողովրդին, երկխոսություն չի կարող լինել։ Նրանց հետ լինելու է միայն արդարադատության լեզվով խոսելը։

Ռոբերտ  Քոչարյանը, բացի արդարադատությունից, որևէ այլ հույս թող չունենա, ինչպես նաեւ նրան որպես բյուրեղացման կենտրոն համարողները, կամ նրա շուրջ հավաքվողները։ Սա միանշանակ է։ Կարո՞ղ են խոչընդոտներ ստեղծել, այո, կարող են, բայց դրանք կլինեն զուտ կրիմինալ խոչընդոտներ, ոչ թե քաղաքական։ Կարո՞ղ է արդյոք որևէ դրսի ուժ կրիմինալ գործոնները որպես քաղաքական նպատակ օգտագործել։ Դա մահ կլինի նաև այդ դրսի ուժերի համար, այսինքն նաև Կրեմլի համար։ Այնուամենայնիվ, Կրեմլը քաղաքական հագուստով էակներ է փնտրում, թեկուզ բովանդակությամբ կրիմինալ լինելով, որպեսզի նրան քաղաքական գործիք օգտագործի։ Մեր երկրում այլևս կրիմինալ էակները քաղաքականազերծված են, մերկացված են քաղաքական հագուստից։ Նրանք ավելի շատ զոլավոր հագուստի հավակնություն կարող են ունենալ։ Նորից կրկնեմ՝ Ռոբերտ Քոչարյանը չի վտանգավոր, և վտանգավոր էլ չի կարող լինել անգամ իր ունեցած հարստությամբ, այլ միայն կարող են լուրջ մտահոգություն լինել իշխանության քաղաքականության թույլ տված հնարավոր սխալները և բացթողումները, որոնք կարող են լրջորեն շահարկվել։

Այսօր ՀՀ օրենսդրությունը արտահերթ խորհրդարանական ընտրությունների համար հնարավորություններ գրեթե չի տալիս։ Անընդհատ ձգձգումը և անորոշությունը արտահերթ ընտրությունների ժամկետների հետ կապված արդյոք ավելի չի՞ բարդացնում հեղափոխության երկրորդ փուլը։

Հայաստանի թավշյա հեղափոխությունն ունեցել է բացառիկ օրինական բնույթ։ Ամեն ինչ արվել է օրինականության և իրավական բոլոր նորմերը պահպանելու հիման վրա։ Այդպես էլ տրամաբանությունը պետք է լինի։ Սա այն դասական հեղափոխությունները չեն, որոնք արյունով ու սրով իրականացվել են և  առանց դատ ու դատաստանի որոշումներ են կայացվել։ Ի վերջո, պետք է հիշել, որ Հայաստանը Եվրոպայի Խորհրդի անդամ է, քաղաքակիրթ աշխարհի տարբեր կառույցների անդամ է, այնպես որ, մեր հետագա քայլերը բացառապես պետք է տեղավորվեն օրինականության և օրենքների սահմաններում։ Դուր է գալիս, թե դուր չի գալիս, դրանից դուրս ցանկացած կացնային որոշումները կամ քայլերը կլինեն առաջին հերթին թավշյա հեղափոխության ձախողում։ Այն, որ Սահմանադրությունն իրապես չի տալիս արդյունավետ որոշումներ՝ շարունակությունն ապահովելու համար, փաստ է։ Ովքեր գտնում են, որ այս պահին Սահմանադրությանը պետք է ամբողջությամբ, անվերապահ ենթարկվել, նշանակում է՝ իրենք ընդունում են, որ այս Սահմանադրությունը ինքն արդեն լուծումներ չտվող է, որովհետև այն ԱԺ արտահերթ ընտրությունների խնդիր չի լուծում։ Սահմանադրությունը ձևավորված է եղել մեկ անձի և մեկ կուսակցության իշխանությունը ապահովելու համար։ Դրա համար, իհարկե, պետք է սահմանադրական փոփոխություններ կատարել։ Բայց սա ոչ թե այն նույն նպատակով սահմանադրական փոփոխություններն են, որոնք նախորդ անգամները եղել են՝ 2005-ին և 2015-ին։ Այս դեպքում սահմանադրական առաջարկվող փոփոխությունների նպատակը ժողովրդավարական և իրավական փոփոխությունների ապահովումն է, որի գլխավոր քայլը պետք է լինեն արտահերթ խորհրդարանական ընտրությունները։

Հիմնավորումները կամ քաղաքական և բոլոր տեսակի ռեսուրսները առավել քան կհզորանան Երևանի ավագանու ընտրություններից հետո։ Դա կլինի առաջին ընտրությունը հեղափոխությունից հետո, երբ դա կլինի փոքր մակետը քաղաքական խճանկարի։ Չեմ կասկածում, որ այդ ընտրությունները լինելու են բացառիկ ազատ ու արդար, և մենք դիտորդություն ենք իրականացնելու, որի արդյունքների ամրապնդումից հետո նոր իշխանության ռեսուրսներն ու փաստարկները սահմանադրական փոփոխություններ կատարելու, որոնք կապահովեն ԱԺ արտահերթ ընտրություններ, ավելի հզորանալու են։ Ի վերջո, մենք այս 30 տարիների ընթացքում անընդհատ գտնվել ենք հետխորհրդային պետության վիճակում։ Թավշյա հեղափոխությունից հետո Հայաստանն առաջին անգամ քայլ է կատարում հետխորհրդային պետության վիճակից ժողովրդավարական պետության վիճակի։

Սահմանադրական փոփոխություններն իրենց բովանդակությամբ բոլորովին նոր տրամաբանություն ու նշանակություն ունեն։ Սա հերթական փոփոխությունները չեն, սա, ըստ էության, նոր ժողովրդավարական, ինքնիշխան, իրավական ու սոցիալական Հայաստանի Սահմանադրությունը պետք է լինի։ Նախորդ  բոլոր Սահմանադրությունները եղել են հետխորհրդային պետության Սահմանադրություններ։ Բոլոր այն մարդիկ, որոնք կփորձեն խոսել սահմանադրական փոփոխությունների դեմ, նրանք փորձում են Հայաստանը պահել հետխորհրդային պետության կարգավիճակում։ Հետխորհրդային պետությունից դուրս գալու խնդիրը պետք է հասկացվի։ Սա իշխանության սովորական փոփոխություն չէ։ Հեղափոխության բուն իմաստը դա է։ Բալթյան երկրները դուրս պրծան հետխորհրդային պետության կարգավիճակից, մենք 30 տարի հետո նոր ենք դուրս գալիս։ Եվ այս սահմանադրական փոփոխությունները բոլորովին նոր տրամաբանությունն ունեն, սրանք հերթական փոփոխությունները չեն, սա ինքնիշխան, սոցիալական Հայաստանի Սահմանադրությունն է լինելու։

lragir.am

««Մարտիկ» հիմնադրամի քրեական գործի շրջանակում մեղադրանք պետք Õ§ առաջադրվի նախևառաջ հենց Սերժ Սարգսյանին». չարաշահումների գործովԱնահիտ Բախշյանը, ով տարիներ շարունակ պայքարում էր, փորձելով երևան բերել «Մարտիկ» հիմնադրամումհայտնաբերած չարաշահումները՝ բազմաթիվ հայտարարություններ անելով և տարբեր ատյանների դռներ թակելով, «Մեդիալաբի» հետ զրույցում նշեց, որ այսօր ի վերջո արդյունք կա։

«Արթուր Աղաբեկյանը պետք է պատասխան տա,- ասաց նա, հավելելով, որ իր կարծիքով հիմնադրամում չարաշահումներն անհամեմատ ավելին են,- երկու տարի հարցը բարձրաձայնելուց հետո վերջապես կա փոփոխություն»։

Երկու տարի առաջ Անահիտ Բախշյանն այս խնդրով դիմել էր Սերժ Սարգսյանին և պատկան մարմիններին, սակայն որևէ պատասխան չի եղել՝ ձայն բարբառո հանապատի, հեղափոխությունից հետո նորից է դիմել արդեն նոր իշխանությանը: «Մարդիկ աշխատեցին, և արդյունքն այսօր կա»,- «Մեդիալաբին» ասում է Անահիտ Բախշյանը։

Հիշեցնենք, որ «Մարտիկ» հիմնադրամի՝ առանձնապես խոշոր չափերի գումարները վատնման եղանակով հափշտակելու համար մեղադրանք է առաջադրվել Արցախի հերոս Արթուր Աղաբեկյանին:

Ըստ քննչական կոմիտեի հաղորդագրության՝ հիմնադրամում առերևույթ չարաշահումների դեպքի առթիվ քրեական գործը հարուցվել է Երևանի ավագանու «Ելք» խմբակցության անդամ Անահիտ Բախշյանի դիմումի հիման վրա՝ 2018 թվականի հուլիս ամսին։

«Առերևույթ չարաշահումներն արձանագրվել են 2012-2016 թթ. ընթացքում, որոնց հետևանքով՝ վատնման եղանակով հիմնադրամին պատկանող միջոցներից հափշտակվել է, նախնական գնահատականով, 54.083.860 մլն ՀՀ դրամ»,- նշված է հաղորդագրության մեջ։

Քրեական գործով պարզվել է, որ նշված ժամանակահատվածում հիմնադրամի հոգաբարձուների խորհրդի նախագահ է եղել Արթուր Աղաբեկյանը, ով ունեցել է հիմնադրամի աշխատակազմի գործունեությունն անմիջականորեն ղեկավարելու իրավասություն և փաստացի միանձնյա տնօրինել է հիմնադրամի գույքը։

«Բավարար տվյալներ են ձեռք բերվել նաև առ այն, որ հիմնադրամի միջոցների մի մասը ծախսվել է այն հանգստյան գոտու ռեստորանում հյուրասիրությունների կազմակերպման համար, որի բաժնետոմսերի 40 տոկոսը պատկանել է Արթուր Աղաբեկյանին»,- նշված է պաշտոնական հաղորդագրության մեջ։

Արթուր Աղաբեկյանն արդեն իսկ արձագանքել է նոր զարգացումներին, նշելով, թե չի ընդունում մեղադրանքը։

«Չընդունելով մեղադրանքը՝ շարունակելու եմ համագործակցել քննչական մարմինների հետ։ Խոստանում եմ պարբերաբար իմ իրավասության շրջանակում այս մասին տեղեկացնել իմ հեղինակությամբ և «Մարտիկ» հիմնադրամի ապագայով մտահոգվող ընկերներիս և բարեկամներիս»,- ֆեյսբուքյան իր էջում նշել է Աղաբեկյանը։

Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը «Մեդիալաբի» հետ զրույցում նշեց, որ «Մարտիկ» հիմնադրամի չարաշահումների մասին շատ ավելի վաղ են բարձրաձայնել, այն ժամանակ, երբ Սերժ Սարգսյանը դեռ պաշտպանության նախարար էր, սակայն որևէ հաշվետվություն այն ժամանակ չի ներկայացվել։ Եվ հիմա տրամաբանական է համարում «Մարտիկ» հիմնադրամի կողմից գումարների տնօրինման փաստի հիման վրա քրգործ հարուցելը։

Սաքունցը նշում է, որ դեռևս նախորդ իշխանություններից՝ արդարադատության նախարար Դավիթ Հարությունյանից պահանջում էին տրամադրել «Մարտիկ» հիմնադրամի ֆինանսական հաշվետվության օրինակներ։ Նա նշում է, որ «Հիմնադրամների մասին» ՀՀ օրենքի համաձայն, նրանք պետք է ամեն տարի հրապարակեն հաշվետվություններ, սակայն «Մարտիկի» հաշվետվությունն այդպես էլ հասանելի չի եղել։ Իրավապաշտպանը նշում է, որ արդարադատության նախարարությունը հիմնադրամի հաշվետվությունն այդպես էլ չէր տրամադրել իրենց։

«Մենք մտանք դատական ատյաններ, մինչև Վճռաբեկ դատարան, սակայն մեզ այդպես էլ չհաջողվեց այդ հաշվետվությունները ստանալ։ Եվ արդեն այն ժամանակ մենք հիմքեր ունեինք պնդելու, որ այս հիմնադրամում զինծառայողներից, հատկապես սպաներից գումարների հավաքագրման կոռուպցիոն մեխանիզմ է գործում։ Եվ մեր ունեցած տեղեկություններով եղել է, որ սպաների աշխատավարձերից ամեն տարի գումարներ են պահվել, եղել են նաև, որ պարտադրել են ԶՈՒ զինանշանով պատկերներ տպել և պարտադիր իրացրել։ Բոլոր զինծառայողներին ստիպում էին գնել»,- «Մեդիալաբին» ասում է Արթուր Սաքունցը։

Նա նշում է, որ «Մարտիկ» հիմնադրամի հետ կապված աղմուկը բավական մեծ թափ ստացավ ապրիլյան պատերազմի ժամանակ, երբ պատերազմի գործողությունների ժամանակահատվածում բացահայտված բազմաթիվ խնդիրների հետ կապված հասարակական ճնշմամբ հիմնադրամի ներկայացուցիչը՝ Արթուր Աղաբեկյանը, հայտարարեց հիմնադրամում առկա միջոցների մասին։ Ի դեպ, հիմնադրամի հիմնադիրներն են եղել պաշտպանության նախարար Սերժ Սարգսյանը, պաշտպանության նախարարի առաջին տեղակալ Արթուր Աղաբեկյանը։

Նրա կարծիքով՝ այս քրգործում միայն Արթուր Աղաբեկյանին չպետք է ներգրավել և նրանով չպետք է սահմանափակվել, այլ առաջին հերթին հենց Սերժ Սարգսյանը պետք է պատասխանատվության կանչվի որպես այն ժամանակ պաշտպանության նախարար։

«Մարտիկ» հիմնադրամի քրեական գործի շրջանակում մեղադրանք պետք է առաջադրվի նախևառաջ հենց Սերժ Սարգսյանին, այլապես կստացվի, որ սա ընտրողական արդարադատություն է»,- նշում է իրավապաշտպանը։

medialab.am

Պարոն գլխավոր դատախազ,

Քաջություն ունեցեք, և միջնորդությամբ հանդես եկեք դատարանում, Շանթ Հարությունյանին և նրա ընկերներին անմեղ ճանաչելու հարցով։

Շանթ Հարությունյանը քաղբանտարկյալ է, և մեր ներկայիս Հայաստանում չպետք է լինի գեթ մեկ քաղաքական բանտարկյալ։

Դա պոպուլիզմ չի, այլ արդարադատության վերականգնում։

Հարգանքներով

Ա.Սաքունց

«Ռ․ Քոչարյանի խոստովանությունները ռուսական НТВ-ով»․ Արթուր ՍաքունցՌ․ Քոչարյանի խոստովանությունները ռուսական НТВ-ով․․․

Ռուսական НТВ-ով Ռ․Քոչարյանը մի շատ կարևոր խոստովանություն արեց, որը բացահայտում է նրա պատկերացումները պետության և նրանում իր՝ որպես նախագահի լիազորությունները կատարած անձի մասին։

Роберт Кочарян: “Мне предъявлено обвинение в свержении конституционного строя. Представляете? Президент, как гарант конституции занимающий эту должность, оказывается, сверг сам себя…”

Սա է իր խոսքի բուն էությունը։

Ռ․Քոչարյանը գտնում է, որ սահմանադրական կարգը հենց ինքն է՝ որպես նախագահ, և ինքն իրեն չէր կարող տապալել։

Այս մարդը մինչև հիմա այդպես էլ չի կարդացել կամ չի հասկացել ՀՀ Սահմանադրությունը և հատկապես Սահմանադրության առաջին գլուխը։

Չի հասկացել, որ ՀՀ Սահմանադրական կարգ ասածն այդ բոլոր հիմունքների ամբողջությունն է։

Չի հասկացել, որ նախագահի լիազորությունները տրված են եղել սահմանադրական կարգի հիմունքների ապահովման համար, հենց նախագահը պետք է հանդիսանա սահմանադրական կարգը կազմող հիմունքների երաշխավորը։

Ռ․Քոչարյանն, ըստ էության, նաև բացահայտում է նախագահի անձեռնմխելության մասին իր պատկերացումները՝ նույնականացնելով այն սահմանադրական կարգի պահպանության հետ։

Ռ․Քոչարյանը հրապարակավ խոստովանում է, որ իր պատկերացմամբ սահմանադրական կարգի ապահովման երաշխավորը՝ նախագահն ինքն է հանդիսանում սահմանադրական կարգը։ Եվ դրա համար է զարմանում, թե ինչպես կարող է ինքն իրեն տապալել՝ “сверг сам себя”։

Ծանոթ պատկեր է, չէ՞․ Լյուդովիկ XIV՝ «պետությունը ես եմ»։

Ռ․Քոչարյանը, այսպիսով, հայտարարելով, որ սահմանադրական կարգ ասածը հենց նախագահի պաշտոնի ինստիտուտն է, սրանով, ակամայից, խոստովանում է, որ յուրացրել է, զավթել է սահմանադրական կարգը։

Դե այսպիսին է եղել և այդպիսին է այդ մարդու պատկերացումները սահմանադրական կարգի մասին, որի համաձայն էլ գործել է, հրամաններ է արձակել, կառավարել է ի վերջո, որը, որպես ճամպրուկ, հանձնել է Սերժ Սարգսյանին։

Բանից պարզվում է, նաև, որ ակնկալել է, որ 2018-ին Սերժ Սարգսյանից պետք է ետ ստանար «իր հանձնած ճամպրուկը», բայց Սերժ Սարգսյանի նախաձեռնած սահմանադրական փոփոխությունները խանգարեցին այդ փոխանցմանը, որի համար էլ ժամանակին դժգոհություն էր արտահայտել։

Կարճ ասած, այս մարդը իր ճամպրուկը ետ է ուզում, ամեն գնով։

Բայց մեկը հարցնող լինի, «տո դուք ճամպրուկ ունեիք, որ իբր հանձնել էիք մեկդ մյուսին ու հիմա էլ իրար միս եք ուտում, թե բա ետ տվեք»։

Դե իսկ մի ամբողջ ժողովուրդ, ըստ այդ մարդկանց պատկերացումների, իրենցից խլել են, եթե չասենք գողացել են։

Պատկերացնում եք, չէ, սրանց մտքի ցինիկության աստիճանը․․․

mamul.am

Շինարարություն Վանաձորի «Արցախ» պուրակում, արխիվ Վանաձորի քաղաքապետը գրավոր պահանջ է ստացել մշակույթի փոխնախարարից՝ դադարեցնել «Արցախ» պուրակում մանկական զբաղվածության կենտրոնի՝ գրեթե ավարտված շինարարությունը, պատճառաբանությամբ, որ նախագծային փաստաթղթերը, օրենքով սահմանված կարգով, չեն համաձայնեցվել նախարարության հետ:

Դեռ անցած տարեվերջին «Գ. և Մ.» ընկերությունը Վանաձորի քաղաքապետարանից թույլտվություն էր ստացել՝ ղարաբաղյան շարժման խորհրդանիշ և պատմական հուշարձան համարվող տարածքում մանկական զբաղվածության կենտրոնի երկհարկանի շենք կառուցելու համար։ Մասնագիտությամբ իրավաբան, քաղաքապետ Մամիկոն Ասլանյանն ասում է՝ համայնքապետարանը չի կարող միջամտել ընկերության՝ 10 տարի առաջ սեփականացրած տարածքում շինարարություն իրականացնելու իրավունքին։

«Մշակույթի նախարարությունը, ով որ գրությունն ուղարկում է, պիտի հաշվի առնի՝ էս փուլում օրինական բոլոր գործընթացները համադրելիս քաղաքապետարանն ի՞նչ լիազորություն ունի մարդու շինարարությունը դադարեցնելու»,- ասում է Ասլանյանը։

2006 թվականին կառավարության որոշմամբ՝ պետական սեփականություն և պատմական հուշարձան հանդիսացող «Արցախ» պուրակը հանձնվել է համայնքին։ Մեկ տարի անց, 2007 թվականին, նախկին քաղաքապետ Սամվել Դարբինյանը միանձնյա որոշել է պուրակի երկու հատվածները վաճառել «Կինոթատրոն Մոսկվա» և «Գ. և Մ» ընկերություններին։ Ներկայիս քաղաքապետն էլ անցյալ տարի պատմական հուշարձանի սեփականատեր դարձած «Գ. և Մ.» ընկերությանը մանկական զբաղվածության կենտրոն կառուցելու թույլտվություն է տվել։

Մշակույթի նախարարության պատմության և մշակույթի հուշարձանների պահպանության գործակալության պետ Արմեն Աբրոյանն ասում է՝ հուշարձան համարվող տարածքը չի կորցնում իր նշանակությունն անգամ օտարման դեպքում։ «Որևէ օտարման գործառույթ չի կարող ազդել իր կարգավիճակի վրա․ այսինքն՝ դա կտրվի համայնքին, դա կտրվի որևէ ՍՊԸ-ի կամ որևէ անձի, օգտագործման իրավունքով կտրվի, թե սեփականության իրավունքով»,- ասում է Աբրոյանը։

Ըստ նրա՝ պատմական հուշարձանի կարգավիճակը փոխելու մասին հարցը կարող է քննարկվել միայն նրա ոչնչացման դեպքում, իսկ շինարարության թույլտվություն համայնքապետարանը կարող է տալ բացառապես մշակույթի նախարարության համաձայնությամբ։ Աբրոյանն ընդգծում է՝ այդ գործառույթը նախարարությունում վերապահված է իր ղեկավարած գործակալությանը, մինչդեռ գործակալությունը երբևէ Վանաձորի «Արցախ» պուրակում շինարարություն իրականացնելու համաձայնություն չի տվել։

Վանաձորի քաղաքապետարանի ճարտարապետության և քաղաքաշինության բաժնի պետ Սուրեն Աբովյանը քաղաքապետարանի կողմից «Գ. և Մ.»-ին շինարարական թույլտվություն տալու հետ կապված մշակույթի նախարարության համաձայնությունը թեև ձեռք տակ չունի, բայց ցույց է տալիս մեկ այլ փաստաթուղթ, ըստ որի՝ շինթույլտվության տրամադրումից երեք տարի առաջ նաև ինքը՝ Արմեն Աբրոյանն է ստորագրել Վանաձորի գլխավոր հատակագծի տակ։

«Մշակույթի նախարարության համաձայնություն ես կարող եմ համարել նաև 2014-ին վարչապետի հրամանով ստեղծված միջգերատեսչական հանձնաժողովի՝ գլխավոր հատակագծին տրված դրական եզրակացությունը»,- ասում է Սուրեն Աբովյանը, հավելելով՝ փաստաթղթին հավանություն է տվել նաև մշակույթի նախարարության ներկայացուցիչը։

Մշակույթի նախարարության հիշյալ ներկայացուցիչը՝ ՄՆ հուշարձանների պահպանության գործակալության պետ Արմեն Աբրոյանը, մինչդեռ, այս փաստարկին ևս հակադարձում է, նշելով․ «Քաղաքապետարանը համաձայնություն է կորզել կեղծիքով»։

«Գլխավոր հատակագծում ներկայացվել է այլ հատակագիծ, այլ սխեմա, դա կեղծիք է։ Մենք գենպլանին համաձայնություն տվել ենք մի ձևաչափով՝ որպես կանաչ գոտի: Էդ համաձայնության ստորագրությունները, էդ հանձնաժողովի եզրակացությունը վերցրել են, գենպլանը փոխել են․․․ ես դա նաև պաշտոնապես եմ ասում ձեզ, և կցել են էդ ստորագրությունը»,- ասում է Աբրոյանը: Նրա պնդմամբ՝ դեռ նախորդ կառավարության օրոք է ինքն այս հարցը բարձրացրել, Վանաձորի քաղաքապետարանի «կեղծիքն» ապացուցող փաստերն էլ անգամ նախկին վարչապետին է ցույց տվել։

Հելսինկյան քաղաքացիական ասամբլեայի Վանաձորի գրասենյակն արդեն 5 ամիս վարչական դատարանում վիճարկում է «Արցախ» պուրակն օտարելու և շինթույլտվություն տալու մասին Վանաձորի երկու քաղաքապետերի որոշումների օրինականությունը։ Իրավապաշտպան կազմակերպությունը դատի է տվել քաղաքապետարանին. համարում է, որ պետք է այդ որոշումներն անօրինական համարել և դադարեցնել շինարարությունը։ Մինչդեռ դատարանում երրորդ կողմ հանդիսացող՝ տարածքի համասեփականատեր Տիգրան Հարությունյանն ասում է, թե շարունակելու են շինարարությունը: Նա համոզված է, որ ընկերությունը որևէ խախտում թույլ չի տվել․ «Մենք բոլոր թուլտվություններն ունենք քաղաքապետարանից»։

Քանի դեռ վարչական դատարանը քննում է իրավապաշտպան կազմակերպության հայցը, իսկ մշակույթի նախարարությունն ու Վանաձորի քաղաքապետարանը գրություններ են փոխանակում, «Գ. և Մ.» ընկերությունն «Արցախ» պուրակում շարունակում է մանկական զբաղվածության կենտրոնի շինարարությունը։ Ընկերության համասեփականատեր Տիգրան Հարությունյանն ասում է․ «Մենք օտարված տարածքը ձեռք ենք բերել, մեծ գումարներ ենք ներդրել, էսօր մենք չենք, որ պետք է փաստի առաջ կանգնենք: Մենք էլ ենք պահանջատեր լինելու։ Մենք էլ մեր ձևով մեր մեր փոխհայցը, մեր փոխպահանջը կներկայացնենք»։

Նշենք, որ երկու ամիս առաջ «Արցախ» պուրակի հիշյալ շինհրապարակում վերամբարձ կռունկի ճոպանը պոկվել էր, մոտ մեկ տոննա բետոնե զանգվածը ցած էր ընկել, որի հետևանքով աշխատողներից մեկը մահացել էր։ Դեպքի կապակցությամբ քրեական գործ է հարուցվել։

azatutyun.am

 ԱԱԾ դերի բարձրացմանը զուգահեռ պետք է անպայման ուժեղանա քաղաքացիական այլ մարմինների, գերատեսչությունների գործառույթների դերը։ «Առաջին լրատվական»-ի հետ զրույցում այդ մասին ասել է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը։

Նշենք, որ Ազգային անվտանգության ծառայության տնօրեն Արթուր Վանեցյանը նախօրեին Ծաղկաձորում քաղաքացիական հասարակության ներկայացուցիչների հետ հանդիպման ժամանակ հայտարարել է, թե ԱԱԾ-ն որևէ մասնակցություն չի ունենալու ընտրություններին։

Արթուր Սաքունցի խոսքերով՝ հանդիպումը ծրագրավորված չէր, պարզապես համընկավ իր Ծաղկաձորում գտնվելուն, ու քննարկումների ժամանակ ֆորումի կազմակերպիչների կողմից հրավիրվեց և չմերժեց։ «Ուշագրավ փաստ եմ համարում, որ նման կարևոր կառույցի մատչելիությունը նոր Հայաստանում առկա է պետի մակարդակով, և բաց է քաղաքացիական հասարակության հետ հաղորդակցման համար։ Պատրաստակամություն կա շփվելու, ներկայացնելու, նույնիսկ ամենաանհարմար հարցերին պատասխանելու։ Սա որպես վարքագծի, մոտեցման արմատական փոփոխություն՝ ի տարբերություն նախորդ իշխանության, երբ ԱԱԾ-ն ընդհանրապես նման ձևաչափերով անհասանելի էր»,- ասել է Արթուր Սաքունցը։

Իրավապաշտպանի խոսքերով՝ Արթուր Վանեցյանը հատուկ շեշտել է, որ ԱԱԾ-ն չի մասնակցելու ընտրական գործընթացներին, չի լինելու գործիք որևէ քաղաքական ուժի օգտին աշխատելու առումով, մարդկանց որպես վարչական ռեսուրս չի օգտագործելու, բայց օրենքով սահմանված իր գործառույթները կատարելու է, երբ խոսքը վերաբերի ընտրական գործընթացներում որոշ խախտումների։ «Ուշագրավ էր նրա մեկ այլ մեկնաբանությունը՝ կապված իմ հարցի հետ, որ ԱԱԾ-ն պետք է լինի նախարարության կարգավիճակով, որպես պառլամենտական վերահսկողության ապահովում։ Վանեցյանն ասաց, որ ԱԱԾ-ն պետք է լինի ապաքաղաքական, հետևաբար կառավարության կազմում ընդգրկելը կարող է քաղաքական մարմնի կարգավիճակ ամրապնդել, ինչի հետ ես համաձայն եմ։ Չնայած միշտ պնդում էի, որ ԱԱԾ-ն պետք է լինի նախարարություն, բայց, մյուս կողմից, պառլամենտական վերահսկողության տեսանկյունից տեսնում եմ, որ կարող է լինել ոչ թե կառավարությանն առընթեր, այլ որպես պետական կոմիտե, որ օրենքով պետք է սահմանվի Ազգային ժողովում Ազգային անվտանգության պետական կոմիտեի հաշվետվությունը։ Ոչ թե նախարարության կարգավիճակով ապահովել ԱԺ վերահսկողությունը, այլ օրենքի ուժով առանձնացվի կառավարության ենթակայությունից, քաղաքական ազդեցությունից, սահմանվի տարեկան հաղորդումների ներկայացման և պատգամավորական հարցումներին պատասխանելու պարտադրանքը»,- նշել է Սաքունցը։

Դիտարկմանը, թե ԱԱԾ-ի դերն ու նշանակությունը նոր իշխանության պայմաններում շեշտակի դարձել է, ԱԱԾ-ն դարձե՞լ է առանցքային մարմիններից մեկը, Սաքունցը պատասխանել է․ «Ե՛վ համաձայն եմ, և՛ համաձայն չեմ։ Ինչու չեմ համաձայն, որովհետև պետք է հիշեն բոլորը, որ նախորդ իշխանության օրոք բազմիցս են հնչել թե՛ տեղական, թե՛ միջազգային մակարդակում ՀՀ-ում կոռուպցիան հասել էր այնպիսի ծավալների և խորության, որ ազգային անվտանգության սպառնալիք էր։ Դրա վառ ապացույցը հանդիսացավ 2016թ․ Ապրիլյան պատերազմի ժամանակ բացահայտված խնդիրները։ Իսկ դա նշանակում է, որ կոռուպցիոն մեխանիզմների բացահայտումը, կանխումը որպես ազգային անվտանգության սպառնալիքների, առավել քան անհրաժեշտ է, և, բնականաբար, հետհեղափոխական ժամանակաշրջանում ուրիշ ով, եթե ոչ ԱԱԾ-ն ստիպված է այդ աղբը մաքրելու գործառույթն իրականացնել»։

Ըստ Սաքունցի՝ այս տեսակետից տրամաբանական է, որ այդ մարմնի դերն է բարձրանում։ «Մյուս կողմից էլ՝ համաձայն եմ, որ կոռուպցիոն աղբի մաքրման գործառույթի, ապամոնտաժման գործառույթի իրականացման հետ մեկտեղ պետք է անպայման ուժեղանան քաղաքացիական այլ մարմինների, գերատեսչությունների գործառույթների դերը, որ ԱԱԾ-ի այդ նշանակությունը հավասարակշռվի։ Եթե դաշտը մաքրվում է կոռուպցիոն մեխանիզմներից, այդ կոռուպցիան ապամոնտաժվում է քաղաքական տնտեսական մակարդակներում, պետք է զուգահեռ նոր մեխանիզմները գործեն, որ ԱԱԾ կողմից կոռուպցիոն մեխանիզմները չդառնա իշխանության միակ գործողությունը»,- ասել է նա։

Իրավապաշտպան, «Հելսինկյան ասոցիացիա» իրավապաշտպան կազմակերպության ղեկավար Նինա Կարապետյանցն էլ նշեց, թե ադեկվատ և նորմալ է, որ ԱԱԾ-ն չի միջամտելու ընտրություններին։ «Դա ոստիկանության գործառույթն է՝ ապահովել ընտրությունների թափանցիկությունն ու արդարությունը, և, ինչպես հասկանում եմ, ոստիկանությունն ունի այդ ցանկությունը։ ԱԱԾ-ի մասնակցությունն այդքան էլ ճիշտ չի լինի։ Անցումային իրավիճակում ենք, որոշ դեպքերում կարող են խիստ դիրքորոշումներ լինել, բայց օրենքը, ամեն դեպքում, սրբազան է, օրենքի խախտում չի կարելի թույլ տալ»,- ասել է նա։

Իրավապաշտպանն արձանագրեց, որ ԱԱԾ-ն նոր Հայաստանում նոր գործելաոճ է որդեգրել․ «Այն, որ Վանեցյանը եկել էր հանգստանալու և իր հանգստի հաշվին ցանկացավ հանդիպել ՀԿ սեկտորի հետ, նման երևույթ մենք չենք տեսել։ Շատ գովելի է։ Այս պահի դրությամբ ֆիքսենք, որ ակնհայտ առաջընթաց կա»։

1in.am

 Lragir.am-ի զրուցակիցն է իրավապաշտպան Արթուր Սաքունցը

Պարոն Սաքունց, վարչապետ Նիկոլ Փաշինյանը խոսեց արտահերթ խորհրդարանական ընտրություններից առաջ սահմանադրական փոփոխությունների անհրաժեշտության մասին: Ի՞նչ փոփոխություններ պետք է կատարվեն:

Սահմանադրական փոփոխություններ ընդհնարապես չպետք է արվեին այն ձևով, որն արվեց 2015 թվականին: Այսինքն՝ 2015 թվականի սահամանդրական այդ պարտադրված փոփոխությունների հենց հաջորդ օրն արդեն կար անհրաժշետություն այդ Սահմանադրությունը փոփոխելու: Ինչո՞ւ, որովհետև այն փոփոխությունները, որոնք կատարվեցին՝ նպատակ ունենալով իբր նախագահական կառավարման համակարգից անցում կատարել խորհրդարանական համակարգի, ըստ էության մեկ կուսակցական կառավարման համակարգ էին: Նպատակ կար երկրում ձևավորել մեկ կուսակցական կառավարման համակարգ՝ հանձինս կայուն քաղաքական մեծամասնության ինստիտուտի:

Ավելին, նաև այդ Սահմանադրությունը նպատակ ուներ ապահովելու Սերժ Սարգսյանի իշխանության շարունակականությունը, ինչը ժողովրդի ճնշման շնորհիվ չստացվեց: Այնպես որ, իշխանությունների ձևավորման, գործառույթների իրականացման այն մեխանիզմները, որոնք ամրագրված են այսօրվա Սահմանադրությունում, չէին նախատեսել, որ պետք է լիներ ժողովրդի իշխանություն: Նախատեսված էր, որ պետք է լիներ անձի գլխավորությամբ մեկ կուսակցական կառավարում:

Եթե հիշում եք, հենց նույն Շարմազանովն ասում էր, որ երկար ժամանակ բոլոր ճանապարհներն անցնելու են Մելիք Ադամյանով: Իսկ Սերժ Սարգսյանը ծրագրեր էր մշակում մինչև 2040 թվականի համար, խոսում էր ժողովրդագրական պատկերը փոխելու և այլնի մասին: Հիմա, երբ փոխվել են իշխանության բովանդակությունը, բնույթն ու մոտեցումները, այս Սահմանադրությունը չի կարող ապահովել այդ փոփոխված բնույթին համարժեք գործողություններ: Եվ հիմա բովանդակային տեսակետից փոփոխված իշխանությունը, որպեսզի կարողանա նաև այդ փոփոխության տրամաբանությանը համապատասխան գործողություններ իրականացնել, գործող Սահմանադրությունը խոչընդոտ է հանդիսանում:

Նախորդ իշխանությունները, Սահմանադրության ընձեռած գործիքներից օգտվելով, որոնք իրենք են ամրագրել, փորձում են խոչընդոտել բովանդակային փոփոխություների իրականացումը: Այսինքն՝ այստեղ կա հակասություն, կա սահմանադրական ճգնաժամ: Այստեղ անպայման պետք է փոփոխություն իրականացնել, որպեսզի հնարավոր լինի առաջ գնալ, հնարավոր լինի թավշյա հեղափոխության արդյունքում ձևավորված մոտեցումները, դրա ինստիտուցիոնալացումը տրամաբանական ավարտին հասցնել: Դրա մի օրինակը Ազգային ժողովի արտահերթ ընտրությունների անցկացման մեխանիզմների սահմանափակումն է, որովհետև նախորդ իշխանությունները չեն էլ մտածել, որ այդպիսի բան կլինի: Բայց Սահմանադրությունում այլ փոփոխություններ կատարելու անհրաժեշտություն էլ կա, մարդու իրավունքների մասով էլ կան մտահոգություններ, որը մենք ժամանակին բարձրաձայնել ենք:

Նիկոլ Փաշինյանը փոփոխության անհրաժեշտությունը հիմնականում նրանով բացատրեց, որ եթե խորհրդարանական արտահերթ ընտրություններից առաջ վարչապետը հրաժարական տա, ԱԺ մեծամասնությունը կարող է թաքուն վարչապետ ընտրել:

Միայն դրա համար չպետք է արվեն փոփոխությունները: Այս պահին առաջ շարժվելու համար դա անհրաժեշտ է, որովհետև այս Սահմանադրությունը սահմանափակումներ է մտցնում: Չկա Ազգային ժողովի ինքնալուծարման որևէ մեխանիզմ, քան վարչապետի երկու անգամ չընտրվելու հանգամանքն է: Այս քաղաքական պայմաններում այս Սահմանադրությունը բովանդակային փոփոխություններն է խոչընդոտում: Այսինքն՝ Սահմանադրությունը չի նպաստում քաղաքական փոփոխված իրավիճակին համահունչ գործողություններ կատարելուն:

ՀՀԿ-ականները դժգոհում են խոսքի ազատության սահմանափակման  մասով: Նրանք դատարաններին ու դատավորներին ուղղված վարչապետի հայտարարությունը սպառնալիքներ են որակում: Ի՞նչ խնդիրներ եք տեսնում այստեղ:

Առաջին հերթին, երկրում խոսքի ազատության սահմանափակում չկա, քանի որ նրանք չեն կարող որևէ փաստ բերել, որ որևէ կուսակցության պատկանող լրատվամիջոց փակվել է: Իսկ իրենց իշխանության օրոք եղել են նման օրինակներ: Ինչ վերաբերում է դատարանների մասին վարչապետի հայտարարությանը, դա իրենց կողմից ձևավորված դատական իշխանությունն է, որի վերաբերյալ գնահատականը հենց տրվել է միջազգային կազմակերպությունների կողմից: Ըստ այդմ՝ դատական իշխանությունը պետք է տարանջատել գործադիր իշխանությունից: Այսինքն՝ Հայաստանում դատական իշխանությունը գործել է քաղաքական իշխանության հրահանգներով: Եվ հիմա, երբ այդ հրահանգներն իշխանության կողմից չկան, իրենք են փորձում իրենց հրահանգները տալ, ինչն անթույլատրելի է: Այսինքն՝ այստեղ ամբողջ դժգոհությունը կայանում է նրանում, որ բացահայտվում է նախկին իշխանության կողմից վարված քաղաքականությունը: Դրանից դժգոհում են, որ ի՞նչ:

Վարչապետը նաև խոսեց անցումային արդարադատության ստեղծման մասինԴուք ի՞նչ եք կարծում՝ նման անհրաժեշտություն կա՞ Հայաստանում:

Անցումային արդարադատությունը պետք է ստեղծվեր ԽՍՀՄ փլուզումից անմիջապես հետո: ԽՍՀՄ ժամանակ մարդու իրավունքների զանգվածային խախտումների փաստերով և դրանց հետևանքով տուժած քաղաքացիների խախտված իրավունքների վերկանգնման ուղղությամբ պետք է այն ժամանակ աշխատանք տարվեր, տրվեր քաղաքական գնահատական նախորդ կառավարմանը:

Դրա չիրագործումը հանգեցրեց հետագա գործընթացներին: Այսինքն՝ անունով այլ, բայց բովանդակությամբ դարձյալ ավտորիտար կառավարում հաստատվեց երկրում: Եվ դա ժամանակին անցումային արդարադատություն չիրականացնելու հետևանք էր: Իսկ հիմա, երբ մենք այս հեղափոխության միջոցով կարողացանք ավտորիտար կառավարման հաստատումը չեղարկել, առավել քան անհրաժեշտ է անցումային արդարադատության ստեղծումը: Եվ այս երկրորդ հնարավորությունը մենք չենք կարող բաց թողնել: Եթե մենք հիմա անցումային արդարադատություն չիրականացնենք, որի միջոցով նախ կվերականգնվի դատական իշխանության նկատմամբ հանրային վստահությունը, երկրորդ, իրավական գնահատական կտրվի նախորդ ավտորիտար կառավարմանը, երրորդ, խախտված իրավունքների համար պետությունը ներողություն կխնդրի իր քաղաքացիներից՝ ամրագրելով, թե ինչպիսի կառավարում չպետք է լինի ՀՀ-ում, ոչինչ չի փոխվի:

Մարդիկ պետք է ստանան բարոյական ու նյութական փոխհատուցումներ: Եթե այս ամենը չկատարվի, ես վստահեցնում եմ, որ մենք էլի կունենանք ավտորիտար կառավարում:

lragir.am

Իրադարձությունների արխիվ
Հրապարակումների արխիվ
Միջոցառումների արխիվ
April 2019
M T W T F S S
« Sep    
1234567
891011121314
15161718192021
22232425262728
2930