ՀՔԱ Վանաձորի գրասենյակը 2018 թ.-ի սեպտեմբեր-նոյեմբեր ամիսներին իրականացնելու է դասընթացներ Հայաստանի Հանրապետությունում զինվորական հաշվառման ենթակա անձանց, զորակոչիկների, զինծառայողների եւ նրանց հարազատների համար: Դասընթացները տեղի կունենան Լոռու, Շիրակի, Արագածոտնի, Արարատի, Կոտայքի եւ Տավուշի  մարզերում:

Դասընթացները կազմակերպելու, մասնակիցներին ներգրավելու համար Կազմակերպությունը հավաքագրում է կոնտակտային անձանց Լոռու, Շիրակի, Արարատի, Կոտայքի և Տավուշի մարզերում:

Նախապատվությունը կտրվի նրանց, ովքեր ունեն իրավաբանական կրթություն, հանդիսանում են ակտիվ քաղաքացիներ և հետաքրքրված են նշված գործունեությամբ:

Հետաքրքրվածության դեպքում անհրաժեշտ է ներկայացնել ինքնակենսագրական (CV) asadikyan@hcav.am էլ. փոստի հասցեով մինչև 2018թ.-ի սեպտեմբերի 18-ը:

 ՀՔԱ Վանաձորի գրասենյակը 2018 թ.-ի սեպտեմբեր-նոյեմբեր ամիսներին իրականացնելու է դասընթացներ Հայաստանի Հանրապետությունում զինվորական հաշվառման ենթակա անձանց, զորակոչիկների, զինծառայողների եւ նրանց հարազատների համար:

Դասընթացները նպատակ ունեն զինվորական հաշվառման ենթակա անձանց, զորակոչիկներին, զինծառայողներին եւ նրանց հարազատներին իրազեկել իրենց իրավունքների եւ պարտականությունների մասին, տրամադրել տեղեկություններ վերջին ժամանակահատվածում իրականացված օրենսդրական փոփոխությունների մասին: Դասընթացի ժամանակ մասնակիցները կծանոթանան նախազորակոչային, զորակոչային ժամանակահատվածի եւ զինվորական ծառայության ընթացքում իրենց իրավունքներին եւ պարտականություններին, զորակոչի գործընթացում ներգրավված մարմինների գործունեությանը, անհրաժեշտ ընթացակարգերին, մասնավորապես՝ զինվորական հաշվառման, ծանուցման, բժշկական հետազոտությունների, որոշումների կայացման, որոշումների հետ համաձայն չլինելու դեպքում բողոքարկման մեխանիզմներին եւ այլ հարցերի:

Դասընթացին եւ դրանից հետո անհրաժեշտության դեպքում մասնակիցներին կտրամադրվի իրավական եւ բժշկական խորհրդատվություն, հարկ եղած դեպքում կազմակերպության իրավաբանը կներգրավվի բողոքարկաման եւ դատական պաշտպանության գործընթացում, եթե քաղաքացիները համաձայն չեն իրենց պիտանիության վերաբերյալ կայացված որոշումների հետ:

Դասընթացները տեղի կունենան Լոռու, Շիրակի, Արագածոտնի, Արարատի, Կոտայքի եւ Տավուշի  մարզերում: Յուրաքանչյուր քաղաքում տեղի ունեցող դասընթացների կոնկրետ օրերի մասին կտեղեկացնենք լրացուցիչ:  

Դասընթացներին կարող են մասնակցել նշված մարզերի տարբեր քաղաքային եւ գյուղական համայնքներից զորակոչիկներ, զինծառայողներ կամ նրանց հարազատներ, որոնց կփոխհատուցվեն տրանսպորտային ծախսերը:

Դասընթացներին մասնակցելու համար կարող եք գրանցվել asadikyan@hcav.am էլեկտրոնային փոստին նամակ գրելու կամ /0322/ 4 22 68, 094 042268 հեռախոսահամարներով զանգահարելու միջոցով:

Լուսանկարը՝ դասընթացների 1-ին փուլից

Զորակոչիկների և զինծառայողների իրավունքներին վերաբերող դասընթացները մարզերում կազմակերպելու համար անհրաժեշտ են կոնտակտային անձինք Լոռու, Շիրակի, Արարատի, Կոտայքի և Տավուշի մարզերում 

 Հաստիքի անվանումը

Իրավաբան

 Հիմնական պարտականությունները 

  1. Ք. Երևանում իրավական խորհրդատվության համար Կազմակերպություն դիմած քաղաքացիների ընդունում և իրավական խորհրդատվության տրամադրում:
  2. Թեժ գծով անհրաժեշտ խորհրդատվության տրամադրում, զանգերի գրանցում:
  3. Կազմակերպություն դիմած քաղաքացիներին իրենց խնդիրների վերաբերյալ անհրաժեշտ  դիմումների, հայցադիմումների, հաղորդումների (իրավական փաստաթղթերի) կազմում:
  4. Կազմակերպության անունից պատրաստվող հարցումների, գրությունների, հաղորդումների, նամակների, դիմումների, հայցադիմումների նախագծում/մշակում:
  5. Իրավաբանական բազայի լրացում:
  6. Կազմակերպության ռազմավարական դատավարական գործերի շրջանակներում անհրաժեշտ իրավական փաստաթղթերի կազմում:
  7. Դատական ներկայացուցչություն Կազմակերպության դատական գործերի շրջանակներում, մասնավորապես՝ քրեական և վարչական գործերով:
  8. Միջազգային զեկույցների համար Իրավաբանական բաժնի գործերի շրջանականերում տեղեկատվության պատրաստում (սահմանված չափանիշներով):
  9. Մասնակություն Իրավաբանական բաժնի կողմից իրականացվող վերլուծությունների, հետազոտությունների իրականացմանը և զեկույցների պատրաստմանը:
  10. Ծրագրային հաշվետվությունների պատրաստում (ըստ պահանջի):

Անհրաժեշտ հմտություններ, որակներ

  1. Բարձրագույն իրավաբանական կրթություն
  2. Աշխատանքային փորձ իրավաբանության ոլորտում (ցանկալի է)
  3. Վերլուծական հմտություններ
  4. Համակարգչային հմտություններ
  5. Հայերեն լեզվի գերազանց իմացություն, օտար լեզուների իմացություն (ցանկալի է)
  6. Մարդու իրավունքների մասին նվազագույն գիտելիքներ և արժևորում
  7. Հաղորդակցվելու հմտություններ, թիմում աշխատելու կարողություն
  8. Պատրաստակամություն մասնակցելու մասնագիտական վերապատրաստումների
  9. Արտաժամյա աշխատանք կատարելու պատրաստակամություն
  10. Պատրաստակամություն պաշտպանելու Կազմակերպության թիրախ խմբերի իրավունքները, ինչպիսիք են հոգեկան առողջության խնդիներ ունեցող, ազատազրկված ու կալանավորված, թմրամիջոց գործածող անձինք, զինծառայողներ ու զորակոչիկներ և այլն:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները:

Մինչև աշխատանքի անցնելը պետք է անցնել փորձաշրջան՝ մեկ ամիս տևողությամբ:

Աշխատավայր՝ ք. Երևան,  Վարդանանց 15, բն. 10, աշխատաժամեր` 9:30-18:30:

Դիմել՝ ուղարկելով հայերեն լեզվով ինքնակենսագրական (PDF ֆորմատով) ssukiasyan@hcav.am էլ. փոստի հասցեին՝ վերնագրի դաշտում նշելով «Իրավաբանի թափուր հաստիք»:

Դիմելու վերջնաժամկետ՝ 2018 թ.-ի սեպտեմբերի 15:

Ընտրված թեկնածուները կհրավիրվեն հարցազրույցի:

Երևան քաղաքի ավագանու արտահերթ ընտրություններին ընդառաջ ներքոստորագրյալ կազմակերպություններս վերահաստատում ենք ազատ և արդար ընտրությունների ապահովման ուղղված նախապայմանների կարևորությունը, որի մասին հայտարարել ենք դեռևս 2018թ․ ապրիլին։

Ժողովրդավարական չափանիշներին համապատասխան, ազատ, արդար և թափանցիկ ընտրություններ անցկացնելու համար անհրաժեշտ են հավասար մրցակցությունն ապահովող իրավակարգավորումներ, վարչական ռեսուրսը չչարաշահող իշխանություն, գործընթացները պատշաճ կազմակերպող և վերահսկող Կենտրոնական ընտրական հանձնաժողով (ԿԸՀ), մրցակցային հեռարձակումը երաշխավորող Հեռուստատեսության և ռադիոյի հանձնաժողով (ՀՌՀ), ընտրախախտումների դեմ արդյունավետ պայքարող իրավապահ  մարմիններ, ինչպես նաև ընտրական վեճերը պատշաճ քննող անկախ դատարաններ: Ի լրումն սրա, ընտրությունների արդյունքները լեգիտիմ ճանաչելու համար կարևորագույն նախապայման է հանրային վստահությունը վերոհիշյալ կառույցների նկատմամբ։

Հեղափոխությունից հետո ՀՀ գործադիր մարմնի ղեկավարի կողմից քաղաքական կամքի դրսևորումն անշուշտ գնահատելի, սակայն ոչ բավարար նախադրյալ է՝ երաշխավորելու լիովին մաքուր և/կամ հանրության համար ընդունելի՝ լեգիտիմ ընտրությունների անցկացումը։ Հայաստանում ընտրական գործընթացների համար պատասխանատու կառույցները տարիներ շարունակ այս կամ այն կերպ՝ հանցավոր գործողություններով կամ անգործությամբ մասնակցել են ընտրախախտումներին ու ընտրակեղծարարությանը, ինչի արդյունքում  վարկաբեվկել են  և ամբողջովին արժեզրկել ընտրությունների ինստիտուտը։ Թեև հավանականությունը մեծ է, որ նոր իրավիճակում և վարչապետի քաղաքական «հովանու ներքո» այս կառույցները դեմ չեն լինի պատշաճ իրականացնել օրենքով սահմանված իրենց գործառույթները,  սակայն չի կարելի մոռացության տալ նրանց պատասխանատվությունը տարիներ շարունակ Հայաստանի Հանրապետության քաղաքացուն ընտրելու և իշխանություն ձևավորելու իր իրավունքի ազատ իրացման հնարավորությունից զրկելու  գործում։ Անձանց՝ պատասխանատվության անտեսումը կամ մոռացության մատնումը, մի կողմից, չեն կարող երաշխավորել ընտրախախտումների ու ընտրակեղծարարության արատավոր պրակտիկայի աներկբա դատապարտումը, մյուս կողմից, դրանք կարող են ստվեր գցել առաջիկա կազմակերպվող ընտրությունների վրա։ Խիստ կարևոր է ընտրական գործընթացներում ներգրավված կառույցների «մաքրումը» և, առնվազն, վարկաբեկված պաշտոնյաների հեռացումը իրենց զբաղեցրած պաշտոններից։

ՀՀ Ոստիկանության և Հատուկ քննչական ծառայության ղեկավարների փոփոխությունը, ինչպես նաև նրանց ընթացիկ ակտիվ ու արդյունավետ գործունեությունը հույս են ներշնչում ընտրությյունների հետ կապված իրավապահ գործառույթները օրենքով լիարժեքորեն իրականացնելու առումով։ Կարևոր և անհրաժեշտ է նաև ԿԸՀ և ՀՌՀ-ի կազմերի փոփոխությունները՝ առնվազն դրանց ղեկավարների մակարդակով։

Համոզված ենք, որ ընտրական գործընթացների և ընտրությունների արդյունքների նկատմամբ հանրության վստահության բարձրացման նպատակով վերոնշյալ հարցերի լուծումը անհրաժեշտ է և խիստ հրատապ։

Կոչ ենք անում ԿԸՀ և ՀՌՀ ղեկավարներին վերանայել համապատասխան հանձնաժողովներում իրենց մասնակցության նպատակահարմարության հարցը և հրաժարվել պաշտոններից՝ հանուն ընտրությունների նկատմամբ հանրային վստահության վերականգնման։

Հելսինկյան քաղաքացիական ասամբեայի Վանաձորի գրասենյակ
Թրանսփարենսի Ինթերնեշնլ հակակոռուպցիոն կենտրոն
Ժուռնալիստների «Ասպարեզ» ակումբ
Հանրային տեղեկատվություն և գիտելիքի կարիք ՀԿ
«Աջակցություն կանանց և երեխաներին» ՀԿ
Խոսքի ազատության պաշտպանության կոմիտե
Իջևանի քաղաքացիական երիտասարդական կենտրոն
Արմավիրի քաղաքացիական երիտասարդական կենտրոն
«Երիտասարդական ավանգարդ» հանրային շահերի աջակցման կենտրոն ՀԿ
«Երեխաների հասարակություն. մանկապատանեկան ձեռնարկումների աջակցության կենտրոն» ՀԿ
Իրավունքի զարգացման և պաշտպանության հիմնադրամ
«Սյունիքի քաղաքացիական կրթության կենտրոն» ՀԿ
Արտաշատի քաղաքացիական երիտասարդական կենտրոն
Եղեգնաձորի քաղաքացիական երիտասարդական կենտրոն
Նոր սերունդ մարդասիրական ՀԿ
«Սպիտակի հելսինկյան խումբ» իրավապաշտպան ՀԿ
«Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ
Կանանց ռեսուրսային կենտրոն
«Հանրային իրազեկման և մոնիտորինգի կենտրոն»  ՀԿ
Հանուն հավասար իրավունքների  ՀԿ
Իրական աշխարհ, իրական մարդիկ ՀԿ
«Հասարակական հետազոտությունների առաջատար խումբ» ՀԿ
Գյումրու քաղաքացիական երիտասարդական կենտրոն
«Շողեր միություն» սոցիալ-կրթական ՀԿ
«Իրավունքների պաշտպանություն առանց սահմանների» ՀԿ
«Քալրֆուլ Հաուս» սոցիալ-մշակութային և իրավապաշտպան ՀԿ
«Հանրային լրագրության ակումբ» ՀԿ
Տնտեսական իրավունքի կենտրոն ՀԿ
«Խորան Արդ» ինտելեկտուալ կենտրոն
Բամբիռ մշակութային հասարակական կազմակերպություն
Անգել. սոցիալական կրթամշակութային ՀԿ
«Իրավունքի ուժ» ՀԿ
«Խաղաղության երկխոսություն»
Կանանց իրավունքների կենտրոն
«Դիտակ» ԻՏԿ ՀԿ
««Սոսե» կանանց հիմնահարցեր» ՀԿ
«Ընդդեմ իրավական կամայականության» ՀԿ

ՀՔԱ Վանաձորի գրասենյակը հայտարարում է մրցույթ տեղեկատվական տեխնոլոգիաների մասնագետի թափուր հաստիքի համար:

Հաստիքի անվանումը

Տեղեկատվական տեխնոլոգիաների մասնագետ

 Հիմնական պարտականությունները 

  1. Կազմակերպության կողմից օգտագործվող տեխնիկական ռեսուրսների` համակարգիչ, տպիչ սարք, սկաներ, պատճենահանող սարք, տեսախցիկ, լուսանկարչական ապարատ եւ այլն, անխափան շահագործման ապահովում, պրոֆիլակտիկ ստուգում, թերությունների հայտնաբերում և վերացում
  2. Համակարգչային ծրագրերի տեղակայում, թարմացում
  3. Համակարգչային ցանցի անխափան աշխատանքի ապահովում
  4. Ինտերնետ կապի անխափան աշխատանքի ապահովում
  5. Իրավախորհրդատվության բազայի ծրագրային գործարկմանն աջակցություն: Ինտերնետային կայքի սպասարկում և կարգավորում
  6. Ամսական վերլուծության ներկայացում
  7. Մեթոդական աջակցություն, աշխատանքային գործիքների մշակում և ներդրում, Կազմակերպության աշխատակիցներին տեխնիկական ռեսուրսների օգտագործման ժամանակ համապատասխան խորհրդատվության տրամադրում
  8. Կազմակերպության ինֆորմացիոն կառավարման եւ տեխնիկայի օգտագործման քաղաքականության նկատմամբ վերահսկողության ապահովում:

Անհրաժեշտ հմտություններ, որակներ

  1. Բարձրագույն կրթություն
  2. Աշխատանքային փորձ տեղեկատվական տեխնոլոգիաների ոլորտում
  3. Հայերեն լեզվի գերազանց իմացություն, ռուսերեն և անգլերեն լեզուների գերազանց իմացությունն առավելություն է
  4. Համակարգչային պարտադիր գիտելիքներ – MS Word, MS Excel, MS PowerPoint, Photoshop, Google Drive, WordPress
  5. Հաղորդակցվելու և թիմային աշխատանքի հմտություններ
  6. Հասարակական, քաղաքացիական ակտիվություն և մարդու իրավունքների պաշտպանությամբ հետաքրքրվածություն
  7. Արտակարգ իրավիճակներում արագ կողմնորոշվելու հմտություն և ճկունություն Ստեղծագործական, նորարարական մոտեցման ունակություն
  8. Անհրաժեշտության դեպքում ոչ աշխատանքային ժամերին կազմակերպության գործունեությանն աջակցելու պատրաստակամություն
  9. Պարտադիր պայման է անկուսակցական լինելը:

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: 

Անհրաժեշտ է ներկայացնել ինքնակենսագրական (CV) ssukiasyan@hcav.am էլ. փոստի հասցեով մինչև 2018թ.-ի սեպտեմբերի 16-ը:

af7075e58f46a63b33bdfdc7b4d1b5aeՀՔԱ Վանաձորի գրասենյակը հայտարարում է մրցույթ՝ լրիվ դրույքաչափով և մշտապես գրասենյակում աշխատող թարգմանչի թափուր աշխատատեղի համար:

Հիմնական պարտականությունները

- Կատարել նյութերի գրավոր թարգմանություն  հայերեն, անգլերեն և ռուսերեն լեզուներով

- Անհրաժեշտության դեպքում կատարել բանավոր թարգմանություն

-Պատասխանատու լինել կազմակերպության հայերեն, անգլերեն և ռուսերեն տեքստային նյութերի, հրապարակումների բովանդակության, բարձր որակի, տարածվող տեղեկատվության լեզվական և էթիկական ճշգրտության համար

– Անհրաժեշտության դեպքում ստուգել արդեն թարգմանված նյութերը

– Կատարել թարգմանված նյութերի խմբագրման աշխատատանք` ըստ անհրաժեշտության

– Մշտապես ներգրավված լինել կազմակերպության գործունեությանը

Անհրաժեշտ հմտություններ, որակներ

- Բարձրագույն կրթություն լեզվաբանության կամ հարակից ոլորտներում (ցանկալի է՝ թարգմանչի որակավորմամբ)

– Աշխատանքային փորձ

– Համակարգչային հմտություններ

– Հայերեն, անգլերեն և ռուսերեն լեզուների գերազանց իմացություն

– Հաղորդակցվելու հմտություններ, թիմում աշխատելու կարողություն

– Սեղմ վերջնաժամկետներով, դինամիկ, փոփոխվող միջավայրում աշխատելու ունակություն

– Արտաժամյա աշխատանք կատարելու պատրաստակամություն

– Մարդու իրավունքների մասին գիտելիքների տիրապետում և արժևորում

Կազմակերպության սկզբունքն է` հավասար աշխատանքային հնարավորություններ բոլորի համար, որը հիմնված է անձնական կարողությունների և որակավորման վրա՝ բացառելով որևէ խտրականություն` սեռի, տարիքի, ազգային պատկանելիության, առողջական վիճակի, սոցիալական վիճակի, ռասայի, մաշկի գույնի, սեռական կողմնորոշման կամ կրոնի հիման վրա: Սա վերաբերում է բոլոր գործողություններին և գործընթացներին, ներառյալ անձնակազմի ընտրությունը, ներգրավումը, աշխատանքի ընդունումը, աշխատանքից ազատումը,  աշխատանքի նշանակումը, փոխհատուցումը կամ միջանձնային հարաբերությունները: 

Դիմել՝ ուղարկելով հայերեն լեզվով ինքնակենսագրական (PDF ֆորմատով)` ssukiasyan@hcav.am էլ. փոստի հասցեին մինչև 2018 թ.-ի սեպտեմբերի 16-ը:

Ընտրված թեկնածուները կհրավիրվեն հարցազրույցի:

 Դիմում Նիկոլ Փաշինյանին Շանթ Հարությունյանի գործով

Վարչապետ Նիկոլ Փաշինյանին

Հարգելի պարոն վարչապետ

Թավշյա հեղափոխության ընթացքում, ապա հեղափոխությունից հետո Դուք բազմիցս հայտարարել եք, որ Հայաստանում պետք է բացառվեն այնպիսի արատավոր երեւույթներ, ինչպիսիք են կոռուպցիան, կլանային համակարգը, արդարադատության բացակայությունը, մարդու իրավունքների խախտումները, քաղբանտարկյալների գոյությունը։ Սրանք բոլորն էլ առաջնահերթություններ են, որոնց հաղթահարման համար անհրաժեշտ են հրատապ քայլեր ու ժամանակ։ Բայց թվարկված առաջնահերթություններից մեկի՝ քաղբանտարկյալների դեպքում դանդաղելու  իրավունք չունենք։

Մարդու իրավունքների ոլորտը անհապաղ քայլեր է պահանջում։

Լուրջ ու շտապ անդրադարձ պետք է լինի ազատազրկման վայրերին։ Դրանք պետք է բեռնաթափվեն։ Պետք է բարելավել պահման պայմանները կալանավայրերում։  Պետք է համակողմանի ուսումնասիրության ենթարկվի ցմահ դատապարտվածների խնդիրը։ Անթույլատրելի է մարդկանց ցմահ ազատազրկման դատապարտել եւ մեկընդմիշտ ջնջել նրանց ու մոռանալ։ Պետք է սկսել Հայաստանում եղած քաղբանտարկյալների արդարացման գործընթաց։

Հայաստանյան եւ միջազգային իրավապաշտպան կազմակերպությունների կողմից քաղբանտարկյալ ճանաչված  Շանթ Հարությունյանը, իր նկատմամբ միայն արդարացման վճիռ է ակնկալում, եւ այլ ճանապարհով չի պատրաստվում ազատ արձակվել։ Նրա ու նրա ընկերների նկատմամբ ժամանակին իրականացվել է անարդար դատավարություն եւ հրապարակվել է արարքին ակնհայտ անհամաչափ դատավճիռ։

Կարծում ենք՝ քաղբանտարկյալի կողմից իր նկատմամբ քաղաքական դրդապատճառներով կայացված դատավճռի վերացման եւ իր արդարացման պահանջը տրամաբանական է եւ Ձեր կողմից համապատասխան դիրքորոշման հնչեցումը ընկալվելու է ոչ թե որպես դատական իշխանությունների ուղղորդում, այլ հանրային հիմնավոր ակնկալիքների արտահայտում, որը նպաստելու է խնդրի իրավաբանական լուծմանը։ Պետք է վերացվի քաղբանտարկյալի նկատմամբ կայացված անարդար ու պատվիրված դատավճիռը, նա պետք է արդարացվի եւ ազատ արձակվի։

Դիմում ենք ձեզ առաջարկելով հետին պլան չմղել Շանթ Հարությունյանի եւ ընդհանրապես քաղբանտարկյալների արդարացման գործը։ Այն այսօր մարդկանց խախտված իրավունքների վերականգնմանն ուղղված անհետաձգելի եւ անհրաժեշտ քայլ է, որը կազդարարի այլեւս առանց քաղբանտարկյալներ Հայաստանի մասին։

Վարդան Հարությունյան      Իրավունքի եւ ազատության կենտրոն

Բորիս Նավասարդյան         Երեւանի մամուլի ակումբ

Ավետիք Իշխանյան              Հայաստանի հելսինկյան կոմիտե

Արթուր Սաքունց    Հելսինկյան քաղաքացիական ասամբլեայի Վանաձորի գրասենյակ

Լեւոն Բարսեղյան                Լրագրողների «Ասպարեզ» ակումբ

Սոնա Այվազյան                 «Թրանսփարենսի ինթերնեշնլ» հակակոռուպցիոն կենտրոն

lragir.am

 Տեղեկացնում ենք, որ 2018 թվականի օգոստոսի 1-ից Հելսինկյան քաղաքացիական ասամբլեայի Վանաձորի գրասենյակի կողմից տրամադրվող իրավաբանական խորհրդատվությունը լսողության խնդիրներ ունեցող անձանց համար առավել հասանելի է դարձել։

Կազմակերպության նոր աշխատակիցը տիրապետում է ժեստերի լեզվին և ըստ անհրաժեշտության՝ կարող է ապահովել համապատասխան թարգմանություն։

Դիմեք մեզ յուրաքանչյուր աշխատանքային օր՝ ժամը 10։00-18։00-ն, Վանաձորում՝ Տիգրան Մեծ 59, Երևանում՝ Վարդանանց 15, բն. 10 հասցեով։

Ժեստերի լեզվին տիրապետող աշխատակցի նստավայրը Վանաձորի գրասենյակն է, ուստի՝ խնդրում ենք Երևանի գրասենյակ դիմելիս նախապես պայմանավորվել օր և ժամ Կազմակերպության hcav@hcav.am էլ. փոստի կամ 0322 72268, 077 342268, 010 544053 հեռախոսահամարների միջոցով:

Խտրականության դեմ պայքարի և հանուն հավասարության կոալիցիան (այսուհետ՝ Կոալիցիա) խստագույնս դատապարտում է Սյունիքի մարզի Շուռնուխ գյուղում տեղի ունեցած ծայրահեղ անհանդուրժողականության, ատելության և բռնության պոռթկումը, որն արտահայտվեց 9 երիտասարդի կյանքի և առողջության նկատմամբ հոգեբանական և ֆիզիկական ոտնձգությամբ:

Կոալիցիան պնդում է, որ կատարվածի համար պատասխանատվությունը կիսում են հավասարապես թե այն անձինք, ովքեր հարձակում են գործել գյուղի բնակիչներից մեկի մոտ հյուրընկալված երիտասարդների վրա և թե իրավապահ մարմինները, մասնավորապես ոստիկանության ծառայողները, որոնք տարիներ շարունակ իրենց անգործությամբ, թողտվությամբ և նույնիսկ, ուղղորդմամբ խրախուսել են իրական կամ ենթադրյալ սեռական կողմնորոշման և գենդերային ինքնության պատճառով ատելության հիմքի վրա կատարված հանցագործությունները:

Եթե մի քանի ամիս առաջ Գորիսում տուժածներից երկուսի նկատմամբ տեղի ունեցած հարձակման  դեպքի կապակցությամբ ՀՀ ոստիկանության Գորիսի բաժինը պատշաճ կերպով արձագանքեր, ապա նույն բռնարարները այս անգամ չէին գլխավորի մարդկանց առողջությանը ավելի ծանր վնաս պատճառած այս հարձակումը:

Իրական կամ ենթադրյալ սեռական կողմնորոշման և գենդերային ինքնության պատճառով ատելության հիմքով կատարված հանցագործությունների զոհերի բողոքներին ընթացք չտալով, զոհերին մեղադրելով և նշված հիմքով ատելությունը որպես մեղմացուցիչ հանգամանք դիտարկելով՝ ՀՀ ոստիկանությունը և այլ իրավապահները փաստացի խրախուսում են նման հանցագործությունները:

Հայաստանի Հանրապետությունը տարիներ շարունակ ձախողում է ԼԳԲՏ անձանց խտրականությունից զերծ մնալու, բռնության չենթարկվելու, արժանապատիվ կյանքի և ՀՀ սահմանադրությամբ ու միջազգային փաստաթղթերով սահմանված մի շարք այլ իրավունքների ապահովումն ու պաշտպանությունը, ինչն անհամատեղելի է ժողովրդավարության և մարդու իրավունքների գերակայության արժեքները հռչակած պետության տեսլականի հետ: Իր քաղաքացիների իրավունքների պաշտպանությունը պետության գոյության հիմնական նպատակներից է, ինչին կարելի է հասնել միայն պետական մարմինների գործելաոճի կտրուկ փոփոխության արդյունքում:

Կոալիցիան հայտնում է իր զորակցությունը Սյունիքի մարզի Շուռնուխ գյուղում հարձակման ենթարկված անձանց, բարձր գնահատում իրենց պայքարը իրավունքների պաշտպանության համար և պատրաստակամություն է հայտնում աջակցել ԼԳԲՏ անձանց իրավունքների պաշտպանության նախաձեռնություններին և պահանջում.

  • ՀՀ ոստիկանությունից և այլ պատկան մարմիններից գործի պատշաճ և արդարացի քննություն և մեղավորների համաչափ և օրինաչափ պատիժ:
  • ՀՀ կառավարությունից անհապաղ քայլեր ձեռնարկել Հայաստանում խտրականության բոլոր հատկանիշներով ատելության հիմքով հանցագործությունների և խտրականության վերացման ուղղությամբ՝ ինչպես օրենսդրական կարգավորումների միջոցով, այնպես էլ դրսևորելով քաղաքական կամք՝ արտահայտվելու և գործելու հասարակական անվտանգության համար նման վտանգ ներկայացնող հանցագործությունների դեմ:

Կոալիցիան պատրաստակամ է ցուցաբերել մասնագիտական և տեխնիկական աջակցություն այդ նպատակը իրականացնելու համար:

Խնդրում ենք գրանցվել միայն այն դեպքում, եթե բնակվում եք Երևան քաղաքում կամ կարող եք ինքնուրույն ապահովել ձեր տեղափոխությունը և կեցությունը Երևանում՝ դասընթացի և դիտորդության ժամանակ։  

«Անկախ դիտորդ» հասարակական դաշինքը, ի դեմս Հելսինկյան քաղաքացիական ասամբլեայի Վանաձորի գրասենյակի և Իրազեկ քաղաքացիների միավորման, հավաքագրում է դիտորդներ՝ Երևան քաղաքի ավագանու արտահերթ ընտրությունների քվեարկության օրը դիտորդություն իրականացնելու համար:

«Անկախ դիտորդ» հասարակական դաշինքի հետ համագործակցության փորձը կդիտարկվի որպես առավելություն, սակայն կանչը բաց է բոլորի համար, և նախատեսվում է նախնական վերապատրաստում:  

Հայտը ներկայացնելու համար անցեք https://goo.gl/forms/hwdduVzOR5WteEiy1 հղումով և լրացրեք ձևը:

Հայտերի ընդունման վերջնաժամկետը՝ 2018 թ. օգոստոսի 25՝ ժ․ 23:59:

Լրացուցիչ տեղեկությունների համար կարող եք աշխատանքային օրերին և ժամերին զանգահարել ՀՔԱ Վանաձորի գրասենյակ՝ 077342268, 032272268 հեռախոսահամարներով կամ գրել independentobserverarm@gmail.com էլ. փոստի հասցեին:

Կոնտակտային անձ՝ Անտոն Իվչենկո:

Տես նաև՝ «Անկախ դիտորդ»-ը հրավիրում է համագործակցելու դիտորդական առաքելության շրջանակում՝ որպես հավաքագրող, դիտորդների համակարգող կամ իրավաբան 

 «Անկախ դիտորդ» հասարակական դաշինքը, ի դեմս Հելսինկյան քաղաքացիական ասամբլեայի Վանաձորի գրասենյակի և Իրազեկ քաղաքացիների միավորման, հրավիրում է համագործակցելու՝ Երևան քաղաքի ավագանու արտահերթ ընտրությունների քվեարկության օրը դիտորդություն իրականացնելու համար:

«Անկախ դիտորդ» հասարակական դաշինքի հետ համագործակցության փորձը կդիտարկվի որպես առավելություն, սակայն կանչը բաց է բոլորի համար, և նախատեսվում է նախնական վերապատրաստում:

Պարտականությունների նկարագրություն.

Հավաքագրողներ / Համակարգողներ

- Դիտորդների հավաքագրման մասին հայտարարության տարածում, տվյալների հավաքում և կապի պահպանում

- Դասընթացների, հանդիպումների և ընտրությունների օրը դիտորդների տեղափոխության և մասնակցության համակարգում

- Դիտորդների աշխատանքի վերահսկում, փոխհատուցման կազմակերպում

Իրավաբաններ

- Խորհրդատվության տրամադրում իրենց կցված դիտորդներին

- Անհրաժեշտության դեպքում գրությունների  պատրաստում և ուղարկում

- Խախտումների վիճարկման հետագա գործընթացներում ներգրավվելու հնարավորություն

Տեղեկատվություն մուտքագրողներ

- Քվեարկության օրը դիտորդներից տեղեկատվության պարբերական հավաքագրում և համակարգում Google Forms-ի միջոցով

- Խախտումների դեպքերի փոխանցումը իրավաբաններին

- Միջանկյալ արդյունքների հիման վրա զեկույցների կազմման մասնակցություն


Վերոնշյալ հաստիքներին դիմելու համար ուղարկեք ձեր CV-ն և ուղեկցող նամակը independentobserverarm@gmail.com հասցեին՝ թեմայի դաշտում նշելով համապատասխանաբար՝ «Համակարգող», «Իրավաբան» կամ «Մուտքագրող» և Ձեր անունը:

Ուղեկցող նամակում խնդրում ենք մանրամասնել ընտրական գործընթացների հետ կապված Ձեր փորձի և ներգրավման շահագրգռվածության մասին։

Հայտերի ընդունման վերջնաժամկետը՝ 2018 թ. օգոստոսի 12՝ ժ․ 23:59:

Լրացուցիչ տեղեկությունների համար կարող եք աշխատանքային օրերին և ժամերին զանգահարել ՀՔԱ Վանաձորի գրասենյակ՝  077342268, 032272268 հեռախոսահամարներով կամ գրել independentobserverarm@gmail.com էլ. փոստի հասցեին:

Կոնտակտային անձ՝ Անտոն Իվչենկո:

Տես նաև՝ «Անկախ դիտորդ» դաշինքը հավաքագրում է դիտորդներ

 2018թ հուլիսի 17-ին Ընտրական օրենսգրքի բարեփոխումների իրականացման համար ձևավորված խորհրդարանական խմբակցությունների հանձնաժողովի նիստի ընթացքում ՀՀ Ազգային ժողովի փոխնախագահ Արփինե Հովհաննիսյանը ՀՀ վարչապետին առընթեր ընտրական օրենսգրքի բարեփոխումների հանձնաժողովի քարտուղար Դանիել Իոաննիսյանի վերաբերյալ ասել է «Էս մտավոր հետամնացի հետ ի՞նչ քննարկենք»։ Նա իր խոսքն ուղղել է ՀՀ ԱԺ պատգամավորներ Արմեն Ռուստամյանին, Ալեն Սիմոնյանին և ՀՀ արդարադատության նախկին նախարար Դավիթ Հարությունյանին։

ՀՀ բարձրաստիճան պետական պաշտոնյայի կողմից Դանիել Իոաննիսյանին մտավոր հաշմանդամություն վերագրելու միջոցով վիրավորելը, ոչ այլ ինչ է, քան ենթադրյալ հաշմանդամության հիմքով խտրականություն, առկա խտրականության արդարացում և խորացում, որը շարունակում է խոցելի դարձնել նրանց։

Հայաստանի Հանրապետությունը 2010 թ վավերացրել է Հաշմանդամություն ունեցող անձանց իրավունքների մասին ՄԱԿ-ի կոնվենցիան, որի շրջանակներում պարտավորություն է ստանձնել ապահովելու հաշմանդամություն ունեցող անձանց իրավունքների պաշտպանությունը և նրանց արժանապատվության նկատմամբ հարգանքը, այդ թվում՝ նրանց մասնակցությունը հանրային և քաղաքական կյանքին, որոշումների կայացմանը։
Մտահոգիչ է նաև Արփինե Հովհաննիսյանի արձագանք-պարզաբանումը իր արտահայտությունների վերաբերյալ, որով խուսափում է իր խոսքի՝ հաշմանդամություն ունեցող անձանց համար վիրավորական լինելու մասին փաստից և ներողություն է հայցում միայն ձևակերպման անձնավորված բնույթի համար։

Անընդունելի համարելով մտավոր խնդիրներ ունեցող անձանց նկատմամբ խտրական վերաբերմունքը և մտավոր խնդիրների շահարկումը՝ պահանջում ենք ՀՀ Ազգային ժողովից սահմանված կարգով ձևավորել էթիկայի ժամանակավոր հանձնաժողով և քննարկել ՀՀ Ազգային ժողովի փոխնախագահի վարքագիծը։

 

Ներառական իրավական բարեփոխումների կոալիցիա

 

Հայտարարությանը միացել են հետևյալ իրավապաշտպան կազմակերպությունները՝

 

  1. «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ
  2. Հելսինկյան Քաղաքացիական Ասամբլեայի Վանաձորի գրասենյակ
  3. «Հաշմանդամություն և ներառական զարգացում» ՀԿ (նախկին «Դիսըբիլիթի ինֆո» ՀԿ)
  4. «Հանուն հավասար իրավունքների» ՀԿ
  5. «Իրավական նախաձեռնությունների կենտրոն» իրավապաշտպան ՀԿ
  6. «Իրական Աշխարհ, Իրական Մարդիկ» ՀԿ
  7. «Կանանց Ներուժի Զարգացման Կենտրոն» ՀԿ
  8. «Հասարակություն Առանց Բռնության» ՀԿ
  9. «Հանրային տեղեկատվություն և գիտելիքի կարիք» ՀԿ
  10. «Սեռական բռնության ճգնաժամային կենտրոն»
  11. «Սպիտակի Հելսինկյան խումբ» իրավապաշտպան ՀԿ
  12. «Լիարժեք կյանք» ՀԿ
  13. «Իրավունքի զարգացման» կենտրոն ՀԿ
  14. «Նոր Սերունդ» մարդասիրական ՀԿ
  15. «Մենք Կարող ենք» ՀԿ
  16. «Հավասար իրավունքներ, հավասար հնարավորություններ» հաշմանդամություն ունեցող անձանց ՀԿ
  17. «Կանանց Ռեսուրսային կենտրոն»
  18. «Կանանց աջակցման կենտրոն» ՀԿ
  19. Արև Մելքոնյան, անհատ, Ներառական իրավական բարեփոխումների կոալիցիա անդամ
  20. «Լռության Ձայն» ՀԿ
  21. Արմինե Ղազարյան, անհատ, Ներառական իրավական բարեփոխումների կոալիցիա անդամ
  22. «Սկարպ» ՀԿ
  23. «Իրավունքների պաշտպանություն առանց սահմանների» ՀԿ
  24. «Երեխաների հասարակություն. մանկապատանեկան ձեռնարկումների աջակցության կենտրոն» ՀԿ
  25. «Տաթևիկ» ՀԿ
  26. Եղեգնաձորի քաղաքացիական-երիտասարդական կենտրոն
  27. «Սոսե» Կանանց Հիմնահարցեր» ՀԿ
  28. Կապանի քաղաքացիական երիտասարդական կենտրոն
  29. Իջևանի քաղաքացիական երիտասարդական կենտրո
  30. Հրազդանի քաղաքացիական երիտասարդական կենտրոն
  31. «Հույսի Մեծամոր» ՀԿ
  32. Արմավիրի քաղաքացիական-երիտասարդական կենտրոն
Իրադարձությունների արխիվ
Հրապարակումների արխիվ
Միջոցառումների արխիվ
April 2019
M T W T F S S
« Sep    
1234567
891011121314
15161718192021
22232425262728
2930