ՀՔԱ Վանաձորի գրասենյակը դիմել է ՀՀ Սահմանադրական դատարան
15:10, November 13, 2014 | Նորություններ, Սեփական լրատվություն | ԵՄ, ԵՏՄ
Սահմանադրության 101 հոդվածի 6-րդ կետում ամրագրված իրավունքը իրացնելու նպատակով Հելսինկյան Քաղաքացիական Ասամբլեայի Վանաձորի գրասենյակ հասարակական իրավապաշտպան կազմակերպությունը դիմել է ՀՀ Սահմանադրական դատարան:
Դիմումը վերաբերվում է ՀՀ նախագահ Ս. Սարգսյանի 2013 թ. սեպտեմբերի 3-ին Մաքսային Միությանը (Եվրասիական տնտեսական միությանը) անդամակցելու հայտարարությանը:
Դիմումով կազմակերպությունը խնդրել է ՀՀ Վարչական դատավարության օրենսգրքի 66-րդ, 67, 68-րդ և 69-րդ հոդվածները այնքանով, որքանով սահմանափակում են արտաքին քաղաքակության բնագավառում ՀՀ Նախագահի իրականացրած գործողությունների արդյունքում ընդունված վարչական ակտերի վիճարկումը ՀՀ վարչական դատարանում, ճանաչել ՀՀ Սահմանադրության 3, 6, 18, 19, հոդվածներին հակասող և անվավեր:
Հիշեցնենք, որ ՀՔԱ Վանաձորի գրասենյակը դեռևս 2013 թ. նոյեմբերի 26-ին դիմել էր ՀՀ վարչական դատարան ընդդեմ ՀՀ Նախագահի միանձնյա և անակնկալ որոշման` պահանջելով ճանաչել ոչ իրավաչափ ՀՀ Նախագահ Ս. Սարգսյանի 2013թ. սեպտեմբերի 3-ի Մաքսային միությանը միանալուն ուղղված գործողությունները (անգործությունը):
Ստորև ներկայացնում ենք ՀՀ Սահմանադրական դատարան ներկայացված դիմումը: