0 8000 12 11

ՀԵԼՍԻՆԿՅԱՆ ՔԱՂԱՔԱՑԻԱԿԱՆ ԱՍԱՄԲԼԵԱՅԻ ՎԱՆԱՁՈՐԻ ԳՐԱՍԵՆՅԱԿ
HELSINKI CITIZENS′ ASSEMBLY
VANADZOR OFFICE

2001 Հայաստանի Հանրապետություն,
Վանաձոր Տիգրան Մեծի պողոտա 59
59 Tigran Metsi st.
Vanadzor, 2001, Republic of Armenia
Tel. (հեռ.) (374 322) 4 22 68
Fax (ֆաքս) (374 322) 4 12 36
E-mail: hcav@hcav.am

Ե/2015- 12.10/                                                                   ՀՀ մարդու իրավունքների պաշտպան
12.10.2015 թ.                                                                                                            Կ. Անդրեասյան

Հարգելի պարոն Անդրեասյան

2015 թ. հոկտեմբերի 5-ին ՀՀ Ազգային ժողովի կողմից կայացվել է ՀՀ սահմանադրության փոփոխությունների նախագիծը հանրաքվեի դնելու վերաբերյալ համաձայնություն տալու մասին որոշում:
ՀՀ Սահմանադրության 100-րդ հոդվածի համաձայն՝ Սահմանադրական դատարանն օրենքով սահմանված կարգով՝ 1) որոշում է … Ազգային ժողովի որոշումների, … համապատասխանությունը Սահմանադրությանը:

ՀՀ Սահմանադրության 101-րդ հոդվածի համաձայն՝ Սահմանադրությամբ և Սահմանադրական դատարանի մասին օրենքով սահմանված կարգով Սահմանադրական դատարան կարող են դիմել՝ 8) մարդու իրավունքների պաշտպանը՝ Սահմանադրության 100-րդ հոդվածի 1-ին կետում թվարկված նորմատիվ ակտերի՝ Սահմանադրության 2-րդ գլխի դրույթներին համապատասխանության հարցերով:

«Հանրաքվեի մասին» ՀՀ օրենքի 4-րդ հոդվածի 2-րդ մասի գ) կետի համաձայն՝ հանրաքվեի չեն կարող դրվել գ) մարդու և քաղաքացու իրավունքներին, ազատություններին ու պարտականություններին, դրանց իրականացումն ապահովող սահմանադրական երաշխիքների վերացմանը կամ սահմանափակմանը վերաբերող, … հարցերը:

Սահմանադրության փոփոխությունների նախագիծը, որը ՀՀ Ազգային ժողովի որոշմամբ ստացել է հանրաքվեի դրվելու հավանություն, պարունակում է մարդու և քաղաքացու որոշ իրավունքների, ազատությունների սահմանափակում և նրանց իրականացումն ապահովող սահմանադրական երաշխիքների վերացում և ըստ այդմ համաձայն «Հանրաքվեի մասին» ՀՀ օրենքի 4-րդ հոդվածի 2-րդ մասի «գ» ենթակետի` չի կարող դրվել հանրաքվեի:

Ուստի, դիմում եմ Ձեզ ՀՀ սահմանադրության փոփոխությունների նախագիծը հանրաքվեի դնելու վերաբերյալ ՀՀ Ազգային ժողովի վերոնշյալ որոշման՝ ՀՀ Սահմանադրության համապատասխանությունը որոշելու խնդրի վերաբերյալ ՀՀ Սահմանադրական դատարան դիմելու հարցով:

Կից ներկայացվում է՝
1. «Սահմանադրության փոփոխությունների նախագիծը չի կարող դրվել հանրաքվեի» ՀՔԱ Վանաձորի գրասենյակի տեղեկանքը .
2. «ՀՔԱ Վանաձորի գրասենյակի գնահատականը ՀՀ Սահմանադրական բարեփոխումների վերաբերյալ» տեղեկանքը :

Հարգանքով՝
կազմակերպության նախագահ` Արթուր Սաքունց

Կատարող` Ա.Չիլինգարյան
achilingaryan@hcav.am