0 8000 12 11

Մեկնարկել են նոր Ընտրական օրենսգիրք մշակելու շուրջ քննարկումները: Իրավապաշտպան Արթուր Սաքունցը այս կապակցությամբ մտահոգություններ ունի:

Ըստ նրա, Ընտրական օրենսգրքի (ԸՕ) եւ մյուս օրենքների փոփոխությանն անցնելուց առաջ պետք է կարողանանք սահմանադրական հանրաքվեի արդյունքները յուրացնել: Այն խայտառակությունը, որ տեղի ունեցավ եւ Սերժ Սարգսյանի սահմանադրության նախագիծը, որը պարտադրվեց թե առաջարկման, թե հանրաքվեի միջոցով, անհետեւանք չի կարող անցնել: Չենք գտնվում մի իրավիճակում, որ կարող ենք խոսել գործող օրենսդրության եւ սահմանադրության համապատասխանության մասին: Ինչ վերաբերում է Ընտրական օրենսգրքին, ապա, եթե ընդունենք, որ ղեկավարվելու ենք պարտադրված սահմանադրությամբ, բնականաբար պետք է օրենքները համապատասխանեցնենք:

Այլեւս ՀՀ նախագահ չի ընտրվելու, ուղղակի ընտրությամբ, ԱԺ-ն ամբողջությամբ լինելու է համամասնական, եւ խոսքը գնում է կայուն մեծամասնության ձեւավորման մասին: ԸՕ-ում պետք է լուծումներ տրվեն նաեւ ՏԻՄ ընտրությունների հարցին: Եթե դիտարկենք իրավական համապատասխանության տեսանկյունից, իհարկե, պետք է ընտրական օրենսգրքի այդ փոփոխությունները, բայց մենք չենք գտնվում այն վիճակում, որ կարելի է դրա մասին խոսել: Սա անվանում եմ սահմանադրական ճգնաժամ, որովհետեւ առաջարկել են խաղի կանոններ, որոնք բացարձակ վստահություն չունեն»:

Իրավապաշտպանի համոզմամբ, բացակայում է Սերժ Սարգսյանի՝ սահմանադրության նկատմամբ վստահությունը, դրա համապատասխանության հետ կապված անհրաժեշտ երաշխիքները. «Բավարար հիմքեր ունենք պնդելու, որ Սահմանադրության արդյունքները կեղծված են, լցոնված են բացակա ընտրողների փոխարեն, այս հարցը պետք է քննության առարկա դառնա եւ լինի առաջնային, ոչ թե օրենքների փոփոխությունները»:

Աղբյուրը՝ aravot.am